¹ Epo twaliyo ukulungamikilwa kucitetekelo,twalikwata umutende kuli Lesa ukupitila muli Shikulu Yesu Kristu. ² Ukupitila muli wo emo twashukila kucitetekelo muli uku ukusenaminwa twayo ukwimininamo,elo kaili tulaitakisha mwisubilo lya ubu ubukata bwakwa Lesa. ³ Tali ici ceka,tulaitakisha namu kucucutika kwesu.Pantu twalishiba ukweba ai ukucucutika kuteletela ukushipa. ⁴ Ukushipa kuleta imicitile,elo kaili imicitile ileta isubilo, ⁵ Elo kaili isubilo talipanga umusebanya pamulandu wakweba ai icitemwiko cakwa Lesa twalipongolwela mumitima yesu ukupila mumupashi wamushilo,uwapelwe kuli fwebo. ⁶ Pantu pakashita akanono twalipo abanaka,panshita iisuma Kristu alifwilile abataishibe Lesa. ⁷ Pantu caliba icayafya umuntu ukufwila umulungami,nangula takuli umuntu uwingapama ukufwila umuntu umusuma . ⁸ Lelo Lesa alilanga icitemwiko cakwe kuli fwebo,pantu ulo twali ababembu,Kristu alitufwilile . ⁹ Nakucilisha,nomba,epo nomba twalilungamikwa kumulopa wakwe,tukayo ukupusuka kucipyu cakwa Lesa. ¹⁰ Pantu nga cakweba ai,ulo twali abalwani,twalibweshiwe kuli Lesa ukupitla mumfwa ya mwana wakwe,nakucilisha,panuma yakubwela,tukayo ukupusuka. ¹¹ Tali ico ceka,lelo sekeleleni namuli Lesa ukupitila muli Shikulu Yesu Kristu,muli uyo twapokelele umo twabweshiwe. ¹² Epo nomba,ngo kupitila mumuntu umo emo isambi lyaingilile mu caalo,muli uyu musango imfwa yaingilile mulumbu,pantu bonse balibembuka. ¹³ Pantu mpaka ne funde,ulubembu lwali mu caalo,lelo ulubembu talubako ukwabula ifunde. ¹⁴ Nangu cakweba ai,imfwa yalitekele muli adamu mpaka mose,nabobene abatabembwike ngo kukana kwata icumfwila nga adamu,uwapusene na uyo uwali nokwisa. ¹⁵ Pantu icabupe tacaba kubati fintu fyali bumpula mafunde.Pantu nangu cakuyo ukweba ai kuli bumpula mafunde kwa muntu umo kwalekufwila abantu abengi,bushe kufula shani ukwa ukwa kusenaminwa kwakwa elo kaili necabupe kukusenaminwa kwa muntu umo,Yesu Kristu,nokukaka ku fingi! ¹⁶ Pantu icabupe tacaba nge cafuma mulumbe lwa muntu umo.Ubupingushi bwakonkele bampula mafunde elo kaili nokuleta insoni,lelo icabupe cakonkele bampula mafunde abengielo kaili nokuleta ukusangululwa. ¹⁷ Pantu nga cakuyo ukweba ai,kuli bumpula mafunde kwa muntu umo,imfwa itungululwa ukupitila muli uyo wine, ¹⁸ Eico kaili,ulo umo ayo kupula mwifunde kuletelelea ukusekwa ku bantu bonse,eifyo fiine ukupitila mubulungami bwa muntu umo kwaishile ukusangululwa elo kaili no mweo ku bantu bonse. ¹⁹ Pantu ukupitila mukushumfwa kwa muntu umo abengi basangwike ababembu,nangula nififine ukupitila mucumfwila ca muntu umo abengi bali abalungami. ²⁰ Lelo ifunde lyaishile ukufusha bumpula mafunde.Lelo uko ifunde lyakakwa,ukusenaminwa kula kakwa nako ukucilamo. ²¹ Ici cacitike pa kweba ai,nga ababembu batungululwe kumfwa,nefyo fiine efyo nokusenaminwa kwakuyo uku tungulula ku bulungami ku mweo wamuyayaya ukupitila muli shikulu Yesu Kristu.