¹ Amu sheria nyimchanyi o shindo shicha shikenecha, ke shija shikeri shaloi. Sheria toipedimapo isisa vaja vasa vakere mshikya Makilunga ko mwido o zabihu na sijasija sisa vaitori valesongwa funa mwaka baada ya mwaka. ² Ana shingi kavi zabibu isi seveghaluswapo iimuka ifuma? Kokiteri kyo vajavanatereva, andu akeri vane sanjwa marajimu, vawevapo na imanyapo munu ounyamani. ³ Kake kokitevi kya eabihuso kode ukumbusho aunyamani sija sikutiwa mwaka hadi mwaka. ⁴ Kokiteri kucheve ko ndakanupo ya mafahari na mburu isifuna unyamani. ⁵ Kieri kija Kristo andu aluha urikenyi, nyalededa, ''Moveode ndakire matoleo ya madhabahupo, baada yake, mletobira usese ko kitevi kyakwa. ⁶ Mokeri muode uchapo iko matoleo vose vekerwa ana dhabihu kokiteri kya unyamari. ⁷ Nacho nyaleamba, ''Iambwa, iha nganeutiwa ukundo wapo, Makilunga, chakundu kulereghwa kisa kipangisenda inyi ko gombo.'' ⁸ Nyaleamba chakundu kilededwa iho uje: ''Moveode ndakire ya dhabihupo, matoreo, ana sadaka sija sekora kokiteri, kya unyamari, na kode iirokuwa ngoonyi kwakapo ''dhabihu sisa sikafunwa iihana na sheria. ⁹ Nacho nyaleamba, ''Iambwa, ngekeri ha iiula ukundo wapo.'' Nyalevikya mbarinyi shindo shija shekeri sha kuvoka ke itoviriji shindo shija sha kavi. ¹⁰ Kake ko taratibusakavi, amu jimesambwa ko Makilunga ko ukundo wake koiidya ikufuna ko usese lo Yesu Kristo na ko funiimu ko kiveri tayosi. ¹¹ Naloi kokoja vaitori vaneimukana ko huduma furi ko furi, ekufuna dhabihu ija ija isa, ko kyose, ndalasi yedima unyamaripo. ¹² Kake kitevi kija Kristo ekufuna dhabihu furi imu ko unyamari na ndarasi yose, nyaledsmi koko ko kujo ko Makilunga, ¹³ Eedeja maadu sake sasoswe gwanda naiutiva kitiri kokiteri kya madende vake. ¹⁴ Kake kokiteri kya mwido oifuna jumu nyale unganisha ndalasi vaja valevaghujwa ko Makilunga. ¹⁵ Na ngoo mwele nyalefumya kodu. Kokiteri kee nyaleamba, ¹⁶ ''Iji nyi agano ngapejiulia anduamu navo kofuri isi; nyavededa mundumi: Ngapedera sheria yakwa ngoonyi savo, na ngapesiregha njorougonyi.'' ¹⁷ Nacho nyaleamba, ''Vapemanya kavi unyamalipo na matendo vavo vapie.'' ¹⁸ Lwaha andu kusa kuoda musamaha koiva, kode dhabihupo kokiteri kya unyamari. ¹⁹ Kake, na ndodu, jiode pinya yangia andu kucha ko ndakame ya Yesu. ²⁰ Iyo nyimwido isanyairugwa ko kitevi kyedu ko ipazia. ²¹ Na kokitevi jiode vaitori mduwe uye ya numba ya Makilunga, ²² Najimshikye ko ngoo ya loi ko ucha omanya o imani jikava na ngooso sisa sileleswa ucha ifuma uvichwanyi o dhamiri kokiteri kya usese lodu lujlule sanjwa na mringa mcha. ²³ Basi jiade udhabiti ko ungamo lo rinuja loidima jedu, namaghaluka kokiteri Makilunga nyalejiahidi nyi mloi. ²⁴ Najiendelee ikusara chakundu ye mwidikija ngoo kilaamu ikunda inta jicha. ²⁵ Najilade idamy anduamu chakundu vacheuta vengi kitevi kyake, iningaana ngoo kila umu mununa munu, chakundu mkereona furikeshikya. ²⁶ Kake jikauta unesi jikandelea uta unyamari andu jekeri jimeadija elimu ya loi, dhabihu ingi ya unyamari ipebaki sepo. ²⁷ Kiteri kyake, jikenevedeja ijo ja kipungo kye oghosha, neamija omodo usa nyuchekora ukama njia vavichwa vamakilunga. ²⁸ Vovose usa nyalegha sheria ya Musa uye chapo nama na koade rehemapo mbele ya ushuhuda oveemukiya vawi ana varadu. ²⁹ Kiasi kida kya adhabu nyunakusara ke kuna mdina kila mudumi usa nyammena mwana o Makilunga, wovose ujaleutiwa ndakame ya agano chakundu kindo kilkeri kicha, ndakame isa kwavo nyide derwa wakifu ko Makilunga yoyose usanyalemdenga ngoo ya mbora? ³⁰ Kake kokiteri jiichi umu usa aleamba, ''Kisasinyi kyakwa ngapeliha.''Nakavi, ''Mundumi nyape vahukumu vandu vake.'' ³¹ Nyikindo kyeogwa mndu kaghuja ko konyi ko makihuga akeri arukye! ³² Kake kumbukenyi furileida kieri kija jileekejwa kinang'ao, nyikuda aledima irimiji ivavwa munu. ³³ Mokeri moderiwa kuwarie ko imenwa na idengwa na iteseka, namokeri anduamu navaja vakidya iteswa chakundu ivo. ³⁴ Kokitevi mokeri na ngoo ya uruma na koivo vekeri kipungonyi, na mleadija kolorokiwa adhabu ya urithi wanu, momanya ke inywe muvenyi movekeri na urithi mcha na oamukya ndarasi. ³⁵ Ko kudo mlaukumbe pinya yanu, usauole mbora nduwe. ³⁶ Kake koja muuri irimija ili ke mdime iadija kija Makilunga alivaahidi, kyeriapeva amutobira mkundo wake. ³⁷ Ana kee kierikya furi njini na umu nyapecha, nyapecha loi naapelelejwapo. ³⁸ Usaade ucha okwa apedamya ko imani. Kake kauya numa, ngapeoro kya nachopo.'' ³⁹ Kake ise chakundu vaja vacheuya numa ko kiteri laye iaghwa. Kiteri kyake, isemyi vamu na vaja vaja jiode imani yeringa ngoo sedu.