¹ Bushe tukotilapo shani?Tubelele mwisambi pakuti uluse lwikalilile? ² Awe nakalya , Fwebo fwebafwile kwisambi,kuti twabelelelamo shani? ³ Bushe tamwaishiba ukweba ai abengi ababatishiwe muli Yesu kristu babatishiwe mumfwa yakwe? ⁴ Twalishikilwe,elo nomba,nankwe mulubatisho ukupitila mumfwa yakwe.Ici calicitike ai filya Yesu ashukukile kumfwa mubukata bwakwa wishi ukuleka fwebo twende mu mweo upya. ⁵ Ngacakweba ai twalyampene nankwe mukufwa kwakwe ,tukesa kwampana nankwe namukubuka kwakwe. ⁶ Twalishibe ifi,abakalamba wesu umo alitanikwe nankwe pakweba ai umubili wesambi onaulwe.Ifi fyalicitike ai twiba abasha kwisambi. ⁷ Uyo onse uwamfwile apampamikwe ukuba uwakulungama elo nobucindami kwisambi. ⁸ Nomba ngatwalifwile na Yesu,twalisumina ukweba ai tukesa kwikala nankwe. ⁹ Twalishiba ukweba ai apo Yesu alibukile kumfwa,tekuti afwe nakabili;imfwa taikwete amaka pali ena. ¹⁰ Umwalola imfwa yakwe alifwile kwi sambi,alifwilefe umuku umofe.Nakuba,imikalile aikala,aikala pali Lesa. ¹¹ Munshila imo ine,namwebo muleimona nga abafwa kwisambi ,nomba aba mweo kuli Lesa muli Yesu kristu. ¹² Eico mwileka isambi litungulule muli mwebo ukuti mukonkelele ulunkumbwa. ¹³ Mwilatwala ifipande fya mubili wenu kwisambi ukuba icibombelo cabashalungama.Lelo muleipela kuli Lesa nga abo abafumine kumfwa nokuya ku mweo,lelo mulepela ifilundwa fya mubili wenu kuli Lesa nge fibombelo fyabulungami. ¹⁴ Mwilakuleka isambi lilemitungulula pali mwebo.Pantu tamuli bamumafunde, muli bena kusenaminwa. ¹⁵ Finshi nomba?Bushe tukobembuka pantu tatuli mwifunde,lelo mukusenaminwa?Iyo nakalya. ¹⁶ Tamwaishiba ukweba ai ngamwaipela mwebene ukuba abasha,muli basha kuo mumfwila?Muli basha nakwisambi ilitungulula kumfwa,nangula umusha kucumfwila,icitungulula kubu lungami. ¹⁷ Lelo kuba ukutasha kuli Lesa! ico mwali abasha besambi ,lelo mwalikonkele mumitima yenu amasambilisho mwapelwe. ¹⁸ Mwalengwa abantungwa ukufuma kwi sambi,nomba mwaba abasha kubulungami. ¹⁹ Nkososa ngo muntu pamulandu nobunake bwa mibili yenu.Pantu ulo mwapele ifilundwa fya mibiliyenu ukuba ubusha kufi shasangululwa elo nakukonaula ifunde,icalola mukulufyanya ukwingi, munshila imo ine,nomba peleni ifilundwa fya mubili wenu ubusha kubulungami mukusanguluka. ²⁰ Pantu ulo mwali abasha besambi,mwali abantungwa kubulungami. ²¹ Pali ilyanshita, fisabonshi wali nafyo ifyo ukwatile insoni pali nomba?Pantu ififuma muli ifyo fintu nimfwa. ²² Lelo nomba pantu mwaba abantungwa ukufuma kwisambi mwaba abasha bakwa Lesa,mulikwete icitwalo cakusanguluka.Icifumamo umweo wamuyayaya. ²³ Pantu ivcilambu cesambi nimfwa,lelo icabupe camupashi mweo wamuyayaya muli shikulu Yesu kristu.