¹ Ukundo o vana vama utolwe. ² Mlevadime iambija vaghenu, anu ko ivikakudi, vaitale vale ambija malaika valamanje. ³ Tachukwa vose vakari kipungonyi, kee mwekeri kuja andu amu navo, na cha njosese yanu ileutiwa cha ivo. ⁴ Iduana jiadiwa makene na vandu vose na uli oduana kiutiwa lila, amu Makilunga ape vahumu vanongo na umongo. ⁵ Mulido wanu odamia sive mana ko ukundo ohela. muve moshikwa naisho muode, amu Makilunga amonyi nyale amba, ''Ngapevatija inywa toopo, nama ivatija ainywe.'' ⁶ Jishikwa kinesa jidede ko miri, ''Mndumi incho mogitarama; ngapeogwapo. Mundu ape ngiuta kiki?'' ⁷ Varienyi vaja valevalorija, vaja valededa kidedo kya Makilunga kwanu, na tachukwenyi shija sha chakundu vele uta; kuitenyi imani savo. ⁸ Yesu Kristo incho ivo, inu, na ndarasi. ⁹ Ulachesongorwa na iloshwa jifoje sha kighenu amu nyikicha ngoo ishumbwa ko mbora, na chi ko sheria ya kyeja isho shipe vaterama vaja vanedamia ko isho. ¹⁰ Jiode masabahu navo vaja vanetumika iposhi hekerunyi vainyarie ijapo. ¹¹ Kimekoja ndakamesa nyamandu, sifuniwa sadaka kokitevi kya unyamari, ileedwa na mlisi mdue iposhi ko kiniha kuele, kake nyoose savo silekorwa nja ya kambi. ¹² Ko ikyo Yesu nacho jale vineswa njaya mongo omri, ikikee kuvikiwa wakfu wandu ko Makilunga ko iidi ndakame yake. ¹³ Nakoi kijo mavenyikwake nja ya kambi, jekudika fadhaa sake. ¹⁴ Jiode ko odamia vo muifoje mrinyiupo. Badalake jishigha mricho upe cha. ¹⁵ Koiidia Yesu muinyarie kichindichude ikufuna sadaka ye mtukuza Makilunga, imsifu kee ndunda ya miomu yedu jisende rinayake. ¹⁶ Na ula vadime iuta shicha na itaramana inywe ko inywe, kimekoja nyisadaka chaiyo nyio Makilunga echivorakiwa munu. Adanyenyi na ikusosa ko vasongoru vanu, amu vakina varinga kokitevi kya mooyanu, cha vaja vapefumua itala. ¹⁷ Adanyenyi kinesa vasongororu vanu vadime ivatunza ko sia, na chitomo nyirepo, naya ipevataramapo. ¹⁸ Jiterevenyi, kwani jiichi kee jikesaia njicha, jeuri idama komakene ko shindo shose. ¹⁹ Na vose ngana vavikya moo isie mute kudo, kinesangidime iuya kwanu iho kufui. ²⁰ Lwaha Makilunga o mamani, nacho alevaende kavi iuma ko varimu muombia mdue o mamondo, mndumi oda Yesu, ko ndakame ya agano ja ndarasi, ²¹ Apevavinga idima ko kila kicho iuta ikunda jake, euta uya kwashi kodu ikeri njicha ye voroka mesonyi vake iidia Yesu Kristo, kwake uve utukufu ndarasi na ndarasi. Amina. ²² Lwaha ngana kuvikya omiri, mwana vana, iirijana na kidedo kyevikiana omiri najo kokifui ngalejireghia kwanu. ²³ Manya kee mnduodu Timotheo amekekejwa, na cho anduamu ngape vaona chambele vakecha iho kufui. ²⁴ VAdikire vasonguru vapo vose na vaja vakeri anduamu vose vaja vanafuma italia vane kudikira. ²⁵ Nambora ive nainywe vose.