¹ Ko kila kuhani mudue, alesambura kufuma miongonyi mwa vandu, alesamburwa enuka badala yavo katika shindo shinausisna na Makilunga, ili nadime funa ko anduamu zawadi na dhabihu ko ajili ya sambi. ² Aapedima ejishuhulisha ko usau na vajinga na vabishi kokira ingwe umonyi ametengetua na uzaifu. ³ Ko sababu ili, aode wajibu ofuna sadaka ko ajili sambi sake kora anevunda ko sambi sa vandu. ⁴ Na kode mundu apeiria hesima ili ko ajili yake amonyi, kake badala yake, lazima nandikirwa na Makilunga, kira aveke vii Haruni. ⁵ Aata Kristo alekuninga eshima amonyi ko ekurunda amongi ko kuhani mudue badala yake, Makilunga alededa kwake, ''Igwe mwanakwa, inu ngave papa wako.'' ⁶ Myi kira anededa sehemu ingi, ''Igwe kuhani milele badala ya mfumo o Melkizedeki.'' ⁷ Kieri kya kipindi kiyake katika usese, aleteviva neterevia, ale muteveva Makilunga ko musovu, ko icha apedima emukomboa kufuma ko kipu. Ko sababu ya enyinyeke kwake ko Makilunga, aleichwa. ⁸ Kokira avekeri mwana, alekurosha etii ko shindo shilemutesa. ⁹ Aalelimisha ko njila ii alevundika ko kila mundu anemwamini ko sababu ya wokovu o milele, ¹⁰ Ko itangwa na Makilunga na kuhani mudue baada ya samu ya Melkizedeki. ¹¹ Jiode shifoje sededa kuhusu Yesu, kake nyi shiomie ededia ko kwa inywe nyi vadoko va iichwa. ¹² Ijapokuwa ko kievi iki muletakiwa eva mulosha, muvi mavuva na chi kundo kiomie. ¹³ KO kuwa yoyosi anemwa mavuva tu aode uzoeu katika ujumbe o haki, kikwa bado nyi mwana. ¹⁴ Ko upande ungi, kando kaomie kya vandu vasimia, vaja ko kira sababu ya uzoeu wavo katika etofautisha haki na uvichwa valeloshwa emanya kemya na kivichwa.