¹ Boni yahon ha Madai Abraham khe kha naiba. Madai, Abraham khe thiba, "Ang eraha dong." ² Ode Madai thiba, "Nini basa masimamangyaba, ning khasaoyaba Isaac khe lahi Moriah hahthan ha thang. ang ning khe sanibalai, bo hading ha bo khe saohi bandai ri." ³ Odehe Abraham naiju ha baijahi, mihleng jang ode boni nagarao gini khe langphahi, boni basa Isaac khebo langphaba. Saohi bandai rimani khlaihi bo, bon dainba ode Madai thangma saniyaba ha bo thangba. ⁴ Odehe sainthambaha Abraham naikhuhi gjain ha, bo hahthan khe nuhaba. ⁵ Nagarao thangphayarao khe Abraham thiba, "Melma jang baosi nisi dongphada ode ang jang nagasa oraha thangnangkho.Jing oraha bkhan khlaihi phaipinnang." ⁶ Ode Abraham, saohi Madai humane boni basa Isaac ni basao ha bon dengkha, Bo jarni yao jangning waijem jang seng khe khonkhuba ode bonsi gini jang baosi thangphalaiba. ⁷ Isaac, boni bupha Abraham khe thiba, "Ani Abai," Ode bo thipinba, "Dei thi, ani apha." Bo thiba, "Naisang eraha waibo dong bon bo dong tikhabo saohi bandai rimane Melmala girilao! ⁸ Abraham thiba, "Saohi bandai rimane Madai ning blam haikhonang, apha." Ode bonsi baosi sgangphalangkha. ⁹ Madai sainthiyaba hahtha ha bonsi sophaibaha, Abraham madai huthan salamhi, basa ni basao ha bon rungba. Odehe bo, boni basa khe khahi, Madai huthan ha bon rungyaba basao ha thuriba.. ¹⁰ Abraham jarni basa khe bandai rimane seng suguba. ¹¹ Olaibaha, Madai ni degla Halali niprang grao thiba, "Abraham Abraham." ode bo thipinba, "Ang eraha dong." ¹² Degla thiba, "Nagasa ni basaoha yao dasugu, bo khe musi dukhu dari, bede tikhade ang duha mithisokha, ning jarni basa masi mamangyaba khebo yaophasodu, ning Madai khe gibi jangning lonyabase. ^{13 14} Abraham naikhuhaba, boni yahon gede melma masi busuling ha sgaihi dongba khe nuhaba. Abraham thanghi bo melma khe labuhi basa ni basalai ha melma khe saohi bandai riba. Odejang, Abraham bo hahthan khe "Madai rinang" thihi bumu dengba, dinibo elaining thidukho, "Madai ni hading ha, boning rinang." ¹⁵ Halali niprang Madai ni degla ar alanginba Abraham khe longhi ¹⁶ ede thiba, "Eboning Madai grao riyaba - ning elai khusi dangba ni khlaihi, jarni basa masimamangyaba khebo yaophabani - ang jar smai dangladu. ¹⁷ Ang asalai tikhabo ninthane hamthai rima ode nohkhasao ni sathrailai ode dimlang ni hajenglai nini sahrikh surikh yerrima ode nini sathai suthai dusmonrao ni khorong gajephtharma. ¹⁸ Nini sahrikh sarikh surikh ni gede jahi khrip raji hamthai maima bede tikhade ning ani grao khe khnaba. ¹⁹ Odejang, Abraham, nagarao dongyaba ha phaipinhi, bonsi jang baosi Beersheba ha thangpinlahi, Beersheba ha dongphaiba. ²⁰ Milkah jang boni buphlung niha nana hajaikha," thihi boni yahon ha Abraham graojma maiba. ²¹ Boniha hajaiyarao Uz, boni buphlung Buz, Aram ni bupha Kemuel, ²² Kessed, Hazo, Pildash, Jidlaph ode Bethuel. ²³ Bethuel Rebeca ni bupha. khrip jang Milkah, Abraham ni buphlung Nahor ne ansarao jai hajairiyaba. ²⁴ Khrangphajaoyaba bihi, Reumah nihabo Tebah, Gaham, Tahash ode Makaah hajaiba.