¹ Ndyelelwe ukuli takisha, nangabati tafikwetepo ubukumo. Sombi nkaalu kuya mu cimonwa namu kusikololwa ukufuma muli Shikulu. ² Ndishi umuntu muli Kilisiti uwo imyaka ikumi na ine uwo neli mu mubili nangula kunse ya mubili, shishibiliepo, Lesa ewishibile-aliketwa mwiulu ilyakulenga batatu. ³ Sombi ndishi ukweba ati uyu muntu-neli ni mumubili, neli nikuse, shishipo, Lesa ewishibile- ⁴ aliketwa mu Palada ne kumfwa amashiwi ayashalipo mwifunde ku bantu ukulubila. ⁵ Kumibele ya uyo muntu ndukuitakisha sombi ku mibele yandi nebo shili kuitakishapo, sombi pa bunake bwandi. ⁶ Kani nasala ukuitakisha, shilipo umutumpile. Pakuti nduku labila ifya cine. Sombi tukuifumya kukuitakisha, pakweba ati kwibapo uwa kulanguluka pali nebo ukucila pafyabona muli nebo neli ukumfwa kuli nebo. ⁷ Ku kutaluka ku kuisumbula, umunga mu munefu walipelwe kuli ne, matuko ukufuma kumu lwani- ukuti shili wakuitakisha sana. ⁸ Imiku itatu nali papatile kuli ba Shikulu palici, ukuti bangacifumyapo pali nebo. ⁹ Sombi kabalabila kuli ne, "Ukusenemwa kwandi kulifulile pali we, pano amaka andi apangwa mu bunake. " Ico nduku itakisha pa bunake bwandi, ukuti amaka aba Kilisitu angekela muli ne. ¹⁰ Palico ndikwete fyonse pa mulandu wakwa Kilisitu mu bunake, ifyansele, mu mafya, muku pakaswa ne munshi shaku titikishiwa. Pano ndiwanaka, ili ndi wakosa. ¹¹ Njalwike icipumbu! mwalu kupatikisha kuli fi, Pano ndili ku tondwa kulimwe. Pano shali uwakufilwa kuli bo abetwa abatumwa, nengula ndiwapafye. ¹² Ifilangililo fikulu fyalikitilwe paliba mwe neku pwililika uku tekanya, ifilangililo ne fipapwa ne nfikitwa fyamaka. ¹³ Ngabati mwali kuba shani ababula incito ukucila abekelesha bonse, ukufumyakofye nebo nshalipo cisendo kuli mwe? Ngyeleleniko palici cibi. ¹⁴ Boneni! Ndi ukwapekanya ukwisa kuli mwe acamiku itatu. Shili kwisa kuba icipinto kuli mwe, pano shilukufwayapo icili cenu. ndukufwaya mwebo. Pano abana tabalingilepo ukepenga pa fyashi. Sombi, apa afyashi balu kupengela abana babo. ¹⁵ Ndulu kuba iwansansa ukuposa nekuposwa pa myeo yenu. Ngakuti ndimitemwe saana, ndilukutemwikwa panyinyi. ¹⁶ Sombi nga fifyo cili, shalikubika icipinto palimwe. Sombi pantu ndi fundilwe, nine uwaminkete ku bubi. ¹⁷ Bati nalisendele ku busuma bwanji palibo abo nalu kutuma? ¹⁸ Nali konkomesha Tito ukwisa kulimwe, eli nalitumine umwanankashi umbi naye. Bati Tito ali pintile imwe kubusuma bwakwe? Bati tatwali kwenda nshila imo ine? Bati tatwali ukwenda mu fishinte fimofine? ¹⁹ Bati mulu kutontonya ati iyi yonse mpindi tulukufwaya ukuipokolola? Ku menso aba Lesa, tulikwete muli Kilisitu tulu kulabila fyonse muku mukosha. ²⁰ Pano ndukutina bati naisa ndukumisangeni ifi nshilukufwayapo. dukutina pakuti tamunsangilepo ifi mukofwaya . Ndukutina limbi kungaba ufyafitala, akaso , ubukali ububi, ifyakwisa, akalumwa, ulwambo, ifyafikansa nefya pula mulingo. ²¹ Ndukutina bati nabwele, Lesa wandi anga cefya pali mwe. Ndukutina bati aisa limbi ninga mikalifya palibo abengi ababembukile ukufika penka abasha pulumukile kubu lalelela ne matontonkanyo yabi ayo balu kucita.