¹ Taem Jisas iaot long haos blong prea,wan long ol disaepol italem long hem se,"Tija,traem luk ston ya mo haos ya inaes tumas!" ² Be Jisas italem long hem se,"yu luk bigfala haos ya?Bae ikam long wan taem we ol haos ya bae oli brokbrok bae inomo gat wan ston bae istap." ³ Taem Jisas hemi sidaon long bigfala hil ya Olif narasaed long haos blong prea,Pita,Jemes,Jon mo Andru oli askem hem haed se, ⁴ "Yu traem talem long mifala se,ol samting ya bae oli hapen wetaem?mo wanem kaen saen nao bae ikamaot festaem bifo samting ya bae ihapen?" ⁵ Nao Jisas italem long olgeta se,"yufala imas lukaot nogud oli kiaman long yufala mo lidim yufala igo nogud. ⁶ Fulap bae oli kam long nem blong mi mo talem se,'Mi ya man ya,'mo bae oli lidim yufala ko rong. ⁷ Taem yu harem se bae igat faet mo bae fulap ol kiaman toktok long saed blong ol faet,yufala ino wari;evri samting ya bae oli hapen,be ino en blong wol yet. ⁸ Ol narafala kantri bae oli faet akensem ol narafala kantri,ol man blong wan ples bae oli faet agensem man blong narafala ples. Bae graon iseksek long fulap ples,mo ol man oli nogat kakai. Hemia hemi stat blong wan woman i harem nogud blong bonem bebe. ⁹ Be yufala imas lukaot gud.Bae oli tekem yufala iko long kaonsel,bae oli wipim yufala insaed long haos blong prea.Bae yufala istanap long foret blong ol haeman blong gavman mo ol kings from yufala ol man blong mi olsem wan gud nius blong talem long olgeta. ¹⁰ Be gud nius ya imas ko long evri ples raon long ful wol. ¹¹ Be taem oli tekem yufala blong ko traem yufala,yufala ino wari long wanem we bae yufala italem.From long haoa ya, wanem toktok we bae yufala italem;bae ino yufala italem,be Holi Spirit. ¹² Ol man bae oli kivim brata blong olgeta blong oli kilim ded hem,mo bae ol papa oli letem ol pikinini. Ol pikinini bae oli ko agensem ol papa mo bae oli letem oli ded. ¹³ Bae ol narafala man bae oli hedem yu from nem blong mi.Be man we istanap koko evri samting ifinis,man ya bae mi sevem hem. ¹⁴ "Be taem yufala iluk ol rabis samting we istap traem blong pulumaot tingting blong yufala long wan ples we ino stret ples blong yufala,"(man we iridim hemi mas save)"Taem yufala iluk ol samting ya letem olgeta long Judea oli ko haed long bigfala hil ya, ¹⁵ Sapos man istap antap long ruf blong haos blong hem no letem hem ikam insaed blong karem eni samting, ¹⁶ mo man we istap long garen bae ino kam blong karem klos blong hem. ¹⁷ Mo sori long ol woman we oli gat bel mo olgeta we oli stap kivim titi long pikinini yet long taem ya! ¹⁸ Yufala imas prea blong ol trabol ya bae ino kasem yufala long taem blong ren. ¹⁹ From long taem ya bae igat wan bigfala trabol ikam we i neva gat long stat blong evri samting, taem God hemi kreatem wol ya,kasem tete,bae ineva hapen bakegen. ²⁰ Nomo sapos God ino wantem shotem dei ya,bae inogat man isave kasem laef we ino save finis.Be hemi katem dei isot from hemi save sevem ol man blong hem we ijusumaot olgeta we oli man blong hem. ²¹ Spos wan man italem long yu,'yu luk,mesaea!'o 'Mesaea hemia long we!'yufala ino bilivim ol toktok blong hem. ²² From bae igat fulap oli kiaman se olgeta nao mesaea mo ol kiaman profet bae oli kam mekem fulap ol saen mo merikel blong man iluk,se God ijusumaot olgeta. ²³ Be mi stap talemaot ol samting ya long yufala!blong yufala imas lukaot gud yufala. ²⁴ Nao Jisas italemaot long olgeta se,"Taem bigfala trabol ya ifinis, San bae ikam tudak, mun bae inomo saen. ²⁵ Ol sta bae oli foldaon long skae, mo ol paoa we istap long Heven bae oli seksek.' Nao bae oli luk son blong ²⁶ man bae ikamaot long klaod wetem wan bigfala paoa mo glori. ²⁷ Nao bae hemi sendem ol enjel blong hem blong karem ol man we hemi jusumaot olgeta long ol evri ples long wol mo long heven blong kam joenem hem. ²⁸ Nao Jisas italem se yufala save lanem wan samting long laef blong wan fig tri.Stret long taem we ol branj oli stap kam bigwan bakegen mo putum aot ol lif,bae yufala save se klosap nao taem blong ol tri blong putum ol frut. ²⁹ Mo taem,yufala luk ol samting oli stap hapen,yufala save se klosap taem istap kam long en,klosap long get. ³⁰ Tru mi talem long yufala,ol man we oli stap laef naoia bae oli no save ded kasem ol samting ya bae oli komplit. ³¹ Heven mo wol bae oli lus,be tok blong mi bae nosave lus. ³² Be dei mo haoa blong samting ya inogat wan man isave,ol enjel long heven oli nosave,mi tu mi no save, be papa blong mi nomo isave. ³³ Yufala imas redi!mo yufala imas lukluk,from yufala ino save se samting ya bae ikamtru long wanem taem. ³⁴ Hemi olsem wan man we hemi ko long wan narafala ples-hemi leko haos mo iputum ol wokman blong hem blong lukaot,wanwan long olgeta igat wan wok,mo hemi talem long watjman blong hemi mas stap lukluk. ³⁵ From samting ya yufala imas stap redi from yufala ino save wanem taem bae masta blong haos bae ikam;maetbaehemi save kam long aftanun,o long midel naet,o long eli moning we faol istap singaot,o long moning. ³⁶ Be sapos hemi kamtru kwik taem,no letem hem se yufala stap slip. ³⁷ Nao tok we mi talem long yu mi talem long evriwan: blong oli mas lukluk!"