¹ Peapa, ni, Paulus, Yesus Kristus batikeke ko Ni tekeketi apa ko noe'e, eba nole. ² Elo late Tata janoke hève kewele niwahakori ê'á, ³ Uape, ja weko kewenalu ni, anara japo rifa nilekoto. ⁴ Ba ropo èjeko èfo'èle, hupala ë'ë Kristus hohoke weko pa nile elè ehú'ete papa'to ⁵ Teba tôto'të Tata huhuke terika, pa uawe Tata bapuke wenalute teba to, jano Keke teri was teba mo to to wakoto teba mo uawe. ⁶ Jaweko'î wa Injil teba nole pa nelupa pipave, nelopa ke'ne nopara ali, pa nelupa kenene ja keloko Yesus Kristus noke. ⁷ Ni Tata bapoke nile peing Tata heve Keke Keweleto ni, kira Tata jano bapale ke. ⁸ Tata bapohake fe'î teba tœ, pa niwe'î tehinake fewo, Pa Tata jano heve keweko niwari teba Tata tefijaka, ùa we tera Tata tefi jaja pa jano heve bapale kêkewe tera ri heve fafa, ⁹ Pa fefe'îteke tujako tete teba Tata jano heve ke pa fito kelela pa weko jawa wo tera riri. ¹⁰ No'i uapa Tata hupalake note teba Tata tefija tewe te hoho tete Pemerintah robe pa teba tafa mete Surga. ¹¹ Kewe pe Tata janoke tôto pa kewenalú te'ne was Yesus Kristus Tata nene. ¹² Wa Yesus no'î ke, lomanekenene Tata paike'î nefeka kei Kristus heve ke. ¹³ Peai'a newate'è hupala ê'e ekukuka ekaleto'ni teketupa jafefe te te'e'î pe heve'e'e. ¹⁴ Jaweateko, ni'tahuhere labipa ni more Tata hoke. ¹⁵ Wa Kea, teba paipa meti pèta Pa mete vîto bati Keke tekè. ¹⁶ Lupopo janile janawo pa he've Keke pa have Keke bapoke loleheto hupala è'é. ¹⁷ Noia Kristus heti momo hupala è'to, ke'ia umpa e' halî heve hemomo ne'ë'ê ¹⁸ Ura elupa Teba'tú e'lûlu Kristus hefe Keke'í kà'pà, pa kafè, pa êkapë, pa tópa. ¹⁹ Anaipa, Kristus heve keke 'evulala kako neba hupala keluva pa jalelepa nene kelate papafa Tata noke. ²⁰ Ko Ke, jalelepa ne'wanetepa ne' huenete Kelole papafatu, pewa nave keke janoruatu nopara ê'ë. ²¹ Keva heve heto jemaat wa Kristus Yesus húpalake he to pipafeko té'te hupe. Ropabe.