¹ Nao Jisas ikohed itijim olgeta long Parabol.Hemi talem se,"igat wan man hemi planem wan fil blong greps,hemi pulum fanis iraonem,mo idigim wan hol blong putum ol greps blong mekem waen long hem.Mo hemi bildim wan haos blong man istp .ong hem blong gad long hem long naet. Nao hemi aot iko long wan narafala ples. ² Taem ol greps ya iredi,hemi sendem wan wokman iko blong hemi karem sam frut long yad ya. ³ Oli holem taet hem,oli kilim hem,mo sendem hem iko bak ino karem wan samting. ⁴ Nao bakegen hemi sendem wan narafala wokman iko,oli kilim hem long hed blong hem mo oli mekem hem isem nomo. ⁵ Nao isendem wan nara wokman iko,mo hemia oli kilim.Oli tritim ol narawan isemak nomo oli wipim sam mo oli kilim sam tu. ⁶ Hemi stil gat wan yet blong sendem,wan stret Son blong hem.Hemia hemi las wan we hemi sendem iko long olgeta. Nao hemi talem se,'bae oli rispektem son blong mi.' ⁷ "Be ol man blong lukaotem greps ya oli talem long olgeta wanwan se,'hemia nao stret wan.Yufala ikam,yumi kilim hem,mo bae evri samting ya bae yumi karem.' ⁸ Oli tok nogud long hem,oli kilim hem,mo oli sakem aot hem long yad blong greps ya. ⁹ From samting ya,yu ting se wanem nao bae ona blong greps ya bae hemi mekem? Bae hemi kam bae hemi spolem gud ol man ya mo bae hemi kivim yad ya long ol naraman. ¹⁰ Yufala istap ridim tok blong God o nogat? 'ston bos ya we ol man blong wokem oli bin sakem finis we hem nao inambawan ston. ¹¹ Be hemia blong hae God,we yumi luk igud tumas long ae blong yumi." ¹² Afta long ol samting ya ol lida blong ol jiu oli wantem faenem sam wei blong arrested Jisas from oli harem save se hemi stap talem stori ya iagensem olgeta.Be oli fraet long hip blong ol man.Nao oli aot long hem oli gowe. ' ¹³ Nao oli sendem sam farisi mo ol man blong Herod blong mo long Jisas blong faenem sam rabis toktok long hem. ¹⁴ Nao taem oli kam,oli talem long hem se,"tija,mifala save se yu no tingbaot wan man nomo,yu no soem se yu mekem igud long sam man nomo.Yu stap tijim tru tok blong God from we yu no tingbaot ol hae man nomo.Istret blong pem takis long sisa o nogat?Bae mifala ipem o no?" ¹⁵ Be Jisas hemi save se oli gattu fes mo italem long olgeta se,"From wanem yufala wantem testem mi?yufala ikarem wan mani ikam bae mi luk." ¹⁶ Nao oli karem wan mani ikam long Jisas.Hemi talem long olgeta se,"Pita blong huia istap long mani ya?" Nao oli ansa se,"hemi fes blong sisa." ¹⁷ Nao Jisas italem long olgeta se,"Yufala isud kivim wanem we hemi blong sisa ikobak long sisa,mo wanem we hemi blong God ikobak long God." oli sapraes tumas. ¹⁸ Nao igat sam saduci,we oli talem se inogat laef afta long ded,oli kam long hem.Oli askem hem se, ¹⁹ "Tija,Mosis iraet long mifala se,'sapos wan man ided aot long woman blong hem,we tufala ino gat wan pikinini,blong tekem bak nem blong fes man we ided finis.' ²⁰ Igat seven brata evriwan;fes bon itekem woman ya mo ided aot long hem,tufala inogat pikinini. ²¹ Nao seken bon itekem woman ya mo ided aot long hem,tufala nogat pikinini, mo namba tri bon tu istap wetem hem be nogat pikinini. ²² Mo namba seven inogat pikinini. Mo woman ya tu ided. ²³ Long taem we bae oli laef bakegen,oli girap, woman ya bae hemi blong hu?From ol seven brata ya evriwan oli bin maredem sem woman ya." ²⁴ Nao Jisas italem se,"yufala irong olgeta mo yufala ino save from wanem,from yufala ino ridim tok blong