¹ Odebani Israel boni khrip dongbasikhe langtharhi Beersheba ha sophaiba, ode bupha Isaac ni Mdai khe bandai riba ² Odehe Mdai Israel khe sariha muthang jang sainglaiba ar longba, “Jacob Jacob” odehe bo thilakha, ang eraha dong.” ³ Mdai thiba, “Ang Mdai se, nini bupha ni Mdai. Egypt ha thangma ne dakhin, sumjabani thikhade oraha ang ningkhe raji gidi salamma. ⁴ Ning jang Egypt ha ang jar thangphama, odehe ang ningkhe gibijang labuphinma. Ode Joseph Jarni yao jang nini muthai khe muphungma. ⁵ Boni yahonha, Pharaoh haihayaba gari jang, Israel ni basa buthu bonsi ni bupha Jacob ar bonsini sasik ar bihi buthu khe Langhi Jacob Beersheba niphrang thanglaba. ⁶ Odelaining Jacob are boni sasig buthu, bonsini dao-mi ar sompoti khrip Langhi, Canaan raji ha dongbaha nadi bojaiphukha, khrip langhi Egypt ha langlaba. ⁷ Jacob Egypt ha thanglabaha, boni basa buthu, basathai, boni bisig buthu ode boni busuthai buthu khrip khe bojangbaosi langphatharlaba. ⁸ Israel ni basa buthu Egypt ha thangyarao ni bumu de elai: Jacob ar boni sarik-surik, Jacob ni basa hajaitha yaba Reuben. ⁹ Reuben ni basa buthu ni bumu: Hanok, Pallu, Hezron, ode Karmi: ¹⁰ Simeon ni basa buthu ni bumu: Jemuel, Jamin, Ohad, Jakin, Zohar ode Canaan haphai ni masaingjig niphrang hajaiyaba bas ani bumu de Shaul. ¹¹ Ode Levi ni basa buthu ni bumu de Gershon, Kohath are Merari. ¹² Judah ni basa buthu ni bumu de Er, Onan, Shelah, Perez, ode Zerah (Thikhabo Er ode Onan de Canaan ha dongbahaning hapsau garkha). Perez ni basa buthu ni bumu de Hezron ode Hamul. ¹³ Issachar ni basa buthu ni bumu: Tola, Puah, Jashub ode Shimron. ¹⁴ Zebulun ni basa buthu ni bumu: Sered, Elon ode Jahleel. ¹⁵ Ebosi khrip Leah ni basa buthu Paddan Aran ha dongbaha, bisig Dinah bo hajaiba. Jacob jang Leah ni basa buthu ode bisig buthu khrip jang thimzitham dongba. ¹⁶ Gad in basa buthu ni bumu: Zephon, Haggi, Shuni, Ezbon, Eri, Arodi ode Areli. ¹⁷ Asher ni basa buthu ni bumu: Imnah, Ishvah, Ishvi ode Beriah: odehe Serah bonsini bahandao dongba. Beriah ni basa buthu ni bumu de Heber ode Malkiel. ¹⁸ Ebosi de Jacob ar nobrajig Zilpah ni basa buthu . Laban, Zilpah khe boni bisig Leah ne riphaba. Boni basa khrip jang zidoh. ¹⁹ Jacob ar boni nobrajig ni basa buthu de Joseph ar Benjamin. ²⁰ Egypt ha dongbaha, On haphai ni jonthaima Potiphera ni bisig Asenath jang maiyaba basa buthu de Manasseh ode Ephraim. ²¹ Benjamin ni basa buthu: Bela, Beker, Ashbel, Gera, Naaman, Ehi, Rosh, Muppim, Huppim, ode Ard. ²² Ebosi khrip Jacob ode Rachel ni basa buthu. Khrip jang zibri ²³ Dan ni basa ni bumu de Hushim. ²⁴ Naphtali ni basa buthu ni bumu de Jahziel, Guni, Jezer, ode Shillem. ²⁵ Ebosi khrip de Jacob ar boni nobrajig Bilhah ni basa buthu, Bilhah khe Laban boni bisig Rachel ne riba. Khrip jang sni. ²⁶ Jacob jang Egypt ha thangphayarao boni sarik-surik, boni bahamjigthusi khe garhi Bisatham matham dongba. ²⁷ Joseph ni basa magin Egypt ha hajaiyarao khe lahaphahi, Jacob ni nokhor ni subung buthu Egypt ha thangyarao khrip jang Bisathamji. ²⁸ Jacob boni basa Judah khe lama phunumane boni sagang sagang Goshen raji ha haiba. ²⁹ Joseph boni gorai gari khe langhi boni bupha khe goronmane Goshen raji ha thangba. Bokhe gorondada boni buphani bogornakhe gabauhi budugalao garaba. ³⁰ Israel Joseph khe thiba, Duhade and ningkhe nukha, ning thanghidongbahaning ang thilanang. ³¹ Joseph boni daphlungthukhe ar boni bupha khe thiba, Ani bupha ar daphlungrao canaan raji ha dongyarao ani ha sophaikha thihi Pharaoh khe ang thanghi saingthima. ³² Bonside melma naisoyarao se sumjabani thikhade mi khe khrangyarao dongba. Bonsi jang baosi mi ar nadi dongbasikhe khrip labuphatharlakha. ³³ Edeyaba bubli phaima Pharaoh nisi khe shingma, “Nisi nadi khusi dangre?” ³⁴ Jingde manang jalai dongba niphrang ning melma raokhiyarao se: jing ar jinni buphasao niphrango melma raokhiyarao se dongba. Elai nisi Pharaoh khe saingthikha thikhade Goshen ha thanghi dongphunang, sumjabani thikhade Egyptsarao de melma naisoyarao khede srap manire.