¹ Sarah khrip jang rjasi maithaikhonsni thahnghi dongba. ² Eboning sarah maithai jang habsao ha dongba. Kanan rajini Hebron haphai ni Kiriath Arba ha Sarah tieba. ³ Odehe Abraham baijahi, nohbrajikh ni mangathi niprang degaolanghi Heth ni basathu khe thiba. ⁴ "Angde gibin rajinise ode daoglangbaiyabase. odebani khlaihi khasaohi nisi anthane nisi mahngkhlungyahm rima nangma, nisi mangkhlungyahm rikhase ang mahng sjampuma. ⁵ Heth ni basathu Abraham khe thiba, ⁶ Gedema jini grao khe khna. ningde jini khlaihide Madai ni raja masilaise.Ning baraha hamjaodu oraha ning mahng sjamlapudu. saosibo ning khe mahngkhlungyahm dasalam thinang niya. Ning baraha mahng sjamma nangjaodu oraha mahng sjamla. ⁷ Abraham baijahi Heth ni basathu niha ode rajirao ni sgang ha gonglaiba. ⁸ Bo elai thiba, "Ani mahngathi khe nisi sjamrima ridu tikhade, ang grao thaisi sainthinang, Zohar ni basa Ephron khe, ani khlaihi khainsuri. ⁹ Mechpelah ni hayahm ni bijingthao ha hah longkhor dongyaba khe anthane phainma sani. Mahngkhlungyahm ne khlaihi, rajirao ni sgang ha bislai jang ane phainma baodu olai jang phainmane sani. ¹⁰ Odehe Ephron, Heth ni basathu jang baosi khamphalaihi dongba, ode Hittitsa Ephron, Heth ni basa basathu ni sgang ha ode Rsajirao gthimlaiyarao ni sgang ha Ephron Abraham khe thiba. ¹¹ Niya olai niya gedema, ode ani hahyam hahyam khe ang nithane ridu. Rajirao ni sgang ha, ang ani hahyahm khe ninthane yaophaladu. mahng sjammane ang ninthane mangkhlungyahm ridu ¹² Ode Abraham, rajirao ni sgang ha gonglaiba. ¹³ Rajirao gthimlaiyarao ni sgang ha bo Ephron khe thiba, "ning ane mangkhlungyahm rima baolakhabo ani grao khe khnakho. Mangkhlungyahm ni khlaihi ang rang rima. Ani niprang ning rang lahama nangma ode oraha ang ani mahngathi khe mahng sjamnang." ¹⁴ Ephron, Abraham khe thipinba, ¹⁵ "Khasaohi ani grao khe khna gedema, Hayahm gijisani khlaihibo gjaoni rangtho jang rjapbri nangdu, tikhabo nini ani khlaihi sumu jabani nangma? Nini mahngathi khe mahng sjam." ¹⁶ Abraham Ephron ni grao kjhe khnahi, Heth ni basathu ni sgang ha khnaribalai ning, rjabri gjao ni rangtho bephar khlaiyarao subalai suhi Abraham rangtho haiklhoba. ¹⁷ Mamre sohima ni sgang ha Mechpelah ha Ephron ni hahyam ha hah hah longkhor dongyaba, ode ora bislai bongphang samphanag dongyabasi, sarebare khe jephpatharhi khrip khe ¹⁸ Heth ni basathu ni sgang ha, ode Rajirao gthimlaiyarao ni sgang ha Abraham braiba. ¹⁹ Mamre, Hebron haphai, Kanaan raji ni Mechpelah ha longkhor dongyaba ha Abraham boni nohbrajikh ni mahng sjamba. ²⁰ Odejang, Heth ni basathu ni gede niprang, hah longkhor khe mangkhlungyahm ne khlaihi Abraham ne yaophaba.