¹ Nao taem oli kamtru long Jerusalem,oli kam klosap long vilij ya Betfaga mo Betani long hil ya blong olives,nao Jisas isendem aot tufala disaepol ² mo italem long olgeta se,"yufala iko insaed long vilij ya narasaed long yumi. Taem yufala kotru insaed,bae yutufala ifaenem wan smol donki we oli neva sidaon long hem yet. karemaot rop blong hem mo karem ikam long mi. ³ Spos eni man italem eni samting long yu,'From wanem yufala istap mekem?'yufala sud talem se,'Masta hemi wantem taem hemi finis wetem baeoli sendem ikambak hariap.'" ⁴ Taem oli ko oli luk wan yang donki oli fasem aotsaed long wan doa blong haos long saed blong rod,nao oli karemaot rop blong hem. ⁵ Sam man oli stap stanap long ples ya nao oli talem long olgeta,"yufala stap mekem wanem ya,we yufala stap karemaot rop blong yang donki ya?" ⁶ Nao oli talem wanem we Jisas italem long olgeta,nao ol man yaboli letem olgeta oli ko wetem donki ya. ⁷ Oli karem ikam long Jisas mo oli sakem ol kot blong olgeta long hem,nao Jisas hemi sidaon long hem. ⁸ Fulap ol man oli sakem ol klos blong olgeta long rod,mo sam oli sakem ol branj blong ol wud we oli bin katem. ⁹ Olgeta we oli ko fastaem mo olgeta we oli stap singaot se "Hosana!Hae God yu blessed man ya we ikam long nem blong yu. Yu blessem man ya we bae ikam King. olsem King Daved! ¹⁰ Olgeta long heven oli presem nem blong yu!" ¹¹ Nao Jisas hemi kasem haos blong prea nao hemi luk raon hemi luk evri samting.Nao taem istap kam late,nao hemi aot wetem ol twelf man blong hem iko long Bedani. ¹² Nex dei oli stap ko aot long Bedani,hemi hungri. ¹³ Hemi lukluk iko long we hemi luk wan fig tri we igat ol lif,hemi wokbaot iko blong luk se hemi save faenem sam frut blong hem,taem ikasem tri ya,hemi faenem aot se inogat frut be ol lif nomo,from ino taem blong ol fig tri blong karem kakai yet. ¹⁴ Nao hemi toktok long tri ya,"nogat man. bae hemi save kakai wan frut long yu bakegen." Nao ol disaepol blong hem oli harem. ¹⁵ Nao oli kam long Jerusalem, hemi ko insaed mo istap ronemaot ol man we oli stap salem olsamting mo olgeta we oli stap kam pem ol ting. Hemi tanem ova ol tebol blong ol mani mo olgeta we oli stap jensem mani. ¹⁶ Hemi no letem wan man ikarem eni samting wetem hem blong kamaot long tempol ya blong salem. ¹⁷ Jisas itijim olgeta mo italem se,"oli no bin raetem, 'Haos blong mi hemi wanhaos blong prea blong evri man'?be yufala mekem olsem wan ples blong stil mo rafem ol man." ¹⁸ Ol jif pris wetem ol tija blong loa oli harem toktok ya we hemi talem,nao oli lukaotem wan rod blong oli mas kilim hem. From oli fraet from bigfala grup oli sapraes long ol tijing blong hem. ¹⁹ Taem aftanun ikam oli aot long taon ya. ²⁰ Taem oli pas long moning,oli luk fig tri ya idrae kasem ol rus blong hem. ²¹ Nao Pita hemi tingbaot nao hemi talem se,"Tija,yu luk!fig tri we yu kesem ya idrae fulwan." ²² Nao Jisas iansa long olgeta se,"yufala mas gat fet long God. ²³ Tru mi talem long yufala sapos wan long yufala italem long bigfala hil ya,'yu kamaot naoia mo yu muv iko long solwota,'spos hemi no ting daon be hemi bilifim long hat blong hem wanem we italem bae ihapen,hemia nao wanem we God bae hemi mekem. ²⁴ From samting ya mi talem long yu:Evri samting we yu prea from mo yu askem,yu mas bilifim bae yu ricivim,mo bae hemi blong yu. ²⁵ Taem yu stanap mo yu prea,yu mas askem God blong forgivim yu long wanem we yu mekem inogud long ol narafala man,from God bae hemi save fogivim yu long wanem we yu mekem ino stret." ^{26 27} Nao oli kambak long Jerusalem bakegen.Taem Jisas hemi xtap wokbaot long tempol,ol jif pris,ol tija blong loa,mo ol elda oli kam luk hem. ²⁸ Nao oli talem long hem se,"long paoa blong huia yu stap mekem ol samting ya,mo huia ikivim paoa ya blong yu mekem?" ²⁹ Jisas italem long olgeta se,"bae mi askem yufala long wan kwesten.Yufala italem long mi ale mi bae mi talemaot se hu nao ikivim paoa ia long mi. ³⁰ Baptaes blong Jon hemi kamaot long Heven o long man?yufala iansarem mi." ³¹ Oli stap tok raon long hem mo oli stap rao smol mo oli talem se,"spos yumi talem se,'ikam long heven,'bae hemi talem se,'be from wanem yufala ino biliflong hem?' ³² Be sapos yumi talem se,'ikam long man,'... ."bae oli fraet long ol man,from evriwan oli save se Jon hemi wan profet. ³³ Nao oli ansarem Jisas se,"mifala ino save." Nao Jisas italem long olgeta se,"Bae mi no save talem aot long yufala se hu ikivim raet long mi blong mekem ol samting ya.