¹ Te lete aling kristus nee ke king anara Tata bati kapa ni tekepa keng pati i i i apa, a ni fuhako hu palang e eing teheng momo anara e Tata leng. ² Hu Pa lang meme ing nee memei mepe eteteka, pa anara Bafengnya, pa jano no elei ewoeonya. ³ Ele sling pahu palang aling pera antar jano nafe eleko te lewang wangte pa Roh aling ea keleko emu lele nefa kei anara ke lengkote hefeng kike. ⁴ Hanya ada satu tubuh dan satu Roh, sama halnya ketika kamu dipanggil kepada satu harapan dari panggilanmu, ⁵ Pa Tata aling hupa lang aling Baptisan aling. ⁶ Tata aling pa nebapa ren e aling pa jalelepa motete ing kii mote no ong keke. ⁷ Neba teno wowo hepeng keke kekapae kole wa Kristus hupalang keke. ⁸ Anara Tata lengkote, bang kemu eti jeng keke ete kote, umpa teba atete ko mote ing keko fafal. jahefeng pa ja hefang pe kelepa le leng leng le. ⁹ Ke ena hoeti ing na pepe ing ja; anara kekana hang to folohe kong fua? ¹⁰ Keba rapena fitong fulo hetieng keara kekanaho eti, Sorgale, ja elepa kekole teing kele ko patate, ¹¹ Kristus ja kelepa kekole neba teho wowo teka ung anar Rasul, Nabi, Penginjil, Gembala pa pengajar. ¹² Ja kelepa ke kole ing ma kelepa teba jano tere ing tejano re e Tubuh Kristus ¹³ Ke janowe peke leka kakati newe hupalang keleti aling pa hupalang koko Tata oke. Jano ing keleka koti hupalang nenewe pewa kote Bahufa kote Kristus. ¹⁴ Néwe kelepahala anara téangkü, hing-hing japafeng-feng hüpalang jano lelepa tenarung pepa telaefe ing newe kingahaiang koka. ¹⁵ Jabamua ing noela hühüfa wa hefeng Keke pa janaing, Kristus këing rübe. ¹⁶ Wa Kea pa tebapa te ketenieti tëtë te aling teniete nëë aling, pa jano aling ëlëe wa hefengkike. ¹⁷ Jawe hoho nile ele enifuhai Tata bati ke, teba Yahudi ing jatete eti ing waetë hüpalang tëtëwo, ¹⁸ Te poji pa umpara hupalang tete ing pe löpang peanya teTata tëlaka pa teba rübe nafëng. ¹⁹ Te Hüpalang hëfëngwe pë ka, pa jalelepa tëtëete ing wa hupalang feng-feng tëtë pa jalepa teteing wa hüpalang feng-feng tëtë pa te he ete neleng ²⁰ Kewe anara Kristus löma keke ina lungka. ²¹ Ni pungle lë elai Ke paja bamuaing waetë néé keke. Pa Yesus fa keba bamuang wo ²² Ne hupalang nene toto penere jang tete, king hüpalang feng peing wa këbatefa ²³ Hüpalang toto memeing me pë jang tete pa Roh Kudus mebeko befahëfë mëmë hüpalagmeme. Unghupalang ketepiko hüpalang nati tëte. ²⁴ Hüpalang nati wea këwelengko ung jano mepëpë, anara Tata kepung leköle, king wa ja loma hefeng ²⁵ Peanya jahöhö öng ing elë jang tete, pa höhö bamuang ëlë e, epa newo netene ne newowo keing anara epa nelë aling. ²⁶ Hu palang feng umpa pi mepe pe “. Pa hupalang ing memapeko rangkotitika. ²⁷ Kebatafa ing ke long mee pepeng peng ka. ²⁸ Teba japa ja jata tet eti ing tejata tete te kate, jano kelepa na pepe ing kelepa kekolele teba ka ung anara nafeng ka. ²⁹ Piti waete hupalang meme keng pa te ete ing piti feng-feng me pepeka, pa piti hefeng pa ma mepe meme teba, pina anara teba pipatemepememe. Te pa lee tete pa terie e. ³⁰ Roh Kudus Allah ing hu palang keke ing ele ko feng-feng ka. Pa meing anara jaleng kele pa wakote nero kang ing kelekote lewang-wang lang tung kangpe pe bang fua. ³¹ Jalepa feng-feng mote hu palang nrnr weing nere kp jang tete king pewa Kebafita. ³² Penya jano netete nebapa pa hu palang nene nete pipi newowo anara tata ke mule Kristus ne hefeng ke leele.