¹ Kabili ulo kwapitile akashita akanono Yesu alitampile ukwendauka ku misumba yapusana ne mishji ukushimikila elo na kabili imbila ya bufumu bwa kwa Lesa. Na bekumi na babili balife nankwe, ² na banakshji abaposhiwe ku mipashi ya kukoiwela na ku malwele: Maria uwalekwitwa Magadalena, uwo ingulu cine lubali shafuminemo; ³ Yona mu ka Kusa, uwale kwangalile ing'anda yakwa, Herode; Susana; na bamfife, abo balekubombelafe kufyo bakwete. ⁴ Elo nomba cikupiti mukalamba alilongene, na bantu baleisa kuli ena ukufuma ku misumba iya pusana pusana, alibebele imilumbe: ⁵ ''Umulimi alekutanda imbutyo shakwe, ulo alekutanda, shimo shaponene mu nshila nasho shalinyantawilwe, ne fyoni fya mulwelele fyalishiminawile. ⁶ Shimbi shaponene pa mabwe, nolo fyakulile, fyalifimbile, pantu tafyakwete umume. ⁷ Shimbi shaponene mu myunga , nelo imyunga yakulile pamo ne mbuto ne myunga yalishitabilile. ⁸ Lelo shimbi shaponene mu mushili wabune no kutwale fisabo ifya fulile imiku ukufika umwanda umo ukucilapo.'' Panuma Yesu alandile fi fintu8 alibilikishe ai, ''Uuli na matwi yakumfwa, kaomfwe.'' ⁹ Abasambi bakwe balimwipwishe fyo mulumbe walekupilibula. ¹⁰ Asosele ai, ''ikwishiba ifyakama ifya bufumu bwakwa fyalipelwa kuli mwebo, lelo kuli bambi nkolanda mu milumbe, pakuti bakamona nomba tabakamone , no ku kutika lelo ukwabula ukumfwa. ¹¹ Lelo ifi efyo umulumbe ukopilibula: imbuto cebo ca kwa Lesa. ¹² Ishali munshila nyabo abomfwa, lelo Satana aisa nsenda icebo mu mitima yabo pakweba kuti besumina no kupusuka. ¹³ Isha ponene pa mabwe nyabo abo, ulo baumfwa icebo, bapokelela ne nsansa. Lelo tabakwete nshitililo; balacetekelafe pa kashita akanono, ne nshiuta ya kweshiwa balawa. ¹⁴ Isha ponene pa myunga bantu abomfwa icebo, nombelofe mubwikashi bwabo, balasakamikwa ne fyuma elo ne fya muli buno ubwikashi, ne fitwalo fyabo tafikula. ¹⁵ Lelo imbuto shaponene mu mu shili wabune, nyabo abomfwa icebo ne mitima ya cishinka no bune, balacibaka no kuteka ifisabo no mutekatima. ¹⁶ ''Takwabo uwasha ilampi no kufimbapo ikupiko nangu ukubika mwi fungu. Nakucilisha , abila pa mulu wa cakutekapo pakweba kuti bonse baleingila balekumono ulubuto. ¹⁷ Pantu takwabe cafisama icitakasokoloke, nangula inkama iyi takeshibikwe no kwisa kulubuto. ¹⁸ Kanshi umfwikisheni, pantu kuli umo uwakwata akalundilwapo na fimbi, lelo uutakwata, nefyo atontonkanyo ai,. alaikwata bakamupokolola.'' ¹⁹ Elo ba munyina na ba ndume balishile kuli ena, lelo balifililwe ukupalama kuli ena pa mulandu wa cikumpinti wa bantu. ²⁰ Baile ku mweba ai, ''ba noko naba ndume yobe bemininefye panse, bakokufwaya kukumona.'' ²¹ Lelo Yesu ayaswike no kubeba ai, ''mayo na ndume nyabo abaleumfwa icebo no kucicicta.'' ²² Nomba bushiku bumo aile ikila mu bwange na ba sambi bakwe , elo asosele kuli bena ai, ''Na tukoya ku bushilya bwa mumana.'' Elo ba fumine ku mulundu. ²³ Elo balekuya pa munana alisendemeko. Icipupu camwela calimine pali bemba, no bwange bwaliswilemo amenshi, nabo balio mubwafya. ²⁴ Na basambi ba kwa Yesu baileko uko ali nokumubusha mutulo, balekusosa ai, ''Shikulu! Shikulu! Tukofwa ku cimwela ici! Alibukile no kukalipile icipupu ca mwela, ne cimwe calitalele, elo no lushi lwawa pali bemba. ²⁵ Elo asosele kuli bena ai, ''nge cicetekelo cenu cili kwisa?'' Lelo bena balyumfwile umwenso no kusunguka apakulu, elo elo balekwipushanya, '' Bushe nani uyu, uo umwela ma menshi fikoumfwila?" ²⁶ Batatapyukile ku lulamba lwa ku Gerasa, iyalukatana na ku Galili. ²⁷ Ulo Yesu acilukile ku mulundu alisangileko umuntu umo uwa mu musumba uwa kwete imipashi iya fiwa. Pantu talekufwala ififwalo pa nshita iitali elo talekulala mu ng'anda lelo alekwikalafye mu mushitu. ²⁹ Ulo amwene