¹ Ko ikyo, diinyarie iva makini kima kati yedu alave hata umu apeonekana ilemwa ishikia ahadi ye ingia utokoma ja Makilunga. ² Ive lediode habari njicha ya ikokona ko Makilunga jiletangaswa kodu cha Waisraeli vevekeri navo, kake ujumbe icho ulevatama po vj velevaichwa na ilungi imani ijo. ³ Ko ise, dimedima adija-ise nyivo anduamu dipeingia aja kototonia, koje chakundu kukededwa, ''Chakundu ngeleapa kokwa po, nyeleamba kudi.''Kokira kasi sose elesikobira sivekeri simekamilika ighokia kughoka ko orika. ⁴ Nyi ngika eleamba sehenjilive ihusu mkono o saba, ''Ko shose eleshirunda.'' ⁵ Ade nyaleamba, ''Vapeingia iha itotona jakwa po.'' ⁶ Ko kitevi ikyo, ighoka itotona ja Makilunga kodo nyi akiba kokitevi kya vaja vake neingia, na iho andu Waisraeli vafoje navo veleichwa habari njicha ya itotona jake veleingia ko kitevi kye mnenga nganyi, ⁷ Makilunga nyeledera mkono ungi tofauti, ipedikirwa ''Leo.''Nacho nyeleongerija mkono amededa iidia Daudi, nacho nyeleamba ko muda ulenye ko isho shileambwa kughoka, ''Inu cha mpeichwa iru jake, mlatevi ngoo iomirija.'' ⁸ Koja Yoshua nyevanenga itotona, Makilunga evededa uye ya mkono ungi po. ⁹ Ko ikyo nakuode Sabato ya totona itoswa ko kitevi kya vandu va Makilunga. ¹⁰ Koikyo uja apeingia itotona na iuta jake, ko Makilunga icho amonyi nacho nyatotonye itokana na iutajake, koja Makilunga chakundu eleuta icho. ¹¹ Ko ikyo deve na ikundana diingije kuja koitotona, kimacha kulache kojwa kuode akerinagwa kokitevi kya uvichwa veleuuta. ¹² Ko itaka loi kidedo kya Makilunga kirukie na jiode oru na jiemije kuliko upanga jojose jiamije kosekose. Na jipekora iishikia ivavana nafasi na ngoo, na kisaro kya ngoo rongo. Na kija kipeidima imanya, kisaro kya ngoo na ifuda jake. ¹³ Lanye kuode kiumbiwa na kikurikie ko kiamunyi kya Makilunga. Na ade kila kindo kikeri wazi ko meso vakila umu nyi kicha kufunua mahesabu ¹⁴ Ade iva na kuhani mdue eleingia ipo orika, Yesu Mwana o Makilunga, koidi kijana na ditaramane ko ucha odu. ¹⁵ Ko iva diode kuhani mdue po uja alapedima iada makene ko kitevi kye nyongoha jedu, kake uja ko njia sose nyapeva amenengenuva cha ise, ila icho kija ilaode uvichwa. ¹⁶ Diche dekovakova mboha kitiri kya uku na kya mbora, kinesa diadije sia na iadija mbora ipeditarama kieri diuri.