¹ Lwaha imani nyu uhakika uya mundu andu akevedeja kindo omiri. Nyi hakika ya kindo kila meutika. ² Ko kiteviki vaakui vendu vale manyika ko imani javo. ³ Ko imani jikina manya kee oria nyule umbwa ko uitori o Makilunga, kinesakee kija kinaonwa kiletobirwa ifuma ko shindo shivekeri shina onwa. ⁴ KIvekeri kokitevi kya imani kee Habili nyalemfunia Makilunga ipeva kaisa chakundu aleuta Kaini. Kivekeri nyi kokitevi kee iki myasifiwa kee nyai nyarie. Makilunga nyamsifu kokitevi ya sawadi alesiende. Kokitevi kyo, Habili bado anadeda, akeri apie. ⁵ Kivekeri ko imani kee Enoko nyaleiriwa uye na aleona kipupo. ''Aleonwapo, kokitevi Makilunga nyale muiria'' kokija kilededwa uye yake kee nyale mvorosa Makilunga alameiriwa uye. ⁶ Kulaode imani kipeva imvorasa Makilungapo, kimokoja apecha ko Makilunga namanye kee Makilunga akeri na kee echivanenga sawadi vaja vache mshigha. ⁷ Kivekeri ko imani kee Nuhu, akeri ameikimbiwa na Makilunga ko shindo shilameonwa, ko makene vake Makilunga nyale tobira safina koikira numba yake. Ko ivika kudi, nyale hukumu orika na kava mrisi o haki ichecha ko iidia imani. ⁸ KIvekeri ko imani kee Ibrahamu, amedikiwa nyaleidina ienda nyeuriwa naadi cha urisi. Nyalefuma alamanye nyaandu aki ekinaenda. ⁹ Kivekeri nyi ko imani kee nyaledamia orika luja avijwa cha mghenu. Nyaledamia mahemenyi andu amu na Isaka na Yakobo, varisi vengi va ahadi iya iya. ¹⁰ Iki nyi kokitevi nyeuri ipata mri ape ufunja msengo na ishumba jake mbele nyi Makilunga. ¹¹ KIvekeri ko imani kee Ibrahamu, na Sara amonyi, vale adija pinya ye nganisha iva vasari muni, kimekoja valemuona Makilunga kee msalari ale vaahidi mwana ovomi. ¹² Koikya ifuma ko mndu chu umu nacho ameshikyaipa vaka onika vana valapeva itala. Vekeri vafoje cha ng'eng'eri sa nuveu na vafaje cha mbeusa msangalela ko kivambara kya mringa ukusalala. ¹³ Iva vose vekeri ko imani valamedija ahadi. Kulakeri, vekeri vamesiona na isikaribisha ko kwacha, valeamba kee vekeri vaghenu na veida uye ya orika. ¹⁴ Ko vaja veamba shindo chaishi vana vikia kee vana shigha orika lwavo vavenyi. ¹⁵ Ko loi, koje venakusara orika ko iyo valefuma, veada mwanya ouya. ¹⁶ Kake chakundukikeri, vekundu orika lucha, nayo, nyia kiruveu. Koikyo Makilunga ape ona sonu idikirwa Makilunga wavo, kimekoja ameudera muri kokitevi kyavo. ¹⁷ KIvekeri ko imani kee Ibrahimu andu ameregheshwa, nyamfuna Isaka. ¹⁸ Ncho, icho aleadija ko sia ahadi, nyalemfuna mwanake amonyi, Nacho uye yake kiledidwa, ''Ifuma ko Isaka ishao japo jipe laghwa.'' ¹⁹ Ibrahimu nyalemanyakee Makilunga nyeode oru o imurusa Isaka ifuma ko varimu, na ideda koiidia, nyale mwadija. ²⁰ Kivekeri ko imani kee Isaka nyale mnenga mbora Yakobo na Esau ko shindo shipecha. ²¹ Kivekeri ko imani kee Yakobo andu ivekeri kufui na ipa, nyale mningambara kile umu vana va Yusufu. Yakobo kaabudu, ekutiricha uye ya msenge wake. ²² KIvekeri ko imani ko Yusufu kee kieri kyake kya ene yake ikimashikia, nyale deda uye ya ifuma ko vana va Israeli Misri na kavavia iiria anduamu navo mafua vake. ²³ Kivekeri ko imani kee Musa, andu ameonika, nyalerikwa mieri iradu na vafee vake amu vale muone kee nyi kibelebete avorakie, na valeogwa uitori o mfalmepo. ²⁴ Kivekeri ko imani kee Musa, andu ameleha, nyalelegha ileghwa mwana o mpono Farao. ²⁵ Baadalaake, nyale sambura ikusangirania iviniswa na vana va Makilunga alale vorokiwa shilapeva shaluyamari sheida. ²⁶ Nyale kusa sona ye mvadia Kristo kee nyi ushuma mdue usiie shikeri Misri kimekoja nyahulwa meso vake ko sawadi ya kieri kyo kinecha. ²⁷ Kivekeri ko imani kee Musa nyale fuma Misri. Alengwa nyashi ya mfalmepo, kihekoja nyale rimija ko ilambwa koaila neonwa. ²⁸ Kivekeri ko imani kee nyale iada pasaka naa idonisia ndakame kinesa kee mnyamavi wa monika okuvoka aladime ivatula veonika vakuvoka va vomi va va Israeli. ²⁹ KIvekeri ko imani kee valeida ko mringa okusalala ya Shamu cha orika kuomie. Kieri vamisiri vereghesha ida, vale merwa. ³⁰ Kivekeri ko imani kee ng'anda ya Yeriko nyalegwa wanda, andu umetenge mfuri saba. ³¹ Kivekeri ko imani kee Rahabu kahaba aleaghwa andu amu vaja valale adanya, kokitevi vavekeri nyale vaadija vapelelezi na ivarika kucha. ³² Nangiambe kiki kiisie? Amu kipeshika iongwa sha Gideoni, Mbora, Samsoni, Yefta, Daudi, Samweli na sa manabii, ³³ Navo iidia imani vavesilema falume, vale uta haki, na vakaadija ahadi, vale rinda dumbu ja ngatunyi, ³⁴ Valerumisha pinya ya modo, valekirwa na kindo kya ipanga vale chirwa ifuma nduaninyi, vakeri vapinya shidenyi, vatevi vajshi vaghenu idicha. ³⁵ Vaka valeadija vapie shavo koiruswa. Vengi valeviniswa, vale idikija itijwabule kinesa vaichivie ko iruswa jisie. ³⁶ Vengi vale viniswa ko unangwa na ibulwa, ee, na ko shipungo napungwa. Valekalwa na maigho vakadumbwa shitubu ko msemeno. valeaghwa na ipanga. ³⁷ Valeenda na nyonyisa imondo sa mburu vekeri valaode, vechitolwa ivaviwa vautiwa shivichwa. ³⁸ (Nayo orika uleinyarie iva nachopo), vatalasana batenyi, shifumbunyi na mbakonyi na marungunyi wanda. ³⁹ Kake vandu vose iva valeidikijwa na Makilunga ko kitevikya imani javo, valeadija kija avavijepo. ⁴⁰ Makilunga nyale songwa ijininga kindo kicha, kinesa kee leise vedima iinyariwa.