¹ Koikyo, kimekoja jitengetiwa na irindi jidue ja mashahidi, na jikumbe kindo kyakyose kinajilemeja anduamu na unyamari cho umaji tengeta ko uraisi. Jikambie ko saburi ko isingsns jidenjwa o shangunyi lodu. ² Jilore meso vedu ko Yesu, akeri odu voka na nacho motimisa imani jedu, nacho kitevi kya sia iderijwa kyamunyi kyake nyale rimija msalaba, emena sonu yake, na kadmia wanda kuokonyi ko kujo okitiri kya umangi o Makilunga. ³ Amu msarienyi icho rimijenyi shidedo sheilusha ifuma unyamarinyi, ko icho amonyi kinesa mla chelemwa ama ioma ngoo sanu. ⁴ Mmetaabikapo ana itesekapo mosingana na unyamair andu mpesijwa ndakamepo. ⁵ Kavi mmevadima kuja ivikiwa moo ipo kunavatora chavana vavomi: ''Mwanakwa, ula vairie ko mwangu sheujwa sha mndumi, nama ulauyenuma otebirijwa nacho.'' ⁶ Kimekoja mndumi emuuja wowose amkundie, na nyembula kila muana echi mwadija. ⁷ Rimija iregheshwa cha iujwa. Makilunga nyepurukana na inywe cha anapurukana na vana, amu mwana mki ndie ake alape muja? ⁸ Kake koje kulaode iujwa, isejose jina kusangirania, basi inywe mashesha na chi vana vakepo. ⁹ Kiisie shose, jeuode va papa vedu va kiorika vejiujwa, na jile vaadiamakene. Ale jiinyarie kiisie imwadanya papa ongoonyi naidamipo? ¹⁰ Ko hakika papa vedu valejibula ko miaka iitale chakundu valeona kicha kwavo, kake Makilunga alejibula ko faida kinesa jikusangiranie uwele wake. ¹¹ Kuoda ibulwa jichi vorosa ko saiyopo. Nyichi vava. Atakudo, ade jichishaa ndunda sa amani ya utaua ko vaja vale loshwa nayo. ¹² Koikyo teshwenyi moko va vaghelekye na ivika ndii sanu siirave iva pinya kavi; ¹³ Voro sanenyi miido ya ndufa sanu, kine sa wowose mwerave apelorijwa idekwa po kake na chirwa. ¹⁴ Shighenyi amani na vandu vose, na uele nacho lecho kuode ape muona mndumipo. ¹⁵ Mkulambwe kimesa kulaade ape kusumbwa kwa na mbora ya Makilunga, na kee kulave sinde ivavia jisa jipebara na itevi ukiva na ilesana vafoje. ¹⁶ Lwambwe kee kuode umongo ana mndu alaode uchi cha mbele Esau, nacho kikevi mjijeumu nyalekumba hakiya yeonika. ¹⁷ Kimekoja muichi kee ade, ande ale ada Kristo ioda mbora, nyale leghwa, kokitevi aleona mwanyapo dumbuja anduamu na ndie, naale shigha munu ko msoru. ¹⁸ Kimekoja mlecha ifumbunyipo na upedima ipuranwa, ifumbu jimaaka modo, moma, kuchiurigha numa na orukuta. ¹⁹ Mlecha ko mairu va oghanda, ana ko shidedo vefuma na uru ja iletevi ko uja apeichwa valatweve kindedo kykyose idedwa kwavo. ²⁰ Kimekoja valaledima irimija kija kile amulishwa: ''Kokoja ntanyamandu apepurana ifumbu, lasima nakavwa ko magho.'' ²¹ Ye onghosha iisie ale shiona Musa nyale amna, ''Ngaogwa munu andu ngapededema.'' ²² Baadake, mmecha ifumbu Sayuni na mrinyi o Makilunga arukye, Yerusalemu ya ruveu, na ko malaika shiku ikumi vakina kava ngulili. ²³ Mmecha ikusang'iria je vionika va kuvoka veso vareghiwa raveu, ko Makilunga hakimu o vose, na kongo sa vaele na valeinyariwa. ²⁴ Mmecha ko Yesu moshumbia o agano jipya, na ko ndakamu idunisiwa nayo yedida mecha vaisie ikaisa ndakame ya Habili. ²⁵ Lambwa kee ulache ukamlegha umu anadeda. Kimekoja koja valale kusembera andu vale mtegha uu alavakemia orikenyi, koloi jipe kufuna po koja jipeghaluka kwa chaifuma ko uja anejikemia ifuma ruveu. ²⁶ Ko kikeri kija uru jake jile sinja orika. Kake lwa mleamba na ideda, ''Bado kavi ngapesinja orika tupo, na ruveu.'' ²⁷ Shidedoshi, ''Jimu kavi, ''Kina kulora ifunwa ko shindo shija shipe sinjwa, ishinyi, shindo shija shiumbiwa, kee shindo shija shivapesinjwa shisighake. ²⁸ Ko ikyo, jiadije umangi icho uladesijwa, jivokokiwa ko imutereshe Makilunga kuidikija andu na imsokya ko ikyo, ²⁹ Ko kitevi Makilunga odu nyi modo upeja.