¹ Abraham gibin masainjikh khe noh japhinba; boni bumu jakha Keturah. ² Boniha Zimran, Jokshan, Medan, Midian, Ishbak ode Shuah hajaiba. ³ Jokshanla Sheba jang Dedan ni bupha. Dedan ni sahrikh surikhrao jakha Assyria ni subungrao, Lotush ni subungrao, Leum ni subungrao. ⁴ Midiani basathu jakha Ephah, Ephar, Hanok, Abida ode Eldath. Ebo buthu khrip Keturah ni sahrikh surikhrao. ⁵ Abraham niha dongyabasi khe bo Isaak ne ritharba. ⁶ Abraham thanghi dongba sainkhalibo, bo khrangphayaba bihithu khe basathune yaosandi riba ode Isaak khe garhi sainja haphaiha haihaba. ⁷ Abraham maithai jang rjasi bisatham maithai bowa habsaoha dongba. ⁸ Abraham rahi phuhi hasisi khlaihi hayu jamba, habsaoha dongthaosisi dongba ode bo boni subungrao khe bojom khlaiba. ⁹ Mamre gbaha, Hittitsa Zohar ni basa Ephron ni haphai ha Mechpelah hahyahm ha longkhor dongyaba ha Abraham ni basathu Isaak jang Ishmaiel, boni mahng khe sjamba. ¹⁰ Ebo hahyahm khe Abraham Heth ni basathu niprang braiba. Boni nohbrajikh Sarah jang baosi Abraham khebo oraha mahng sjamba. ¹¹ Abraham tiebani yahon ha, boni basa Isaak khe Madai hamthai riba, ode Isaak Lahai Roi gbaha dongba. ¹² Eboning jakha Abraham basa, Sahara ni dangyahjikh Egyptsajikh Hagar jang Abraham niprang hajaiyaba Ishmail ni sahrikh surikh. ¹³ Ishamail ni basathu hajaiphabulaiyaba ni bumu jakha: Nebaioth - Ishmail niha hajaijenyaba, Kedar, Adbeel, Mibsam, ¹⁴ Mishma, Dumah, Massa, ¹⁵ Hadad, Tema, Jetur, Napish, ode Kedemah. ¹⁶ Ebo buthuning Ishmail ni basathu ode bonsini bumu, Nohlai, ode bonsini jadini raja jigin. ^{17 18} Ishmail habsao ha maithai jang rjasi maithaithimji maithaisni thahnghi dongba. Boni hayu jamba ode boni subungrao gthimlaiba. Havilah niprang jailanghi Ashhur ha bonsi donghiba.Assyria thangyaba gede Egypt gbaha ¹⁹ Eboning Abraham ni basa Isaak ni sahrikh surikh. Abraham ni basa Isaak. ²⁰ Isaak maithai jang bisagin maithai jabaha Paddan Aram ni Aramsa Bethuel ni bisikh, Aramsa Laban ni bahandao Rebeka jang Issak noh jaba. ²¹ Isaak Madi niha bihba bede tikhade boni nohbrajikh saglangma jahi dongba Madai bo bihyaba khe gainsongba ode Rebeka saokhongin jaba. ²² Nana magin boni sahtip ha mililaiyaba ode bo singba, "Elaila sumu jabani aniha jaba? Bo madai khe elai singmane thangba. ²³ Madai bo khe thipinba, "Raji magin nini hoh bising ha dong odehe subung gini nini hoh niprang degaolaima. Saoside saosithane raodaoma, bol bangdaoma ode radaoyaba gididaoyaba ni leng jama. ²⁴ Nana hajaimani bubli japhaibade boni hoha nana jonjase. ²⁵ Hajaijenyaba nanade saokhim gjao ri gainbalai. Boni bumu khe bonsi Esau dengkha. ²⁶ Boni yahon ha buphlung hajaiphaikha. Bo Esau ni yateph remhi dongba. Isaak ni nohbrajikh nana maibaha Isaak maithai jang bisathm maithai jahi dongba. ²⁷ Basathu gini naga japhaikha ode Esau hagraha daobaibaba, sikhar khlaiba blaikha, tikhabo Jakob la maigrugru, noh niprang baigoya. ²⁸ Esau gaoyaba mih khe maijibani Isaak Esau khe khasaodao tikhabo rebekala Jakob khe khasaodao. ²⁹ Jakob samlai ruba. Esau hagra niprang phaiba ode makham hukhrijaohi bol girijaoba. ³⁰ Esau Jakob khe thiba, "Samlai gjao khlaihi ruyaba khe ane khasaohi khurisang, hukhriba blaiyakha." Odebani darajangse boni bumu khe Edom dengba. ³¹ Jakob thiba, "Sgangthao ha ning hajaijenba maiphain maiginyaba khe ane rida. ³² Esau thiba, "Nai angde tiema jakha. Hajaijenba ni maiphain maiginyaba snadi dongbakho? ³³ Jakob thipinba, "Sgangthao ha smai dangda. Odejang, Esau smai danghi hajaijenba ni maiphain khe Jakob ne phainjiba. ³⁴ Jakob Esau ne hon samlai ruyaba khuriba.