1
Peate epane neteko newe and teangku-teangku ke pung le.
2
Pung efeng, anara Kristus kepung kole ne pane keke keweleng anajakunya nupa efeng ete Tata.
3
Pe ing anara, jafenf-feng neteteka jalepa ra neteteka, peing pera neteteka te tëba efeng patuwo.
4
Piti neleng, tupo, piti nafeng neteteka lelepa mewaete.
5
Anara, neru bamuang wo tëba feng-feng, tëba neleng, tëba tebate tekepa piteniete teja efeng watata tewewe Kate.
6
Tëba baung ra e ong ke fafaka jaing peara Tata kepung leka ete teangku-teangku fengwo.
7
Te e alalaka.
8
Lopa eme lupang, ung-ang we e mele fefe Tata ke efeng wo e meme and teangku teangke fefe.
9
Pea to we ing keka fefe pera and ja efeng, Hu efeng bamuang wo.
10
Pa mejuko ja Tata kewo kepung le.
11
Me papa ka and ja feng was lopang tu pejana pewe nunuka, mepeko nepara meme and keba kebangfa janopa-janopa ing.
12
Janopa-janopa ing teteroropa peing tuko neba roka.
13
Peing ana, nepara meme mebangfa pe u ang-ang tu.
14
peana ja u ang peng peing ja fefe. Peanya kelengko, maleng he mebaluweng mepe melefupe mema tëba Bing Pa Kristus fefe ke eti me.
15
Tunane, jawe melafu huhufa meme tunane e heng mele tëba topo.
16
Bang ing melafu huhufa meme Pa bang-bang we pefengwo.
17
Peate, meing topoka pajamepepe Tata Hu papung.
18
Tang ha tutuka jaing and anggur jaing feng penunutu peanya ne ing bapoke.
19
Pimepe keba aling Pate tebakaung jara mena Pa jalang jalang rohani ke nekela pung nene te Tata.
20
Me wakote kewo Tata Ai nene Tata nene Kristus Yesus. Pina efeng te pampe Pa peume
21
Me pafa tëba hing-hing pamefufu Kristus.
22
E ume- e ume epapa kebaleng pera ana Tata.
23
Peanya kebaleng ke keba Pa rube, peate Kristus kera rube jemaat, Pa nekekewo. Pa ke Kristus ke efeng.
24
Peapa, tunane jemaat tepapa Kristus peate and meume me papa kebaleng Pa ja lele Pa.
25
Mebaleng-mebaleng jano huhufa mepememe eme Pa Tata jemaat keke ne keke keweleng jemaat.
26
Jalelepa petu te ne telote ne ketapu hoho ropo.
27
Peanya Kristus kewelengtu jemaat neke kente jeng ete kotu neleng raka, ne rawi raka. Peatuko jemaat tetu ja fengfeng raka.
28
Peanya, nebaleng-nebaleng jano huhufa mepememe peume pera anara mepemotu ne meme.
29
Peing anara baungka neke ke wo kenaki kene kekekekawa Pa ke netupi. Ana ing ang Kristus kele jemaat.
30
Neba newe ing ana ne keke.
31
Peate, kebaleng ung reke Pa make kelufa Pa ketila eke tenake teleti aling nero kangpe.
32
Pe, akele Pa nileng te jemaat Pa Kristus.
33
Peate neba-neba newowo emeja huhufa mepepe meume mepapa kebaleng.