¹ Ko ikyo, mndwavo vaiele, valeshiriki idikiwa orikenyi mumsarie Yesu, modumwa na kuhani mduwe o ikirwa jedu. ² Nyevekeri mloi o Makilunga elemsambura, chakundu Musa evekeri mwele o nyumba yose ya Makilunga. ³ Ko kitevi nyelesamburwa iva nyo nganyi nduwe kuliko iya ya Musa, koikyo uja akeri shumba numba nyakeri etalwa iva na nganyii ko kitevi kya numba. ⁴ Ko kitevi numb nyicheshumbwa na mndu mwilive, ko ikyo uja echeshumba kila kindo nyi Makilunga. ⁵ Koitaka haki Musa nyevekeri ambaloi na idumwa kuja numba ya Makilunga, akefuna ushuhuda omadedo vapededwa kieri ikyo. ⁶ Kake Kristo nyi Mwana oruvija numba ya Makilunga. Ise nyi numba koje dipeadiana movinyi yiamini na ikuita jiamini. ⁷ KO ikyo, cha nyi ngoo isanjikie, ''Idedie, inukoja upeichwa iru jake, ⁸ Ulaivikie ngoo iva iomie cha Waisraeli veleuta shindo shivichwa, kieri kye gheresha orika. ⁹ Iho diveke kieri va papa vedu veledilegha na idilambuja, kieri kingi ko miaka arubaini veleone iuta jakwa. ¹⁰ Ko ikyo ngeleghorokiwa ufee icho po. Ngeleamba vechedeka, ''Kila mara ngoonyi savo, navo vaichi njia sakwa po. ¹¹ Chakundu ngelekupisa ko nyashi yakwa va peiona: Sia yakwa po.'' ¹² Muve molambwa, mndudu, ko kitevi kulachewada ngoo mbichwa ilapeadanyana ko umu wanu, ngoo isa ipeenda kwacha na Makilunga akeri hai. ¹³ Badala yake le, mloshane kila mfuri nakita umu na ungi, ili mkadikirwa mtamani, ko maana umu kati yanu alautwe iva aomie ko ilembwa ja uvichwa. ¹⁴ Ko kitevi dileva vanu va Kristo ikava dipeada na ikunjurana ko oru oghoka icho hadi kughoka. ¹⁵ Nakudo kilemededwa, ''Inu kuja mpeadanya iru jake, mlavikie ngoo sanu iva mbichwa cha Waisraeli veleuta ko uvichwa. ¹⁶ Na nyivaki velemuchwa Makilunga na itereva? Veleva vapa vose vaja Musa elevalora ifuma Misri? ¹⁷ Vaki vaja Makilunga alevailushia ko miaka arubaini? Chi ke anduamu na vaja veleuta uvichwa ivo njo sese savo silepa sikala batenyi? ¹⁸ Anyi vaki veleapiwa na Makilunga ke vapeingia sienyi yake, koja levaja valalemnadanya icho? ¹⁹ Dileona ke veledima iingiapo ko sia yake kitevi kya imwidikija.