¹ Ko ikio, jikutia jakulosha kuvoka kuhusu shidedo ko Kristo, kinetakiwa iva na juhudi ielekea ko ukomavu, jiladeve kavi misingi ya toba ifuma katika kasi silaode na ucha na imani katika Makilunga, ² Wala misingi yeroshwa ya ubatizo, evaderija moko, ufufuoo wafu na hukumu ya milele. ³ Na jiperunda kudi ikava Makilunga apeidikija. ⁴ Ko kuwa ipevapo ko vaja walepata nuru awali, walesaja kipawa kiya ruveyo, erunda evawashiriki vya ng'oo itakatifu, ⁵ Na vaja valesaja kicha kiya shidedo sha Makilunga na ko uru o kieri ikiyo, ⁶ Na kisha vakang'wa ipevapo evauriga kavi katka toba. Iki ko sababu walemuanga Mwana o Makilunga mara ya kavi ko nafsi savyo, wakamrudia evakimbo kiya zihaka hazarenyi. ⁷ KO kuwa wanda ileadijambua inekava mara ko mara uye yake na ikafuna sheja muhimu ko ivyo waloruna kasi kavi katika wanda, veadija baraka kufuma ko Makilunga. ⁸ Kake ikava esha miisha na magugu, iode kavi samani na ikeri katikakatari ya laniwa. Mwisho wake nyi etiwa. ⁹ Kokira jinededa kudi, mongo mukundo, jineshawishiwa na shindo shicha vanengiusu inyi na shindo shiusuyo wokovu. ¹⁰ Ko kuwa Makilunga chi zalimu ata navadime kasi yanu na ko ukundo mulelora ko ajili ya nna jake, katika iki mulevatumikia vaneamini na bado mune vatumikia. ¹¹ Na jinetamani sana kila umuwanu nadime elova bidii ijaija mpaka mwisho ko uhakika o ujasiri. ¹² Jiuri mugo vadoko, kake muve vafuasi vavaja vanerisi ahadi ko sababu ya imani na arimija. ¹³ Ko maana Makilunga alemuninga Abrahamu ahadi, aleapa ko mafusi yake, ko kuwa alaleapa ko vengi vovose bakeri mudue kuliko icho. ¹⁴ Aaleamba, ''Hakika ngapekubariki, ngapeongosa usao wapo zaidi.'' ¹⁵ Ko njia ii, Abrahamu aleadia kija aleviwa baada ye vedeja ko avinija. ¹⁶ Maana vanadamu veapa ko icho akeri madue kuliko ivo, na ko ukomo o mashindano vose na eapa evasibitisha. ¹⁷ Kieri Makilunga aleamua elora ko anri zaidi ko uvisi o ahadi kusudi jake jicha jilapebadilika, jilezibilishwa ko kiapo. ¹⁸ Aalevunda kudo ko shindo shivii shilapebadilika, kira katika ikio Makilunga apeidma ideda vongo, ise jilekambija ifazi jipate edikiva ngo iada na uru tumaini jilederwa mbele yedu. ¹⁹ Jineona ujasiri ichu cha nanga imara ne ye tegemea icha ngo yedu, ujasiri koja uneingi ya numbenyi muma ya pazia. ²⁰ Yesu aleingia andu ija cha musongori odu akisha erundika kuhani mudue ata milele baada ya utaratibu o Melkizedeki.