¹ Elo bushe busumanshi aba yuda bakuya ukukwata?Elo bukumunshi ubwa kusembululwa? ² Cintu icikankala munshila shonse.Pakubala,aba yuda basubile mubusokololo bwalekufuma kuli Lesa. ³ Nangu cali ukweba ai aba yuda tabali necitetekelo ?Ukukana tetekela kwabo kuti kwa alula bu cishinka bwakwa Lesa? ⁴ Tacakaye kiba ifyo,lelo,lekeni Lesa asangwe uwa cishinka,nangula cingaba cakuti umuntu onse wabufi .Ngefyo calembwa ai ,''ukweba ai ulalanga ubulungami mumashiwi yobe,elo ukweba ai ulaisokolola mubupingushi.'' ⁵ Lelo ukulufyanya kwesu kulanga ubulungami bwakwa Lesa,kuti twasosa shani?kuti twaeba ati Lesa temulungami pakuleta ubukali pali fwebo?(Nkobomfya ukupinkana kwabuntunse.) ⁶ Ciiya ukubefyo! Nomba lelo kuti Lesa apingula shani icaalo? ⁷ Lelo ukupitila mu bufi bwandi icishinka cakwa Lesa cikoyo ukulundululaubukata bwakwe,nindo ncili nkopingwilwa ngo mubembu? ⁸ Nindo ntakososelwa,nangu line bambi batupontela pafyo tukososa,''Natucite ububi, pakweba ai icisuma ciisemo''? Cabalingafye ukukandwa. ⁹ Ninshi nomba? Tokoyelela fwebene?Telyonse.pantu twalibepeshiwa bonse kuba yuda elo nabena fyalo,bonse pamo,pakuba munshi yalubembu. ¹⁰ Ifi efyo cayo kulembwa:''Takwaba nangu umo uwakulungama,nangu umo; ¹¹ takwaba nangu umo uwailuka;takwaba nangu umo uufwaya Lesa. ¹² Bonse balyaluka;bonse basangukafye abawelewele.Takwaba nangu umo uucita icisuma,awe,nangulafye umo.'' ¹³ ''Imikolomino shabo shalisuka ngomushitu.Indimi shabo shalibepekwa.Suumu yansoka yaba patunwa twabo twabo.'' ¹⁴ Utunwa twabo twaisulapo amatiipo elo nobukali.'' ¹⁵ ''Amakasa yabo yayangukililwa kukuyo ukusumwa umulopa. ¹⁶ Ifyakucilinganya elo nokucucutika kaba munshila shabo. ¹⁷ Aba bantu tabaishiba inshila ya mutende.'' ¹⁸ Tabakwata akatiina mumenso yakwa Lesa.'' ¹⁹ Nomba twalishiba ukweba ai conse ico ifunde lyasosa,lilanda kuli uyo uwaba munshi yefunde,pakweba ai utunwa tonse twingesalika,elo ne caalo conse calekucitikila ukupendelwa kuli Lesa. ²⁰ Pantu takwaba nangu umo uwasangululwa kwi funde ku cinso cakwe,pantu ukupitila mwifunde twaishile kukwata ukwiluka kwa lubembu. ²¹ Lelo nomba fumeni kuma funde pantu ubulungami bwakwa Lesa bwalisokoloka,uko ifunde elo naba kasesema bakabela bunte- ²² ubulungami bwakwa Lesa ukupitila mucitetekelo muli Yesu kristu kuli abo bonse abasumina.Pantu tapali bupusano, ²³ pantu bonse twalibembuka elo kabili twalipelebelwa kubuka bwakwa Lesa, ²⁴ elo balilungamikwa apalutu ku kukusenaminwa ukupitila mukupuputulwa muli Yesu Kristu. ²⁵ Pantu Lesa alipela Yesu Kristu nge lambo ukupitila mucitetekelo mumulopa wakwe .Apele Yesu nge cishinino camulinganya cakwe,pamulandu wakufuta imembu shafuko ²⁶ mumutembo wakwe.Ici cali cakulanga ubulungami bwakwe pakashita kalya kene,pakweba ai asanguluke elo noku sangulula uyo onse uwatetekela muli Yesu. ²⁷ Nomba ukuitakisha kuli kwisa ?Nakufumishiwako.Ukupitila mumusango we funde nshi?wa milimo? Awe,lelo ukupitila mwifunde lyacitetekelo. ²⁸ Twalisondolwele nokweba ai umuntu alungamikilwa kucitetekelo ukwabula imilimo ukupitila muma funde. ²⁹ Nangu Lesa ni Lesafye waba yuda ekafye?Tali ni Lesa wabena fyalo?ee,nabena fyalo bene. ³⁰ Nga cakweba ai,icine cine,Lesa aba umompo akaya ukulungamika abasembululwa kucitetekelo,elo nabasembululwa ukupitila mucitetekelo. ³¹ Kuti nakabili twafumyapo ifunde ukupitila mucitetekelo?ciya kuba ifyo, icakuti,twaimya ifunde.