God mo yufala ino save paoa blong God? ²⁵ From sapos ol ded man ya oli laef bakegen,oli no save maret be bae oli kam olsem ol enjel long Heven. ²⁶ Be tokbaot ol ded man we bae oli laef bakegen,yufala ino ridim long but long Mosis,taem faea ilaet long wan bus,mo God itoktok long hem se'mi mi Godblong Ebraham mo mi God blong Aesak mo God blong Jecob'? ²⁷ Hemi no God blong ol ded man,be hemi God blong olgeta we oli laef. Yufala irong ya." ²⁸ Nao igat wan tija blong loa hemi stap lesin long storian blong olgeta;Hemi luk se Jisas hemi ansarem gud ol kwesten blong olgeta.Hemi askem long Jisas se,"Wanem loa blong God ihae ibitim ol nara loa mo hemi gud mo ibitim ol narafala loa?" ²⁹ Nao Jisas iansa italem se,"loa we ihae mo igud tumas hemi,'yufala lesin, Israel,Hae God hemi blong yumi we hem wan nomo ihae God. ³⁰ Yufala imas lavem God wetem ful hat blong yu,mo long olgeta laef blong yu,mo long olgeta tinktink blong yufala,mo wetemolgeta paoa blong yufala.' ³¹ Namba tu loa hemi olsem,'yu mas lavem ol narafala man we oli stap raonem yu.' Inomo gat wan mo loa ibitim tufala loa ya." ³² Nao tija blong loa italem se,"igud,tija!yu talem se God hemi wan,mo inogat wan narafala God olsem hem. ³³ Mo yumi mas lavem hem wetem fulhat mo tinktink mo wetem olgeta paoa,mo yumi mas lavem ol man ranabaot olsem we hemi gud moa ibitim ol taem we ol man istap kilim animol blong mekem bonem mo mekem wosip iko long God." ³⁴ Taem Jisas iluk se man ya ikivim ol waes ansa,nao italem long hem se,"yu kam klosap finis long God." Afta long hemia,inomo gat wan iaskem wan kwesten long Jisas bakegen. ³⁵ Taem Jisas hemi stap tij insaed long wan tempol yad,Hemi talem se,"From wanem ol tija b.ong loa oli stap talem se Kraes hemi pikinini blong Deved? Deved hem wan,Holi Spirit ikivim tok long hem, mo hemi talem se, ³⁶ 'Hae God italem long Masta blong mi se, "Yu sidaon long raet saed blong mi kasem taem mi mekem ol enemi blong yu oli kam antanit long leg blong yu."' ³⁷ Deved hem wan italem se,'Masta' olsem wanem nao bambae kraes ikam pikinini blong Deved?"plenti man oli stap lesin mo oli glad tumas long hem. ³⁸ Insaed long tijing ya Jisas italem se,"yufala imas lukaot gud long ol tija ya blong loa,olgeta oli wantem blong pulum ol long longfala klos mo long maket haos, oli wantem tumas blong ol man istap leftemap han blong hona long olgeta ³⁹ mo insaed long haos blong prea oli wantem sidaon long ol nambawan ples mo long taem blong ol lafet oli wantem blong ko sidaon long ol ples blong ol haeman. ⁴⁰ Mo oli stap rafem mo stil long ol wido, mo oli stap mekem ol long longfala prea blong ol man oli luk. ol man ya bae oli kasem ol strong mo bigfala panis." ⁴¹ Nao Jisas i sidaon klosap long wan bokis blong putum mani insaed long haos blong God mo istap lukluk ol man oli stap sakem mani iko insaed long bokis ya.Fulap ol rijman oli sakem ol bigfala mani. ⁴² Nao igat wan pua wido ikam mo iputum tu smol mani we i olsem twenti vatu olsem,insaed long bokis ya. ⁴³ Jisas hemi singaotem ol disaepol blong hem mo italem long olgeta se,"tru mi talem long yufala,pua wido ya hemi putum mo mani pitim olgeta we oli stap putum mo mani insaed long bokis ya. ⁴⁴ From ol man we oli stap putum mani ya oli stap putum haf mo oli stap holemtaet haf.Be pua wido ya,nating we hemi pua nogud,hemi putum evri mani we hemi blong pem kakai blong hem."