¹ Nomba umupasi patiswe ukulanda ukuti mumanda yamwi ayanthu yalileka ichisinkha nukuyika amano kumipasi iya ufi nikuvisambilizyo vyakwe setano ² mu ufi wausonvi, mu melengwi yawo ngati muno yawocha ni chela ichamoto. ³ Yaliwakanizya ayanthu ukutwalana nukuwanena ukutaluka kufuma kuvyakulya vino Leza wavipezile kuti yapochelele numwenzo wakusalifya kuli yano yasuwila nukumanya uchumi. ⁴ Vyonsi vino vyapelwa na Leza ivisuma. pasi nachonga chino twasenda mukusalifya chingakanika. ⁵ Pakuti ichipawulwe nizwi lyakwe Leza ni pepo. ⁶ Ndi ukuyika ivinthu vi pamiso ya yakulu yako , uliya umuwomvi umusuma wakwe Yesu Krisitu. Nomba yati yakulyesya namazwi yisuwilo nisambilizyo ilisuma lino wati ulikonkha. ⁷ kwene ufumeko kuvyakulanda vya munsi vino yatemwa yanamayo yakote. Mumalo mwakwe uyisambilizye wemwenecho kuyvinthu vya kwe Leza. ⁸ Mwakuti ivisambilizyo ivyakumuyili vili nitchito panono sile, kwene vyakwe Leza ivyakulondiwa kuvinthu vyonsi. Likulema ilayano kuwumi uno nomba nuwumi uno ukwiza. ⁹ Ilandwe lino ilisuwaliwa nupya lilingine kulipochelele namaka. Pakuti palichii tukulwisya nukuwomba namaka sana. ¹⁰ Pakuti tusuwalile muli Leza uwa wumi, wino aKatasya wayanthu wonsi, kwene nkhani nkhani kuli tano yasuwula. ¹¹ Kosola nukusambilizya iyintu vii. ¹² Patati paye umuhtu wakukuwonela pamulandu waulumendo wako. Mumalo mwakwe kuli yalya yano yasuwila chiye ichakulolela mukalandile, mukikalile, mulukundo, mukusuwaliwa, na muusuma. ¹³ Mpaka pano ndifika,pitilizya pakuyika umwenzo pakuwazya amazwi nukuwachinchizya ayantu nukuwazambilizya. ¹⁴ Leka ukuchisula ichawila chino chaya muli wewe, chino chapelwa kuli wewe mukupitila munchimi, mwakuyika amakasa yawakalamba achipanga. ¹⁵ Sunjilila ivintu vii. Uye muliwoliwo, umwakuti ukukula kwako kuloleke kuyantu wonsi. ¹⁶ Uchenjele nazino ukuchita na kuvisambilizyo. Pitilizya muvintu vii. Apakuti pakuwomba vii ,uliyitula wemwenecho na wonsi yano yakutezya kuliwewe.