¹ Ii impindi yabucitatu ukwisa kuli mwebo. "Conse icicitwa cilapampakwa paku shininkisha kwaba kambone babili nangula batatu." ² Nebo ka ndabila kuli babo aba bifishe akale ne kuli bonse abaluko ili naile impindi ya cibili, nakabili ne bo ne labila: ili nkabwela nakambi nshikababelapo inkumbu. ³ Nduku labila kuli mwe pantu mulukufwaisha imboni ukwabati Yesu alukulabila kupula muli nebo. Yee talipo umunakile kuli mwe, sombi ye wamakosa muli mwe. ⁴ Pakuti yee alitanikilwe mu bunake , sombi ali uwa mweo ukupula mu makosa aba Lesa. Nafwe tuli banakile muli yee, sombi tuli ne kwikala nayee mumakosa yaba Lesa pakati kenu. ⁵ Muli cecente mwebene benka, kuti mulibone nga muli mu cicelekelo. Lyesheni mwebene. Tamulu kumonapo mwebene mwenka, ati Yesu ali muli mwe?-sombi kani mwafilwa ukweshiwa. ⁶ Pano ndishibe ukweba ati mwalyumfwa ati ta mulingile ukweshiwa. ⁷ Panu tulu kutembela kuli Lesa ati mukalufyanya nakabili. Nshili kutmbela ati tumoneka ati twa cimfya ukweshiwa, pano, nduku tembela ati mucite icilungeme, nangabati tuboneke kuti twafilwa ifyakweshiwa. ⁸ Pakuti teti tucitepo ifintu ifita fikwetepo bu cine, sombi ifintu ifilimo bu cine. ⁹ Fwebo tulatemwa kani tuli abanakile sombi mwebo muli aba kosele. Kabili tulu kutembela ukwebati mube abakosele abashililile. ¹⁰ Ndukulemba ifintu kuli mwe, indi kumbi ukufuma kuli mwe kweba ati ili ndinamwebo nshilingile ukubomfya amashiwi aya bukali kuli mwebo ukubomfya amakosa yandiawo ba Lesa bampele ukwebati ninga mwimakeni, akabili ukwa kubulu uku monauleni. ¹¹ Mukushilisha mwebakwasu, sangalaleni! Bombeleni pakuti bukulusha, likoselesheni, langulukeni fimo fyenka, ikaleni mu mutende. Lesa uwabutemwe nemu mutende abe namwe. ¹² Sekeleni umo ne mubiye mukulitomona. ¹³ Bonse aba swetele bakwa Lesa bamu sekela. ¹⁴ Inkumbu shakwa Yesu Kilisitu, kutemwa kwakwa Lesa, ne bwikatano bwa mu mupashi wamushilo ube namwe bonse.