¹ Lwaha ata agano ja kuvoka kuvekeri na andu ko ibada iha orikenyi na taratibu sa ibada. ² Kwani veni numba kuvekeri na chumba kiveandaliwe, kichua kyu njia, kuledirwa andu kutakaswa. Katika andu iho kuvekeri na kinara kya taa, mesa na mikate na venyosho. ³ Na numa ja pazia ja kavi kuvekeri na ikichumba kingi, kuvenedikirwa andu kutakaso zaidi. ⁴ Kuvekeri na masabahu na sabihu kufukisia sichimba. Kuvekeri na sanduku ja agano, jishumbwa ko zahabu tupu. Numbenyi kwake kuvekeri na bakuli ja zahabu jiode manna, na musenge o Haruni ilefuna mara, na sija ambaso mago va, agano. ⁵ Uye ya sanduku ja agano maumbo va maserufi utukufu uvashikija mabawa vavo mbele ya kitiri kya upatanisho, ko kira ko lwaha jipedimaielesea ko kina. ⁶ Baada ya shindo shose eva shimendaliwa, Makuhani kavavia ingienyi chumba kya njia kya hema efuna huduma savo. ⁷ Kake kuhani mudue eingia chumba kya kavi kivenyi kila mwaka, na etia efuna zabihu ko ajili yake binafusi, na ko sambi sa vandu valesirunda kilape kusupiwa. ⁸ Ngo isanjwa aneshudia njia na andu kusanjwa zaidi bado imerungujwa ko kija ija hema ja kuvoka bado jimukie. ⁹ Ikio nyi kielelezo kya muda ichu o lwaha. Shose zawadi ya zabibu chakundu shefunwa lwaha shipedima ekamilisha zamiri ya ametereva. ¹⁰ Sheja na shinywaji shivenyi shimeunganishwa katika mamuna ya taratibu sa ibada ye kukusanja. Shose ishi sivekeri tatibu sa usese shivekeri shimeandaliwa adi iche amuri ihia ipederwa andu kuke. ¹¹ Kristo alecha cha kuhani mudue o shundo shicha shilecha. Eidia udue na ukamilifu o hemandue ilerundwa ko moko sa, vandu, chakundu chi vaurika ichu ukumbwa. ¹² Iveke chi ko ndakame ya mbuvu na ndama, bali ko zaidi mara umu ko kila umu neakikisha ukombosi odu o milele. ¹³ Chaa ko ndakame ya mbuvu na mafaharia na enyusiwa ko maifu va ndama katika ivo valakeri vachafu valetengwa ko Makilunga ne fanywa misese yavo micha, ¹⁴ Chi zaidi sana ndakame ya Kristo eidia ngo ya milele alekufuma amonyi bila mawaha ko Makilunga, esanjwa zamiri sedu kufuma matendo mafu emutumikia Makilunga akeri hai? ¹⁵ Ko sababu iyo, Kristo nyi mjumbe o agano jihia. Iki nyikio sababu ya ipa imevatia uru vose vavekeri ko agano ja kuvoka kufuma katika ata ya sambi savo, ivekeri vanedikirwa na Makilunga vadime eadija urisi o usima o milele. ¹⁶ Cha kode agano jinedumu, nyi lazima ezibitishwa ko kipukya mundu ija alekirunda. ¹⁷ Ko agano jivekeri na uru andu kunefunia kipu, ko sababu kode uru kievi amonyi anerunda akena ishi. ¹⁸ Kudo ata chi jija agano jakuvoka jivekeri jiderijwa patakevi ndakame. ¹⁹ KIeri Musa avekeri amefuna kila ajiso ja ko vandu vose, aleivia ndakame ya maisha na mburi, anduamu na muri inga, kitamba kitorodu, na hisopo, ne vachochonisa gambo jivenye na vandu vose. ²⁰ Kicha kaamba, ''Iki nyi ndakame ya agano Makilunga alevaninga amuri kwanu.'' ²¹ Katika hali ijaija, alenyunyisa ndakame uye ya hema na shombo shose aletumwa ko huduma ya ukutani. ²² Ne lingana na uloi, karibu kila kindo kinetakaswa ko ndakame. Pasipo epulwa ndakame kode musamaha. ²³ Ko ikio kuvekeri lazima kwanza nakala sa shindo sha ruveo shaviti shilarundwa ko ili zabihu ya wanyama. Atakudo, shindosha ruveo shivenyi shiletakiwa ko zabihu ikeri bora zaidi. ²⁴ Ko Kristo aleinga andu kutakaso sana alerunda ko moko, kake nyi nakala ya kindo halisi. Baadala yake aleingia ruveo amonyi, andu akeri mbele ya kiamu kya Makilunga ko ajili yedu. ²⁵ Aaleingi kuja ko ajili ya kufuma sadaka ko ajili yake mara ko mara, cha anerunda kuhani mudue, acheingia andu kutakaswa zaidi mwaka baada ya mwaka umu ndakame ya vangi, ²⁶ Cha kundu ivekeri lio, basi ngeva lazima kwake ateswa mara ifoje saidi tangu mwanzo o urika. Kake lwaha nyi mara imu adi mwisho o miaka ielekufuna eifuna sambi ko zabihu yake amonyi. ²⁷ Cha kundu ikeri ko kila mundu epa mara imu, na baada ya ikio umeukuhumu, ²⁸ Kudo kudo, Kristo nyo nacho alefunwa mara imu kufuna sambi sa vaoje, apefumia mara ya kavi, chi ko kusudi je shulikiasambi, bali ko ukombozi ko vaja vanembeleja ko saburi.