¹ Nga kanshi kuti twasosa shani ukuti Abrahamu, icikolwe cesu kumubili , aliiko? ² Nga Abrahamu alungamikilwe mulimo nga alikwete ukuyumfwa nembo tekuti ayumfwe kuli Lesa ³ Bushe amalembo yasosa shani ? Abrahamu acetekele Lesa elo camokele kubunga mi bwakwe.'' ⁴ Noyo uubomba nobusumboshi bwakwe tabupendwa ngo bupe lelo ngefyakwefe. ⁵ Nomba umuntu uushibomba asuminafe muli lesa uulenga ababi ukuba abakaele, uyu muntu wena icisumino cakwe calenga lesa ukumupenda uwakaele pacinso cakwe. ⁶ Nakabili Davedi alondolola pakushuka kwa muntu uwakaele ukwabula imilimo. ⁷ Asosele,'' balishuka abo ebo Lesa abelela uluse pafyo balufyanya abo Lesa aseshapo ifyakubifya fyabo. ⁸ Alishuka umuntu uo Lesa ashibukisha ifyakubifya kwakwe. ⁹ Bushe ili ishuko Davedi alikusosa lya abofye abena kusembulwa nangu abashili bena kusembululwa? pantu tusosa,'' nipacicetekelo cakwa Abrahamu Lesa amu mwenene umulungami. ¹⁰ Bushe caliko lisa? Bushe nilyo talasembululwa nangu nipanuma yakusembululwa? Tepanuma yakusembululwa nomba ilyo ta lasembululwa. ¹¹ Kanshi Abrahamu ukusembululwa kwakwe cali cishibilo cakushinikisha ubulungami bwakwe akwete muli Lesa elo talati kusembululwa kanshi efyo Abrahamu aba icikolwe bacantu bonse abacetekela Lesa nelyo tabasembululwa ukuti Lesa nao abamone abakaele nelyo tabasembululwa. ¹² Kanshi efyo Abrahamu icikolwe ca bantu avasembululwa elo tepamulandufe wakusembululwa lelo abendela mucisumino ico icikolwe cesu Abrahamu akwete libe talasembululwa. ¹³ Lesa alaile Abrahamu nobufyashi bwakwe ukubapeela isonde ubulayo tabwafumine kuma funde lelo nimucitetekelo. ¹⁴ Nga Lesa alaile icalo kuli abo abasunga amafunde yakwa Mopse, ici cetekelo tekuti cikwate ubupilibulo nishi nobulayo nabo bwafye. ¹⁵ Pantu ifinde lilata ubukali pantu uko uku shili ifunde takuba bamkuba bampula mafunde. ¹⁶ Eico kanshi nipamulandu wacicetekelo, Lesa alaile ubulayo kuli Abrahamu epakuti kube ukushinikisha ukuti ubulayo bupefye bwakwa lesa kubu fyashi bonse ubwakwa Abrahamu elo tekubena mafunde nomba nakuli abo bonse abakwata icicetekelo nga Abrahamu. eci kolwe cesu bonse. ¹⁷ Ngefyofe culembwa,'' nakusosnta ukuba icikolwe camitundu iingi,'' kanshi mumenso yakwa Lesa uo Abrahamu asumineo uyo uupela ubumi ku bakufwa eweba ifishaliko ukubapo. ¹⁸ Abrahamu ena nangu takwete ifyo acetekelemo atwalililefe ukucetekela, ukuti engaba wishi wa mitundu lingi ngefyo calembelwe ,'' ififine efikaba nobufyashi bobe.'' ¹⁹ kabili tanakile mukucetekela, tatontokenye pa myaka akwete(pantu akwete imyaka mupepi na umwanda umo) elo sara nao alikotele icaj=kuti tekuti afyale umwana. ²⁰ Lelo pamulandu wabulayo bwakwa Lesa Abrahmu talufishe icicetekelo mubulayo Lesa amulaile elo icitekelo cakwe calekoselesha alelumbanya na Lesa. ²¹ Alishinikishe saana ukuti Lesa likwata amaka aya kucita conse eco alaya. ²² icicetekelo cakwe ecalengele ukuti Lesa amone Abrahamu umulungami mumenso yakwe.'' ²³ Awe amashiwi yakuti ,'' Lesa amumwene ukuba awakaele mumenso yakwe. awe tayalembelwe kuli Abrahamu ekefe awe. ²⁴ Yelembelwe nakuli fwe bobene, fwebalipo fweba cetekela muli uyo uwabushushe Yesu kubafwa. ²⁵ Uwafwilile pamulandu wakubifya kwesu elo nokubushiwa pakuti tulungamikwe.