¹ Nga nalemona ukwebati muli mbikile mu bungwa. Ile lo mulu kumbikamo! ² Pakuti ndi bukwa pali webo. ubukwa bukwete ba Lesa. Ili nakulaile mu chupo ica mwalalume. Nakulaya ati ukabe na cisungu uweme kuli ba Yesu. ³ Ndi ne mwenso pantu limbi koti fintu icilwani ca tumpaikile Efa mukubifya. Amalangulushi ayobe yakulufya ukufuma muli ba Kilisitu Yesu. ⁴ Kani umbi umuntu uku labila Yesu uta shimikilwepo, kani kwali ukupokelela imipashi ipuseneko . Kani mwali pokelele imbila ipuseneko ukucila ku mbila mwapokelele. Mungafibika ifi fintu munshila iweme ukucilapo. ⁵ Ndukulanguluka ati shilipo mupenbdwa ya beilwe abatumwa. ⁶ Nangu cibe ukweba ati shasambilliapo mukulanda nali sambilila mu mano muli fyonse fintu kuli mwe. ⁷ Kani ningabifya ukulicefya pakuti mwebo mu sutulwe? Nali kakulukile ukubila imbila nsuma yaba Shikulu. ⁸ Nalisenda nayambi amakelesha ukweba ati ya ngamubombela. ⁹ Ili nali namwebo nali muku kabila shapelepo umuntu icisendo. Ukukabila kwa kumene neba bwana nyina abafumine ku Mesodonia. Muli fyonse naliifushepo ukuba icisendo kuli mwe, kabili nkatwalilila ico. ¹⁰ Bucine bwakwa KIlisiti kani buli muli nebo, ukulitota kwandi takwakatalikwepo mu cende shakwa Akaya. ¹¹ Nindo? Pakuti shimutemenwepo? Lesa ewishibe. ¹² Ifindu kucita efyo kalokucita. Pakweba ati naputula ili ppunda ili punda mu fintu ifyo batwangilamo. ¹³ Pakuti abo bantu bakulufya aba bomfi balaifunusha abene ati ba sambishi bakwa Kilisitu. ¹⁴ Kabili ici tacili cakupapa, ne satana alaifungisha kwati mu ngeli walubuto. ¹⁵ Tacilipo cakupapusha kani aba bomfi baifungisha abene ba sha ba bulungami ifilebakoka mfilya bacile nekubakoka. ¹⁶ Nalabila nakabili aikona umuntu ukubona ati ndimutumpile, Kani mwacitefyo, pokeleleni kotimutumpile, pakweba ati ndinse nditakishe apanini. ¹⁷ Ifi tululabila pali aya amataki fya cine- shilelabilapo indhila iyo ba Shikulu ba bomfya-nduku labila koti muntupile. ¹⁸ Apo abantu abengi bali kulitasha ukulola ku mubili, nande ndiku itakisha. ¹⁹ Mwebo muku sangalala mubabika pamo neba tumpile. Mwebene muli bacenjelele! ²⁰ Kabili mwebo mulabika pamo koti ba bomfi, kani bamubepa kani, bamu tangilila, kani alisutula umwine kani ba mutoba ulupi pa menso. ²¹ Kalabila ba nsoni shesuukweba ati twali ababunake pakubomba filya. Lomba uli embi akalikatisha-koti chipuba-nande kalitota. ²² Bushe Ba Hebele? Nande ni ne. Bushe bena Islaili? Nande nine. Bushe bana bakwa Abrahamu? Nande nine. ²³ Bushe basha bakwa Kilisitu? (Ndukulabila koti shikwetepo mano.) Ndicilelepo. Nebo ndikubombesha sana, ukucila neba fungwa, mu mpumo ishacisha, mukukumana ne kupakaswa kwamfwa. ²⁴ Kutula kuba Yuwishi kampokelela "amakumi ane ukufyamako cimo ifikoti. ²⁵ "Imiku itatu nalipuminwe nefikoti. Umuku umo nali lashilwe mambwe. Inshiku shitatu nali sanshilwe pacimana. ²⁶ Nalikalapo ubushiku ne kasuba pa cimana. Naliba palwendo ulwangufyanya, mukusanswa ne mumana, ukusanswa ne bakepaya, ne ukupenga nebantu bandi,ukupenga ukutula ku bena Fyalo, ukupenga mu musumba, ukupenga mu matolo, ukupenga pa cimana, ukupenga ku banankashi babufi. ²⁷ Naliba pa mulimo uwashipa ne mukukosa, munshiku ishingi ukwakubula, mu nsala ne mu cilaka, lingi lingi muku lifina, mu mpepo ne mubwamba. ²⁸ Ukubikapo palifi fyonse, kuli inshiku pa ukupenga palwa makelesha yonse. ²⁹ Uwabunake ninani, bushi nebo shinakile? Ulengelwe ukucula, bushe nebo shili kupya nefi? ³⁰ Ngakuti naitakisha, ndiku itakisha palico cilu kulanga ubuake bwandi. ³¹ Lesa ne Shifwe waba Shikulu Yesu, uyo ulu kutondwa umuyayaya, alishibile shilebepa. ³² Ku Damascasi, ba chilolo ba Mfumu Aretasi palu kulonda umusumba wa Damascus ukuti benga cikata. ³³ Sombi balu kumbika mu museke neku njikisha pe punda lya cikulwa eli nali butwike nkafuma mu minwe abo.