¹ Nebo, Paulo, ndemupapata, mubutunse na mu bwina fyalo kuli Kilisitu. Ndili wanaka ili ndili pa mulola wenu, sombi ndaba wamakosa ili ndi ukutali. ² Nduku mulomba ukwebati, ili ncili na mwebo shilu kufwayapo kubati mwebo mwikatwe imibele yakuitota. Mukubona tulu kufwaikwa ndukulanguluka ndilingile ukuba uushipile kuli mwe ababati telenda ukulosha ku mubili. ³ Nangabati tuleenda lwaku mubili, tatubushapo ubulwi koti baku mubili. ⁴ Pakuti ifilwilo tuli nafyo tafilipo fya ku mubili. Icilingile, filikwete amaka ukupitila muli Lesa kuwishya amalinga. Ifileta apafye afya fitala. ⁵ Nakabili tulonaula icili conse icimine kumano yakwa Lesa. Tulasenda onse amalangulushi ukuyasenda muku nakile Kilisitu. ⁶ Kabili tuli ukupanika fyonse ifitali fya cumfwila, bwangu lukoso ulu ichufwile cenu cafikapo. ⁷ Lolesheni ifili bwino kuntanshi yenu. Kani uli one aitunga ukuba ati ndi w akwa KIlisitu, lekeni umwine ebukishe koti fintu ali uwa kwa Kilisitu, ifi efyo nafwe tuli. ⁸ Nangabati neli kulitota pa maka yesu, ayo ba Shikulu ba tupele kuku mukula nakambi takuli ku monaula, shingomfwapo insoni. ⁹ Shulukufwayapo ukweba ati fikaboneke ati nebo ndukumitinya kuma kalata yandi. ¹⁰ Bambi balabila ati, "Ama kalata yakwe yachine kabili yali ne makosa, sombi mu kuboneka kwa mubili wakwe muli ubunake Amashiwi akwe tonfwikapo bwino ukuyakutika." ¹¹ Lekeni abo abantu bayi bambile ati ifituli mu mashiwi amu kalata ili tatwaliko ili tukaba mu milimo yesu. ¹² Tatulukayapo ukutali koti kubungana fwebene nagu ukuli palanyeni muli fwebo kuli babo abailumbanya abene. Pano ili balipima abene kuli umo ne munakwe, tabakwetepo ukubona. ¹³ Tuli, kukuba, tekuti tuli totepo ukucila apo tubelele. Icilingile, kabomba ukulingana napo tulingile ukupela ifyo Lesa asuminisha kuli fwebo, umulingo ungafika kuli mwe. ¹⁴ Tekuli kusha mubwingi bwesu ili twafika kuli mwe. KOti fintu wali kutali twaku sangile ne cebo cakwa Kilisitu. ¹⁵ Tekuli totelapo pa milimo ya bambi. Iclingile, isubilo lyesu lyakuti ichetetekelo cenu nga ca twalilila ukukula, umulimo wesu pa mwe ukukula icine cine. ¹⁶ Tulesubila, ukwebati tinga shimikila imbila nsuma mumipaka ukucila mwe. Tekuti tuli totepo pa milimo ili kubombwa mumbi mu nkende. ¹⁷ "Sombi lekeni uwo uli kuli tota, ali totele muli Shikulu." ¹⁸ Talipo ni uyo uli ku isuminisha umwine uusuminishiwe, sombi ni ba Shikulu abasumisha.