¹ Ko ikya divikie kipaumbele ko shija dideshi ichwa kitevi le dilachetengwa kwacha navo. ² Ko kitevi malaika ikyo elekideda nyi halali, na kuode ikosa na unyamarinyi adhabu ndue, ³ Dipeseghega kuda ilididime ipata wokovu mduwe? --Wokovu kughoka uletangaswa na mndumi na ithibitiswa kodu na vaja veleuichwa. ⁴ Makilunga nacho nyeukaja ko ishara, na maajabu, ko marendo vadue va kwacha, na sawadi ya ngoo isanjikie elesighava ko ikunda jake amonyi. ⁵ Makilunga eledera orika ilo lupecha ilo dikededya ologho lwake po gwanda ya malaika. ⁶ Badili yake mndu ungi nyeleichwa andu engi kukeri koderi kodedwa, ''Mndu nyi unga, hata udime immanya? Ana mwana o mndu, umwadije? ⁷ Nyulemuutia mndu iva mnina cha malaika; kombikia itaji ja olukundo ko nganyi. (Adanya: Madedo iva, na ndere uye ya maoko vapo. ''Kikeri kudo na mbelea po.) ⁸ Nomedera kila kindo gwanda ya madende vapo.'' Koikyo Makilunga nyeledere kila kindo gwanda ya mndu. Koikyo eleda kindo kyo kyose gwanda. Kake luvaha kudi dimea na kila kindo kikeri gwanda yake. ⁹ Hata kudo, dikeona koe eleutiwa kudo ko mkono gwanda ya malaika --Yesu, ncho, eleteswa na kipu kyake, nyelevikiwa itaji ja usima na ja nganyi. Koikyo luvaha ko mbora ya Makilunga, Yesu nyelesaja kipu ko kitevi kya kila mndu naidie. ¹⁰ Kivekeri kicha Makilunga, kila kindo kikeri ko kitevi kyake na iidiya icho, nyelepaswa iendevana vafoje vachetukuswa, na veinyaria vaute isongoja ko wokofu wavo ko ukamilifu o mateso vake. ¹¹ Ko maana vose vivaavi uja akeredera vetavirija na vaja vengi valakedera vikavija, vose velefuma andu amu, Makilunga kokitevi uja aketavija ko Makilunga nyakeri eadwa sonu sedikira vanduavo. ¹² Naleamba, ''Ngapetangasa rina japo ko vandodu vakwa, ngaipaimba ifuma kwapo na vaja vakusaghirie.'' ¹³ Ade kaamba, ''Ngapedikija katika uja.'' Na kyakavi lambwa, ''Iha mkeri na vana vaja Makilunga elinginenga.'' ¹⁴ Ko ikyo rana va Makilunga vase cheshiriki osese lo ndakame, makudo Yesu nyeleshiriki shindo shija kudo kudo, kinesa iidia kipu nadime imaondisa uja aode mamlaka uye ya kipu amu icho nyi ibilisi. ¹⁵ Iki kivekeri kudo, kimacha navadeve uchenyi na vaja vose iidia kisaro kya kipu vaishi maisha yavo ko ukiva. ¹⁶ Ko uhakika chi malaika ekevatarama po badala ya nyakevakarama vavewa va Abrahamu. ¹⁷ Ko ikyo kivekeri lasima icho na cha mndwavo katika njia sose, ili nadime nava kuhani mdue dode ngoo njicha na imanyika ko chinda sha Makilunga, inacho na ade uwezo ofunamsamaha ko afichwa o vandu. ¹⁸ Ko kitevi Yesu icho amonyi nyeeteseka, na ijaribiwa, nyapedima ivatarama vaja vakenajaribiwa.