¹ Mwanyagwoni ogwoenenda okuhosha Israeli Ebhibhi Efrahimu nibhiyeresha amwinebhikolwa byobhujabhi bhwasamaria kwokubha bhakolele obhujigi obwifi okwingira mchiyo cha bhasakusi ni bhasangiru Mmitaa. ² Bhatakwelilwa mmtimna jebwe atienichuka ebhikolwe byebwe ebhibhasingira galiimbele yobhusubhwani. ³ Kwo kubha obhunyamune bhwebhwe bhakolele omukama abhenobhukondelwa na bhakurubhebhwe kwo lubhei lebhwe. ⁴ Bhona ni bhasiani, lwalitanga lyomuliloi ogwoogwatano omwochi umununasigile okuyemba omulilo kwambila okutobha jishano kukingila kuchifyimbya. ⁵ Olusiku lwo mkama eswe, abhatangasha bhekolele bharwae no bhusae bhwa ondivai. Nasomelesha okubhokoi kwae kubhaliya bha;liga nibhagaya. ⁶ Kwe mitima ja itanuri abhone abhatula amwi obhwitondo bhwo obhujigi. Hebhinyiga byebhwe ebhimama ngeta yone. Katondo ebyaka inguluy lwo mulilo. ⁷ Bhona bhabhwene omulilo lwa litanga, elibhasingalisha bhanu bhabhatungile; Abhakama bhone bhaguye ataliwo nolwo umwi wo kumbilikila. ⁸ Efraimu ketobha omwene kubhanu. Fraimu ni mukate gunu guchaliga kuindulwa. ⁹ Abhagenyi bhaliye amanaga gae, nawe bhatakumenya. Jifyi ejitiliwa ingulu yae nawe bhatakumenya. ¹⁰ Echigundu cha Israeli echibhabhambalila. kulwejo, bhachari kusubha kulata bhugenyi nyamuanga webhwe bhatamuyenjere kulwego gone. ¹¹ Efraimu ali lwa Inguti, Baradhuli unu atari na bhwengeso abhamubhilikira ogenda misiri okumara karuka ogenda Ashuru. ¹² Bhakagenda ananja jiwaya jani inguru yabho, nanye enija obhaguisha lwa indege ya mulwire enibhabhuma, kwo kwilila kwebwe amwi. ¹³ Mboli abhene kwo kubha bhabhulile okusoka kwanye obhunyamuke obhubhejila! abho abhakai kukilao anye! enenda okubhakisha, nawe bhalomere olubha okukilao anye. ¹⁴ Nawe bhatanditiye kulwomutima gwebhe nawe abhalama kubhitanda byabho, abhekofyanya kulwebhilyo na indivai inyaya nabho abhankaira anye. ¹⁵ Kubha na bheigishe no kubhakomesha amabhoko gebwe, oli abhakola amabhibhi okukilao anye. ¹⁶ Abhasubha nawe bhatakusubha kwanye unu nili inguru, abhene ni kama bhukoma bhunu bhutakwiikanya abhakuru bhebhwe bha;ligwa kwa imbanda kwo kubha abhanyansha kwe minwa. Linu lilibha nswalo jebhe munsi ya misri.