¹ Lulya Yesu apwisha ukweba abantu fyonse ,awe aingile mu Kapenaumu. ² Kanshi umukalamba wabashilika umanda umo alikwete umusha umo uyo atemenwe saana.Uyu mubomfi aalilwele saana,alife mupepi nokufwa . ³ Ulo umukalamba wafita aumfwile ulwa pali Yesu ,atumineko abakalamba bamu baYuda ukwita Yesu ai engaya nokundapa umulwele umusha wakwe. ⁴ Ulo baishile kuli Yesu bamupapatile saana ai, "Uyu muntu cawamafe umwafwilishe . ⁵ Pantu alitemwa umutundu wesu,kaili ewatukulila na sunagoge." ⁷ Uyu emulandu wine uulelenga mfilwe uku ishila nemwine .Nomba sosafye ishiwi ,nomubomfi wandi alapola. ⁸ Pantu nalikwata abakalamba abanteeka,elo nanebo nalikwata abashilika ebo inteeka .Nganasosa ai,"kabiye;nao aya.Nomba nasosa kuli umbi ai,'Isa ,'nao aisa. ⁹ Yesu ai omfwe ifi,apapa.Elo apilibukila kwibumba ililemukonka,alyeba ai,"Ndemyeba nshatala monapo uwacitetekelo camusango uyu nangufe nimu israeli. ¹⁰ Ulo abo atumine babwekelemo ku ng'anda awe basanga umusha napola alife bwino. ¹¹ Papitafe akashita ,Yesu aimine aile kumusumba wa Naini,ninshi alinabasole bakwe nebumba ilikulu. ¹² Lulya apalama kumpongolo yamusumba ,akumanya abantu baletumya umuntu uwafwa.Uyu umulumendo alfe umo mpo.Elo nyina nao nimukamfwilwa .Elo nebumba ilikalamba ilya bantu aba mumusumba bali nankwe. ¹³ Lulya Yesu amona mukamfwil aaumfwa uluse .Amweba ai,"Leka ukulila." ¹⁴ Elo apalama aikata nakubasambi ,nabamupingile baiminina .Elo asosa ai,,"Wemulumendo nakweba ai buuka!" ¹⁵ Awe nomuntu uwafwile aima aikala,atampa nokulanda.Elo Yesu amubuula amupela nakuli banyina. ¹⁶ Awe bonse baikatwa no mwenso ,balalumbanya na Lesa.Balasosa ai,"Kasesema mukalamba namonekela pakati kesu !Lesa naisa pempula abana bakwe !" ¹⁷ Awe ululumbi lwakwa Yesu lwasabankenefye mpaanga yonse mufyalo fyonse ifyamumbali. ¹⁸ Awe abasambi bakwa Yoane kabatisha baile mushimikila fyonse ifi. ¹⁹ Elo yoane aitapo bamo abasole bakwe babili ,abatuma nakuli Yesu ai,"Bushe niwe uli nokwisa ,nangu tuli nokulolela umbi?" ²⁰ Abasole bakwa yoane ulo bafikile kuli Yesu basosa ai,"Yoane kabatisha natutuma kuli webo,ati mwipusheni ai ,'Bushe niwebo uli nokwisa ,nangu tulelolela umbi?" ²¹ Kanshi panshita ine iyi Yesu a[osha abantu abengi abalwele nabalecushiwa namalwele nemipashi yakowela ,aposha nabapofula abengi. ²² Ulo Yesu ayasuka abo atumine Yoane,muye mweba fyonse efyo mumwene nefyo mukoumfwa .Ala impofu shikomona ,ifilema fiko enda ,abafibashi bakopola abakoma amatwi bakoumfwa ,abafwa bakobuka ,nabalanda balebabilila icebo. ²³ Kaili alishuka umuntu uushitwishika pali nebo ." ²⁴ Lulya abo Yoane atumine babwekelamo ,Yesu alasosa kumabumba pali Yoane ai ,''Bushe ninshi mwaile mona mumatololo?Bushe litete ilipungaila kumwela. ²⁵ Kanshi cindo mwaile kukumona?Awe iyoo,abafwaya insalu shabusaka nokuipakisha bekala kwisano. ²⁶ Nga ksnhi ico mwaile mona cindo ? Bushe nikasesema ?Ee,lwena ndemweba Yoane