¹ Lekini wonsi yano yali pansi pa majomvi ngati atumwa yafwile yatwale umuchinzi kuli yasekulu yawo. Yafwile ukuwomba vii umwakuti izina lyakwe Leza nivisambilizyo yatati yavituka. ² Atumwa yano yasekulu yawo yakwe Kristu yaleke pakuwasamula pamulandu ayaliyamwi .Mumalo mwakwe, yalingine kuwawombela ningo mwakufikapo .Pakuti yasekulu yano yakutulwa ku mulimo wawo aya Kristu yawuze yakundwa .Samibilizini nukuwakoswela ivintu vii. ³ Wensi wino akusambilizya ivintu vyuze ivyawufi vino vitalingine namazwi yauchumi yakwe Mwene witu Yesu Kristu nukusambilizya kumapepo yitu ⁴ , uwakuyikuzya nupya atakuvwichisya nantichimwi .Asinumwezo uwakunenezyana nukukanzinkana ukuyana namazwi yano yakuleta umone,ukupaunkana,ukutukana nukwelenganyizyana uyipe, ⁵ nukukanzinkana kwawula kumala pakasi payantu yano amelengwi yawo yatakupita ningo.Yati yaponzya uchumi nupya yakwelenganya ukuti ipepo inzila iyakuzanila ichuma ichivule. ⁶ Nomba uwumi wamuntu wakumupepa Leza nukumuzumila ichintu chimwi ichapapela sana, ⁷ pakuti tutaleta nantichimwi mukasi munsi, nupya tutangatusende nantichimwi kufuma mwenemo ⁸ .Mumalo mwakwe tuye antu ayakusalifya nivyakulya nivizwaio. ⁹ Nomba yalya yano yakuloda ukuya nichuma yakaponela muvyakukumbwa, nukwinjila muchipingo. Yakuponela mukasii muvintu ivyakutumpa nivyakukumbuchila iviyipe, nukwinjila kuvintu vyuze vino vikapangisya ayantu ukwinjila mukasi mukuononeka nukupona. ¹⁰ Pakuti ukukunda kwandalama umusisi wavintu vyonsi ivyamitundunimitudu ivyaluyembu . Ayantu yamwi yano yakakumbwa yawaponzya ukufuma ukufuma kwisuwilo nukuyilasa wonga nivyakuwaya ivinji. ¹¹ Kwene wewe, muntu wakwe Leza, fuma kuvintu vii. Konka ulungamane, kumupepa Leza, usuwaliwa, ulukundo, ukujimba, nukuyichindika. ¹² Lwanga uwulwe usuma uwalusuwilo. Ulemasye kuumi wamuntasila kuno wemo yakwamileko, nukuti ichilapo ichisuma chino wapelike pamanso yakwe yakamboni ayinji. ¹³ Nkukupela amasunde yaa pankolelo pali Leza, wino akapela uwumi kuvintu vyonsi, na pankolelo pali Kristu Yesu, wino wapanzile ukamboni pankolelo pali Pontiyo Pilato, ¹⁴ ukusunga amasunde kwawula akalema pamwi ukupotwa ukufikapo mphaka pano Mwene witu Yesu kristu alizaaloleke. ¹⁵ Leza aliwumbula nukuloleka kwakwe Kristu pansita yakwe iyilondoloke ---Leza, umusayiwa nawenga sile Uwakulolela vyonsi, Imfumu yino yilipamupando. ¹⁶ Wiyonye wenga na wenga asifwa nupya wikala muuswepe. Pasi umuntu winoakamulola pamwi wino angamanya pakumulola.Kuli weliwe kuye umuchinzi namaka ayamuntasila.Ameni. ¹⁷ Wanene avyuma yamunsi yino yatati yayikwezya nukuti yatati yasuwila muvyuma yino visimanyikwa ningo ,Mumalo mwakwe yasuwila muli Leza. ¹⁸ Uwanene yawomba izisuma, yaye avyuma mumilimo yawo isuma, nukuya ayaluse nukuya numwenzo wakwankhana. ¹⁹ Umunzila yiyokwene yaliyisunjila ayenecho ulufula ulusuma kuli vino vikwiza umwakuti yalemasye kuwumi uwenecho. ²⁰ Timoti sunjiliia chino chapilwe kuli wewe . Taluka kumivwango iyipe na amelenganyo ayakuvulunganya vino vikwamwa amano ayawufi. ²¹ Awonsi yamwi yakavilanda ivintu vino nukuti yapu.sana nuuchumi. Inkhumbu ziye namwe.