Yesu alibilikishe no kuwila panshi elo asosele ne shiwi ilikulu ai, ''Cindo mukocita kuli fwebo, Yesu, we mwana wakwa Lesa wapulamo? Nkokupapata wingonaula.'' ²⁸ Pantu Yesu alikalipile umupashi wa kukowela ukufuma muli ena. Pantu nshita ntali walekumucusha, nangu nolo alikakilwe ku minyololo ne koli eko alekusungilwa, alekuputaula iminyololo elo elekululunkanishiwa ne ngulu ukumulosha mu matololo. ³⁰ Elo Yesu amwipwishe ai, ''Niwe nani?'' Alyasukile ai, ''Itulwe,'' pantu mwalingile ifimipashi ifingi. ³¹ Imipashi yakonkenyepofe ukulapapata ai iye ikengilefye mu nkumba. ³² Nomba umukuni uukalamba uwa nkumba walekulila ku lya kwine ku mutentemuko wa lupili. Ne mipashi yali mupapete ai ikengile mu nkumba, elo ailekele ayaile ingilamo. ³³ Kanshi imipashi ya fibanda ya fibanda ya lifumine yaile nokuya kwingila munkumba, no mukuni onse waile kukunkulukila mu mu konko wa bemba nokuya loba. ³⁴ Ulo abalikucema inkumba ba mwene ica citike, balibutukile no kuya kulanda fyonse mu musumba ne ncende ya shingulukile icalo. ³⁵ Kanshi na banatu balileko nokuya kumona icacitike kulya, balishile kuli Yesu elo basangile uo imipashi ya fibanda yalimo ninshi alipolele. Alikele pankasa sha kwa Yesu, ilifwile ninshi na mano yalibwelele; Elo baumfwile umwenso. ³⁶ Kanhi abo abamweneko babebeleko ifyo aposhiwe ku fimipashi fya ciwa. ³⁷ Elo abantu bonse abali ku mpanga ya Gerasa ba mulombele ai afumeko kuli bena, pantu balikwete umwenso uukalamba pafyo acitile. kanshi aile kwingila mu bwange no ku bwelelamo ³⁸ Umuntu wakwete imipashi ya fiwa apapete ai akonke aye nabo, lelo Yesu alimuleke aye, asosele ai, ³⁹ ''Bwekela mu mushi obe ulekuya sosa fyonse ifyo Lesa akucitila.'' Ulya mwaume alile ku munshi nokuya ku sosa fyonse fe ifyo Lesa amucitile. ⁴⁰ Nomba ulo Yesu abwekele, cikupiti walekumusekelela, pantu balekumulolela. ⁴¹ Moneni, umuntu we shina lya Jailo, umo mubakulu ba mwi Sunagigi alishile kuwa pa nkadsa sha kwa Yesu, Elo nokumupapatila ukuya ku ng'anda kwakwe ⁴² pa mulandu wa mwana mwanakashi uwali ne myaka ikumi limo naibili, alifwile. Ulo Yesu alekuya kulya, ibumpa likalamba lya limushingulwike. ⁴³ Nomba umwanakashi uwapilulwile imyaka ikumi limo na ibili ku bulwele bwa mu kunko uyo ba fililwe ukundapa kuli bonse. ⁴⁴ Alikonkele Yesu panuma elo akumishe ku lusenkebele lyakwe, nolo lwine fe umulopa walilekele ukufuma. ⁴⁵ Yesu asosele ai, ''Nani uwankumya?" Ulo bonse bakene Petelo asosele ai, ''Shikulu, cinkupiti wa bantu alimishingulukile elo bakomititikisha.'' ⁴⁶ Lelo Yesu asosele ai, ''Umuntu umo alinkumishe, pantu ningishiba ukuti amaka yamo yalifuminemo muli nebo.'' ⁴⁷ Ulo umwanakashi amwene ai, tafiseme alishile akokanka no kuwa panshi kuli ena. Pa menso alilondolwele umulandu amukumisha nbefyo aundapwa mu kampampa. ⁴⁸ Elo asosele kuli ena, ''We mwana mwanakashi, icicetekelo ukwete cilikuposeshe.Wende umutende. ⁴⁹ Ulo fe alekusosa, umo alishile ukufuma mu ng'anda ntungulushi ye Sunagoga, asosele ai, ''Umwana obe alifwile wila kucushafe kafundisha.'' ⁵⁰ Lelo ulo Yesu aumfwile ifi alyaswike ai, Jailo wiba na mwenso; suminafye, nao akopola.'' ⁵¹ Ulo aishile ku ng'anda, ta suminishepo nangu umo ukwingila, kamofye Petelo , na Yoani, Yakobo, elo na wishi wa ulya mwana elo na nyina. ⁵² Niomba bonse blekulosha elo niokuwelesha imisowa, lelo asosele ai; mwilakuloshatafwile lelo alelefe utulo.'' ⁵³ Lelo balekumuseka pantu balishibile ukuti alifwile. ⁵⁴ Lelo alimwikete ku kuboko elo amukutile ai, ''We mwana, shi buka!'' ⁵⁵ Umushi wakwe walibwelelemo muli ena, elo abukile apopene. Elibebele ai, mu peleniko ifilyo alye. ⁵⁶ Aba fyashi bakwe balipapukile, lelo alibakonkomeshe ukukana ebako nangu umo ifya citikile.