¹ یسوع اوس جگہ چلا گیا تے اپنے شہر وچ آیا تے اوہدے شاگرد وی اوہدے پچھے پچھے آے۔ ² جدوں سبت دا دن آیا تے ہیکل دے وچ تعلیم دین لگا، بہت سارے لوک جنہاں نے اوہنوں سُنیا بڑے حیران ہوے۔ اوہ بولے، اینے اے تعلیم کیتھوں لئ اے؟ اے کیڑی عقل اے جیڑی رب نے انہوں دتی اے۔ کیڑے معجزے نے جیڑے اے اپنے ہتھاں نال کردا اے؟ ³ اے ترکھان نئ مریم دا پُتر،تے جیمس تے یوسس تے یہودہ تے شعمون دا بھرا۔ اس دیاں پہناں ساڈے نال نہیں؟ اوہنا تے یسوع دا بُرا منایا۔ ⁴ یسوع نے اوہناں نوں آکھیا اک نبی اپنے علاقے تے اپنے گھر وچ عزت نہیں پا سکدا۔ ⁵ اوہ کوئ وڈے کم اوتھے نہیں کر سکیا۔ ایس دے علاوہ کہ او کُجھ بیمار لوکاں دے اُتےتے اونہاں نوں شفاء دے۔ ⁶ اوہناں دے ایمان نا ہون دی وجہ نال اُس نوں بڑی حیرانی ہوئ۔ اوہ اوہناں دے پنڈاں وچ منادی کردا رہیا۔ ⁷ اوس بے بارہ نوں اپنے کول بُلایا تے اوہناں نوں دو دو کر کے باہر بھیجن لگا تے اوہناں نوں ناپاک روحاں اُتے اختیار دتا۔ ⁸ تے اوہناں نوں حکم دتا کہ تسی سفر لئ اپنے نال کُجھ نہ لے کے جانا سواے اک لاٹھی۔ ⁹ نا روٹی، نہ فقیراں والا چولا نا اپنے کمر کس وچ پیسے رکھو. جُتی پاو تے دو کُڑتے نہ پاو۔ ¹⁰ اُس نے کہیا کہ جدوں وی تُسی کسے گھر وچ جاو، اوس گھر وچ ہی ٹکے رہوجدوں تک تُسی چلے نہیں جاندے۔ ¹¹ جتھے تہواںوں قبول نہ کرن تے تہواڈی گل نہ سُنن تے اوہتھوں جاندے ہوے اپنے پیراں دی جُتی دی مٹیجھاڑ دیو۔ تاکہ اوہناں دے خلاف تہاڈی گواہی رہے۔ ¹² اوہ باہر گے تے علان کیتا کے لوکی گناہواں توں توبہ کرن ۔ ¹³ اوہناں نے بہت ساری بد روحاں نوں کڈھیا، لوکاں نوں تیل نال مل کے چنگا کیتا تے بہت سارے لوکاں بیماری توں شفاء دتی۔ ¹⁴ ہیرودیس بادشاہ نے ای سُنیا کیونکہ یسوع دا ناں ہر جگہ پھیل گیا۔ کُجھ لوک کہن لگے کہ یوحنا بپتسمہ دین والا زندہ ہو گیا اے تے ایس وجہ نال معجزیاں دی طاقت اوہدے وچ کم کر دی اے۔ ¹⁵ کُجھ کین لگے اوہ ایلیا اے کُجھ کیا کہ اک نبی اے ، پُرانے وقتاں دے نبیاں دی طرح۔ ¹⁶ پر ہیرودیس نے سُن کے اے کہیا یوحنا ، جس دا سر میں نے وڈایا سی، اوہ رندہ ہو گیا اے۔ ¹⁷ کینکہ ہیرودیس نے خود یوجنا نوں گرفتار کروایا تے جیل وچ پایا، کیونکہ ہیرودیاس اس دے بھرا فلپس دی بُڈی دے نال ہیرودیس نے شادی کیتی سی۔ ¹⁸ کیوںکہ یوحنا نے کہیہ کہ اے غیرقانونی اے کہ توں. اپنے بھرا دی بُڈی نال شادی کرے۔ ¹⁹ ہیرودیاس، یوجنا دی بڑی مخالف ہو گئ تےچاہندی سی کہ یوجنا نوں قتل کیتا جاے۔ پر اوہ کر نہ سکی۔ ²⁰ کیوں جو ہیرودیس، یوحنا کولوں ڈردا سی کیاں جو اوہنوں پتہ سی کہ یوحنا ٹھیک آکھ دا سی تے بڑا راستباز تے نیک شخص سی تے تے ہیرودیس نے کوشش کیتے کے اوہنوں کوئ نُقصان نہ پہنچے، جدوں اُس نے یوحنا دی منادی سُنی تے اُس دے پیغام نے اوہنوں بڑا رنجیدہ کیتا۔ پر فیر وی اوہ اوہنوں خُوشی نال سُندا سی۔ ²¹ لیکن فیر اک دن ایسا آیا کہ ہیرودیاس نوں موقعہ مل گیا، ہیرودیس نے اپنے جنم دن تے اپنے سارے وزیرتے سپہ سالار تے سرداراں نوں دعوت تے سدیا۔ ²² ہیرودیاس دی دھی خود آی تے اُناں لئ نچی تے اونیں تے اوہدے سارے مہماناں نوں خُوش کیتا، بادشاہ نے کُڑی نوں کیا ؛ جو توں چاہیں میرے کولوں منگ، تینوں دے دیاں گا۔ ²³ اوس نے قسم کھا کے کیا کہ جیڑی چیز وی تون میرے کولوں منگیں گی میں تینوں اپنے ادھے راج تک سے دیاں گا۔ ²⁴ تاں اوہ اپنی ماں کول گئ تے پوچھیا میں ایس کولوں کیڑی چیز منگاں۔ ماں نے دسیا کہ یوحنا بپتسمہ دین والے دا سر۔ ²⁵ اوہ پھرتی نال ہال دے وچ بادشاہ کول واپس آئ تے منگیا، میں چاہندی ہاں تھال دے وچ یوحنا بپتسما دین والے دا سرہُونے ہی دے دیو۔ ²⁶ ہیرودیس بڑا رنجیدہ ہویا پر اپنی قسم تے سارے مہماناں دی وجہ توں اوہنوں انکار نہ کر سکیا۔ ²⁷ ایس لئ بادشاہ نے اپنے اک سپاہی نوں بھیجا تے حُکم دتا کہ یوحنا دا سر لے آے، سپاہی چلا گیا تے قید خانے وچ یوحنا دا سر وڈ دتا۔ ²⁸ اوس نے سر تھال وچ رکھ کے اوس کُڑی نوں دے دتا تے کُڑی نے اپنی ماں نوں دے دتا۔ ²⁹ اے سُن کے اوس دے شاگرد آے تے اوہدی لاش نوں لے جا کے قبر وچ رکھ دتا۔ ³⁰ سارے رسول یسوع سے دوالے جمع ہو گئے تے اوس نوں دسن لگے کے اوہناں کی کیتا تے کی سکھایا۔ ³¹ اوہنے اوہناں نوں دسیا ایتھے آجاو ایس اُجاڑ جگہ وچ تے تھوڑی دیر آرام کرو، اوہناں وچوں کافی دارے آوندے جاوندے رہے تے آرام لئ بلکل وقت نا کڈھ سکے ایتھوں تک کے کھان پین لئ وی نیں۔ ³² اوہ کشتی وچ اک اُجاڑ جگہ تے اپنے آپ ای چلے گیے۔ ³³ پر بتہیرے لوکاں نے اوہناں نوں جاندیاں ویکھ لیا تے اوہناں نون پہچان لیا۔ اوہ سارے مل کے پیدل آے تے شہراں وچوں پہنچ گیے تے اوہناں کولوں پہلاں پہنچ گِے۔ ³⁴ جدوں اوہ کنارے تے آیا یسوع نے اک وڈی بھیڑ ویکھی، اوہنوں اوہناں تے ترس آیا، کیوں جو او اوہناں بھیڈاں وانگوں سن جناں دا کوِ ایالی نہ ہووے ایس لئ اوہنے اوہناں نوں بہت ساری گلاں سکھانیاں شُروع کیتیاں۔ ³⁵ جدوں بہت دن ڈھل گیا تے یسوع دے شاگرد آے تے کین لگے، اہہہ جگہ اُجاڑ اے تے کافی دیر وی ہو گئ اے۔ ³⁶ ایناں نوں جان دے تاکہ اے لاگے چاگے نال چلیاں وچ اپنے لئ کُج کھان لئ لے لین۔ ³⁷ پر اوس نے اونہاں نوں کیا کہ تُسی اوہناں نوں کُچھ کھان لئ دوو، اوہناں اوس نوں کیا، اسی جایے تے دو سو دینار دیاں روٹیاں لے کے اینہاں نوں دے دیے؟۔ ³⁸ اوس نے اوہناں نوں کہیا کہ تہواڈے کول کنیاں روٹیاں ہین، جاو تے ویکھو، جدوں اوہناں نے پتہ کیتا تے کیا پنج روٹیاں تے دو مچھلیاں۔ ³⁹ اوس نے سارے لوکان نوں حُکم دتا کہ جتھے وچ ہری گھاہ تے بہہ جان۔ ⁴⁰ اوہ جتھیاں وچ بہہ گیے، پچاس پچاس تے سو دے جتھیاں وچ۔ ⁴¹ جیوں ای اوس نے پنج روٹیاں تے دو مچھلیاں لئ یاں۔ اُوس نے آسمان دے ول ویکھ دیاں ہویاں نے برکت دتی تے روٹیاں توڑیاں فیر شاگرداں نوں دتی کہ بھیڑ نوں دتی جاے۔ دو مچھلیاں وی اوہناں دے وچ ونڈ دتیاں۔ ⁴² اوہناں سب نے کھادا جدوں تک رج نیں گے۔ ⁴³ اُنیاں نے توڑی ہوئ روٹی دے بارہ ٹوکرے جمع کیتے جدے وچ مچھلیاں دے ٹُکڑے وی سن۔ ⁴⁴ اوس جگہ پنج ہزار آدمی سن جنہاں نے روٹی کھادی ۔ ⁴⁵ فوری طور تے اوہنے اپنے سارے شاگرداں نوں کشتی وچ بین دا کیا تاکہ او اوہدیاں دے آگے دوسری طرف بیت صدا ول جان۔ جدوں کہ اوس نے خود آپ بھیڑ نوں بھیجیا۔ ⁴⁶ جدوں اوہ سارے چلے گیے تے یسوع پہاڑ اُتے دُعا کرن لئ چلا گیا۔ ⁴⁷ شام ہو گئ تے کشتی جھیل دے ادھ وچکار سی تے اوہ کلّا ہی کنڈے اُتے سی۔ ⁴⁸ اوہنے اوہناں نوں کشتی سنبھالن دی مشکل وچ ویکھیا کینکہ اوہناں دے مُخالف سی، رات دے چوتھے پہر اوہ اوہناں ول سمندر دے اُتے چل کے اوہناں ول آیا۔ اوہ چاہندہ سی کے اوہناں توں اگے لنگھ جاے۔ ⁴⁹ لیکن پر اوہناں نے اس نوں چلدیاں ہویاں ویکھیا، اوہ سمجھے کے کوئ بھت اے تے چیخاں ماریاں۔ ⁵⁰ چونکہ اوہناں ساریاں نے اوس نوں ویکھیا اور تے ڈر گےء ۔ لیکن فوری طور تے اوس نے اوہناں نال گل کیتی تے کہیا۔ دلیر بنو اے، میں واں، ڈرو نئیں، اے۔ ⁵¹ اوہ اوہناں دے نال کشتی وچ آگیا تے طوفان بلکل تھم گیا، اوہ بلکل اوس تے حیران سن۔ ⁵² چونکہ اوہناں نوں روٹیاں بارے کوئ سمجھ نہ لگی تے اوہناں دے دماغ سُن ہو گےء سن۔ ⁵³ اوہ پار جا کے گنیسرت دی زمین تے اُترے تے کشتی نوں کھاٹ تے بن دتا۔ ⁵⁴ جدوں اوہ کشتی وچوں نکل آے تے لوکاں نے انت پہچان لیا کے اے یسوع اے۔ ⁵⁵ لوک نس پج کے اوس علاقے وچ آے تے اپنے بیماراں نوں منجھیاں تے پا کے اوس کول لے آونا شروع کردتا۔ جیویں جیویں اوہناں نے اوہدے آون بارے سُنیا۔ ⁵⁶ جدوں جدوں اوہ پنڈاں یا شہراں یا علاقیاں وچ داخل ہویا۔ لوکی بیماراں نوں مارکیٹ بازاراں وچ لے آوندے سی۔ تے او اوس دی منت کردے سن کہ اگر اوہ یسوع دی پوشاک دے کونے نوں وی چھو لین تے جنہاں نے وی چھویا، اوہناں نوں شفاء ہو گئ۔