¹ Umuvwango wu u wusuwile: ndi wumwi akukumbwa ukuya uwakukolelela, akaku mbwa umulimo uwusuma. ² Achino uwakukolelela ayawuze ataya nu mwata uwuyipe. ³ Alingine ukuya umonsi wa mwanachi wenga. Aye uwakuyichindika, uwakuyilema, ⁴ Alingine ukusunga ningo ing'anda yakwe, na ayana yakwe yafwile ya mutina numuchinzi wonsi. ⁵ Umwakuti ndi umonsi atakumanya muno angasunjira ing'anda yakwe, wuzye angasunga wuli ing'anda yamapepo yakwe Leza? ⁶ Atati aye umupinduke umupya, apakuti atati azule nu kuyikwezya nukuti angapona mukusulwa ngati asatana. ⁷ Alingine swinya ukuya wamisango yisuma na yalya ayakunzi, Umwakuti ataponela mu vinthu vya mwalwe namuchipingo chakwe setano ⁸ Amadyakoni, nayo kwene, yalingine ukuyachindika, yataya ayakulanda kwili kwili.Yatati yamwa nkhani uwengwa pamwi ukuya umwimi. ⁹ Yafwile ukusunga ubumbulo wa chumi wisuwilo nukuswepa kwa amelenganyo. ¹⁰ Yafwile ukusimichila panthandiko, nakupya yafwile yawombe pamulandu yasinakalema nakamwi. ¹¹ Munzila yiliyimwi, ayanachi yawo yaye numuchinzi, yatati yaye ayakunsensa, kwene kuyilema nukusuwaliwa mu vinthu vyonsi. ¹² Umudyakoni afwile aye umonsi wa mwanachi wenga. Yalingine ukusunga ningo ayana yawo ning'anda zyawo. ¹³ Kuliyano yawomba ningo intchito zyawo yakuyisendela ayenecho izina ilisuma swinya yakumanya ukulanda namaka mwisuwilo lino lili muli Krisitu Yesu. ¹⁴ Pano nkhuwalika ivinthu vi kuli mwemwe, indi nukwiza kulimwemwe nomba kwene. ¹⁵ kweni ndi nazimba nkhuwalika apakuti mungamanya muno mungaviyanyizya muno ayanthu yangikalila mung'anda yakwe Leza, yiyonye ali ng'anda yamapepo yakwe Leza wawumi, wino ulupanda lwa chisinkha cha molimo. ¹⁶ Swensi tukuzumilizyanya ukuti amapepo ayankhama ayapapela; ''Walolike ukumumwili, wuno wasimichizyike nu Mupasi, wuno walolike na angelo, wuno wakoswilwe kuyamitundu, nukuzumilizyikwa munsi yonsi, nukunyamulika kupela muwuchindame.''