alicila napali kasesema. ²⁷ Uyu euy calembwa ai,"Inkatuma intumi kukutangilila webo,uwakukupekanshisha inshila. ²⁸ Ndemweba ai,pabana babantu ,tapaba uwacila Yoane .Lelol uwacepeshapo mu bufumu bwakwa Lesa ,ena alicilapo pali Yoane." ²⁹ Abantu bonse nangufe niba kasonkesha ,ulo baumfwile amashiwi Yesu asosele,basumine ukuti efyo Lesa afwaya cishinka. ³⁰ Lelo abafalise naba kafundisha bamafunde pakukana ukubatishiwa kuli Yoane bena basulile ifyo Lesa alekufwaya ukubacitila. ³¹ Nakaili Yesu alundapo nokuti ,"Abantu baino nkulo ,bushe kuti nabapalanya kuli cinshi?Bushe bapala banani? ³² Baba ngabaice abekele mulubansa lwa cisankano,balebilikishanya nabanabo baleti,'Natumilishishe bamutolilo,elo mwilakucinda!Natwimbe ulwimbo lwa malilo ,elo mwilosha !' ³³ Pantu Yoane atile aisa,talikulya filyo iyo,talikunwa umwangashi ,mwebo amuti,'Abanomupashi wakowela.' ³⁴ Ulo paisa umwana wamuntu ,wena alalya nokunwa ,lyena mwalasosa ai,moneni,uyu muntu mulili,nicakolwa,kaili cibusa wabakasonkesha wamisonko nababembu!" ³⁵ Nomba aficitwa fyamumano yakwa Lesa filashinina ai yacina. ³⁶ Elo mufalise umo aitile Yesu mukulya nankwe. Awe Yesu aile aingila mu ng'anda ya mufalise, aikala pakulya. ³⁷ Kanshi mumusumba mwali umwanakashi uwamibele iibi. Lulya aumfwa ai Yesu alipakulya mu ng'anda ya mufalise, aisa nasenda ibtotolo umwali amafuta aya cena cisuma. ³⁸ Awe aisa iminina lwakunuma ku makasa yakwa Yesu, akolila ulo akolila, ifilamba fyalekuponena pamakasa yakwa Yesu. Elo alakumuna ifilamba ku mishishi yakwe, alatomona pamakasa yakwa Yesu. Apongolwelapo namafuta ya cena cisuma alamusuba. ³⁹ Umufalise uwaicile Yesu lulya amona ifi, alatontonkanya ai, "Uyu muntu abanikasesema, nga naishiba ifyaba uyu mwanakashi akomukumuna, nganaishiba ai wamisango ibi uu akomukumuna." ⁴⁰ Yesu ena pakumwasuka amweba ai, "Simoni, nikwatapo ifyakukweba." Simoni nao, "Njebeni mwekafundisha!" ⁴¹ Yesu ai, "Kwaliko umuntu umo uwali nabantu babili abamukongwele indalama. Umo amukongwele imyanda isano elo umbi nao amakumi yasano. ⁴² Nomba ulo bafilwa ukubwesha, ababele uluse bonse babili. Nomba pali aba babili, bushe ninani engamutemwisha saana?" ⁴³ Simoni ayasuka ai, "Ine ndemona ni uyo abele uluse pankongole ishingi ." Yesu amwasuka ai, "walungika." ⁴⁵ Webo taumposheshe muku ntumona, nomba ena apo ningilile mumobe talekele ukuntomona amakasa yandi. ⁴⁶ Webo taunsubile amafuta kumutwe wandi, nomba ena nasuba amakasa namafuta ayanukila icena cisuma. ⁴⁷ Eico ikokweba ai, pantu natemwisha, calanga ai nabelelwa uluse kukubifya kwakwe ukwingi. Nomba uwabelelwa uluse pa finono, nokutemwa kwakwe kunono." ⁴⁸ Elo Yesu aeba umwanakashi ai, "wabelelwa uluse kuku bifya kobe." ⁴⁹ Elo abantu aikele nabo pakulya, balalanshanya ai, "Muntu nshi uyu uwakubelelela abantu uluse kuku bifya kwabo?" ⁵⁰ Elo Yesu aeba umwanakashi ai, "Kabiye umutende, icicetekelo cobe cakupususha,"