¹ Liwaha kindo iki nyi iki: jiode kuhani mudue ale damia wanda katika koko o kulia o kitili kya enzi ruveo. ² Icho nyi mudumi katika makuhani kulakosa, hema ja loi kira mundumi ameidera, chi mundu yoyose o epa. ³ Ko maana kila kuhani mudue vedera efuna zawadi na zabihu; koikio nyimuhimi eva na kindo kye funa. ⁴ Luwaha koja Kristo avekeri uye ya wanda, icho alavekeri kuhani zaidi ya iho. Ko kuwa ivekeri tayari vaja valefuna shipawa elinga na uloi. ⁵ Wale huduma kindo kokira jivekeri nakala na kivinje kya ishindo chya ruveo, sawa cha Musa aleonywa na Makilunga kieri aveuri eshumba mumba. ''Ona,'' Makilunga aleamba, ''KIra tobira kila kindo elingana na muundo ulelorwa uye ya ifumbu.'' ⁶ Kake lwaha Kristo aleadija huduma bora zaidi ko sababu icho pia nyi mpatanishi o agano jicha, jimesia eimukana ko ahadi njicha. ⁷ Kudo cha agano ja kuvoka jivekeri na makosa, kudo kuvekeri na haja ya shinga agano ja kavi. ⁸ Ko kuwa kieri Makilunga emanya makosa ko vandu aleamba, ''Lambwa, siku sinecha, 'aamba mundumi, ''Kieri apetobira agano jihia anduamu na numba ya Israeli, na numba ya Yuda. ⁹ Kipeva cha agano nganerunda anduamu na papa savo furi kokira ngalevairia ko koko evaongosa kufuma nachi ya Misri. Ko kira valeendelea katika agano jakwa, nainye ngalevajali kavi, 'aneamba mundumi. ¹⁰ Ko kuwa iki ikiyo agano ngaperunda ko numba sa Israeli baada ya furi iso, 'aneamba mundumi. 'ngapedera uloi okwa mwasonyi mwavo, na ngapesirenga ngonyi sanu. Ngapeva Makilunga wavo navo vapeva vandu vakwa. ¹¹ Vapeloshana kila umu na jirani wake, nakila umu na nduavo, aamba, ''Mumanye muadumi, ''Kudo vose vupengimanya inyi, kufuma munina adi mudue wavo. ¹² Kudo ngapelora rehema ko shidedo shavo valaode haki, na ngapekumbuka sambi savo kavi.'' ¹³ Ko emba ''Kihya, ''Amerunda agano ja kuvoka ko kuukuu. Na ikio akitangasa ko kuukuu jikeri tayari efunwa.