¹ Elo ibumba lyonse lyaima nokutwala Yesu kwa pilato. ² Balyambile ukumufyengelesha ,bakososa ai,"Twasangile uyu muntu akobepa icaalo cesu,ukukanya ukupela imisonko kuli kaisare,nokusosa ai ena umwine ni kristu imfumu." ³ Pilato alimwipwishe ai ,"Bushe uli mfumu ya Yudeya ?Yesu asosa ai ,"Ulisosele." ⁴ Pilato ayeba bashimapepo aeba bashimapepo mukalamba necintu bwingi,nshimyenemo umulandu muli uyu muntu." ⁵ Lelo bapatikishe ,nokusosa ai ,asonganya abantu,afunda mu Yudeya monse ,ukutampila ku Galile ukufika na kuno." ⁶ Ulo pilato aumfwile ifyo,aipwishe nga cakuti uyu muntu mwina Galile. ⁷ Ulo asambilile ukuti aba mumaka ykwa Herodi,atumine Yesu kuli Herodi,uyo wine kaili ali mu Yerusalemu munshiku shilya. ⁸ Ulo Herodi amwene Yesu,alitemenwe saana,pantu alefwaisha ukumumona panshita iitali .Aleumfwa pali kaili alikwenekela ifishibilo fimo ifyo alecita. ⁹ Herodi alipwishe Yesu amashiwi ayengi,lelo Yesu tayaswike nangu cimo. ¹⁰ Bashimapepo mukalamba baliminine namaka mukumufyengelesha . ¹¹ Herodi nabashilika basalwile yesu nokumupumya.Kaili balimufulile nokumulepa wila ifyakufwala nokumubwekeshamo kwa Pilato. ¹² Elo Herodi bali nomba fibusa kumunkwe ukutampilafye bulya bwine bushiku.Pantu kunuma uku bali balwani kuli cila umo. ¹³ Pilato akutile bashimapepo ,bakalemba nentungulushi nebumba lyabantu. ¹⁴ Nokusosa kuli bena ai mundetele uyu muntu ngo muntu uulefumya abantu munshila ,kaili moneni ,nebo,ndimwipwishe pa menso yenu ,nasanga ai takwete umulandu muli fyonse ifyo mulemubepesha. ¹⁵ Nakana ,ngefitile Herodi,amubweseshe kuli fwebo,kaili lolesheni,kaili lolesheni tapali ifyo acitile icakumuwamina ukufwa. ¹⁶ Nkomupanikafye nokumulekako." ¹⁷ Awe pamutebeto ali nokubakakwila umufungwa umo. ¹⁸ Balibilikishe capamo,ai,"Teo uyu muntu ,tukakwileni balabas!'' ¹⁹ Balaba ali muntu uo babikile mucifungo pamulandu wabumpula mafunde mumusumba nokwipaya. ²⁰ Pilato abwelele nakaili kuli bena ,ukufwailisha ukulekako Yesu. ²¹ Lelo bapundile ai,"mutanikeni,mutanikeni." ²² Asosele kuli bena umuku wacitatu ,"Nindo ,mulandunshi uyu muntu acitile?ntamwenemo umulandu uwakuti apingwilwe ukufwa.Eco panuma yakumupanika nalamulekako." ²³ Lelo bena balimupatikishe nokwimya amashiwi yabo,ukufwayafe atanikwe .Nefiunda fyabo fyalengele pilato ukusumina. ²⁴ Lelo pilato alisalilepo ukubapela ico balikufwaya . ²⁵ Alekeleko umo uyo babikile mucifungo pamulandu wabu mpula mafunde nokwipaya .Abapele Yesu mukukabila kwabo. ²⁶ Lelo ulo balikumutwala munshila ,bapatikishe simoni waku cyleni,uwali kwisa mu caalo,bamutwikile umusalaba nokusenda ,alekonka Yesu. ²⁷ Ibumba ilikalamba ilya bantu ,baliketwe ubulanda nokulosha ena,balikumukonka. ²⁸ Lelo apilibukile kuli bena ,Yesu asosele ai "mwebana bamu Yerusalemu,mwilandilila ,lelo ililileni mwebene. ²⁹ Pantu lolesheni,ubushiku bukoisa ulo mukasosa ai ,'Balipalwa ingumba nefisa ifitafyala ,namabele ayatatala yonshapo.' ³⁰ Kaili bakutampa ukusosa kumpili ,'Tuponene,nakufyulu,;Tupilibukile.' ³¹ Apo bacita ifi umuti uubishi ,cakuba shani kumuti uwauma ?" ³² Nabaume ,impupu shibili,bashindikwe naena mukwipaiwa. ³³ Ulo bafikile pancende iitwa,''pacipanga,''palya bamutanikile pamo nefipondo-umo kukulyo umo nao kukuso. ³⁴ Yesu asosa ai ,'Taata ,beleleni,pantu tabeshibe ifyo bakocita."Kaili balitampile ukupendula bayakenye umwingila wakwe. ³⁵ Abantu abaiminine bakotamba ninshi uku ntungulushi shikomupumya ,nokusosa ai,"Alikupusush bambi .Kaipusushe umwine,nga cakuti ni Kristu Lesa,uwasalwa.'' ³⁶ Nangufe bashilika, balekumupumya,balipaleme kuli ena nokumupela umwangashi uwakantuka . ³⁷ Kaili balikusosa ai,"Ingacakuti uli mfumu yaba yuda ipusuhe wemwine." ³⁸ Kwali necishibilo pamulu wakwe ,"iyi nimfumu yaba Yuda. ³⁹ Akapondo kamo katampile ukumuslula akati,"Teiwe kristu, ipusushe wemwine upusushe nafwebo. ⁴⁰ Lelo umunankwe amukalipila asosa ai ,"Bushe tautiina Lesa,apo natupingwilwa pamo tukakandwa munshila imo ine. ⁴¹ Nomba fwebo tulingilwe ukusendwa.Lelo fwebo bakotukandila pafyo twacitile .Lelo uyu muntu tapali ifyo acitile . ⁴² Kaili asosa ai,''mwe Yessu mukandibukishe ulo mwakwisa mubufumu bwenu." ⁴³ Yesu asosele kuli ena ai ,"Icine ,cine,nkokweba ai,lelo line tukoba nobe mupaladise." ⁴⁴ Cali nomba panshita yalenga mutanda,nemfifi yali shile pacaalo conse ukufikafe nakunshita ya naini koloko. ⁴⁵ Ulo akasuba kayalwike imfimfi ,kaili icisalu icali mwitempele cayakanishiwe pabili. ⁴⁶ Ukupunda ishiwi ilikalamba Yesu ai ,a'mwe taata ,nabika umweo wandi mumaboko yenu."nokufwa afwa. ⁴⁷ Lelo umushilika uwalekomona ifyacitike ,alumbenye Lesa ,nokusosa ai,"Icine cine muntu uwapwililika." ⁴⁸ Ulo ibumba lyaishile kolongana capamo nokuba bakambone mumenso balimwene ifintu ifyacitike ,balibwelelemo bakoyuma pafifuba. ⁴⁹ Lelo bonse abamwishibile ,nabamayo abalemukonka ukufuma ku Galileya ,baiminine akatalamukila nokutamba ifyacitika . ⁵⁰ Kwaliko umuntu umo uweshina lyakwa Yosefe,uwali membala kuli bashicilye ali umusuma kaili umuntu uwapwililika . ⁵¹ Uyu muntu tasuminisheko kumapange nemicitile.Afumine ku Alimateya ,umusumba waba Yuda,ali kufwaisha saana ubufumu bwakwa Lesa . ⁵² Uyu muntu aile kumanya pilato ,nokulomba umubili wakwa Yesu. ⁵³ Aliwikishe panshi nokupombela munsalu iyisuma,noku ubika mucilindi icaimbilwe mumabwe,umo umushatala alala nangu umo. ⁵⁴ Bwali bushiku bwakupekanya kaili nesabata lyali mukutampa. ⁵⁵ Banamayo abalekukonka Yesu ukufuma ku Galileya balikonkeleko ukumona imanda nefyo umubili ulele. ⁵⁶ Balibwelelemo ukuya mukupekanya amafuta yacena cisuma .Lelo pesabata balikutusha ukulingana nefunde.