¹ Mutati mwamukalipila umunthu mukalamba.Mumalo mwakwe mumusende ngati walinji atata. Muwasende awonsi yanono ngati ayakundwe, ² yanamayo aya kalamba ngati aya mama, naya namayo ya nono ngati ayanyonkho, munzira zyonsi. ³ Muwasunjilile ayanachi, yano ayafwilwe nadi. ⁴ Kwene ndi umwanachi umufwilwe ali nayana pamwi ayizukulu, yalekini pakutalika yasambilile nukulanjizya akasunjilile ka mang'anda yawo. Yalingine ukunyosya pali vino yaposile kuyakwas, pamulandu chi chikumusechelesya Leza. ⁵ Kwene umwanachi wino umufwilwe nadi, wino akuyikalila wenga, ayisile isuwilo lyakwe muli Leza nukupitilizya ukuchita amapepo nukupepa wusiku numusanya. ⁶ Napano che vivyo kwene, umwanachi umufwilwe wino akwikalila muvyakusechelesya ivyansi wafwa kali napano aye uwawumi. ⁷ Uwapele ivisambilizyo vii nawokwene.umwakuti yaye nimisango isuma. ⁸ Kwene ndi wumwi akuleka ukuwanozyezya ivyakulya akamu yakwe nkani nkani yalya ayamung'anda yakwe ,akulikuti wakana isuwilo nukuti ichiyipe ukulusya wino atasuwila. ⁹ Patati paye umwanachii uwakulembesya ngati umufwilwe wino atakwanisizye imyaka 60 (amakumi yasano nalyonga). ¹⁰ Afwile aye umwanachi umumanyikwe nimilimo yakwe isuma ,napano iye iyakuti wasunjilile ayana pamwi wapochelelanga ayenyi ,pamwi wafuzile amakulu ya antu alungamane yakwe Leza ,pamwi wawavwanga yanoyali muntamyo pamwi ndiwaisile umwenzo kumilimo isuma. ¹¹ Kwene ukuyana ayafwilwe ayachikazyana ,mukane pakuwalemba amazina. Pakuti ndi imyili yawo ikulonda ivyakumwili yakumusambuchila Kristu, yakulonda ukutwalwa. ¹² Umunzila yikwene yakuwasusya pamulandu yakuleka ukukonka ilayano ¹³ ilyakutalika. Pansita yiyokwene ,yasambilile ukuya ayakata nukupitanapitana chila ng'anda ni ng'anda. Yatakuya akata sile ,kwene swinya yakulanda ivintu vino vitayine pakuvilanda ni imiliyawo yilipanchito insitayonsi, nukulanda ivintu vino yatalingine ukulanda. ¹⁴ Akulikuti nkulonda afwilwe yanoyachili ayanono yatwalwe nupya , nukupapa ayana, nukusunga ing'anda zyawo, nukuleka ukumupela ulongo umulwani wino akatulanda uyipe. ¹⁵ Yalipo yamwi yano yatiyapankuka kuli yanoyakonsile inzila yakwe Setano. ¹⁶ Ndipali umwanachi wino wasuwila ali nayafwilwe mulekini awavwa, umwatuti ing'anda yamapepo yitati uyepansi, ukuti ungatula nadi afwilwe ayenecho. ¹⁷ Lekini akalamba yano yakuwomba ningo imilimo yawo yalingine ukuwelenganizya ukupoka umuchinzi kayili, nkaninkani yalya yano yakuwomba nizwi numukusambilizya ¹⁸ . Apakuti amawaliko yakuti,''Mtati muyinyepe umulomo ing''ombe pano ikulya ingano '' nukuti '' Umuwomvi alingine ukupoka amalipilo yakwe.'' ¹⁹ Muleke pakupochelela vino yakumuyipichizya umukalamba mpaka paye yakaboni yayili pamwi yatatu. ²⁰ Muwalinganye ayembu pamanso yatiswe ukuti yanoyasyala yatina. ²¹ Nkukulayizya wewe, pamanso yakwe Leza na Kristu Yesu na angelo asolwe, pakusunjilila amasunde yaa kwawula ukulola imbali yimwi, nukuwomba nantichimwi kufuma kuchimanyani. ²² Uleke pakuyika amakasa mwakusamalila pamuntu nantiwenga .Uleke pakwankana amaluyembu yamuntu muze. Wemo uyisunjilile nukuyiswefya. ²³ Mutalingine ukumwa manzi. Mumalo mwakwe, mulingine ukumwa panono uwengwa ngati umulembo wamu ndilwa namawulwale yawuze. ²⁴ Amaluyembu ya yantu yamwi yakumanyikwa patiswe, nukuti zikuwakolelela ukuya nawo kuwupinguzi. Kwene amaluyembu yamwi yakukonka pachisila. ²⁵ Avivyo kwene, imilimo yimwi iyisuma yikamanyikwa apatiswe, napano yuze yitangayifisame.