¹ Nomba umusonkano wa mukate uushitutumuka walipaleme, uwalikwitwa ipasaka. ² Bashimapepo bakulu naba kalemba bali kufwaisha umwakuti bepaile Yesu, eico balikutina abantu. ³ Elintu satana aingile muli Yuda, uwali kwitwa kelyoti, alikuba pamo nabe kumi na babili. ⁴ Yuda waile kuli bashimapepo bakulu elo nabakulu ukumfwana nabo ifyakulubula Yesu kuli bo. ⁵ Balisansamukile elo no kusuminishinya ukumupela indalama. ⁶ Nao walisumine no kufwaya inshita yakumupela kulibo ukufuma kwibumba. ⁷ Nomba bwalifikile ubushiku bwa mukate uushitutumuka, epo ipasaka lya mwana wa mpanga iyatulilwe. ⁸ Elo Yesu atumine Petro na Yoani, nokutila, '' kabuyeni muye mutupekanishishe icakulya cepasaka, Pakweba ati, tulye.'' ⁹ Nabo baandile kuliye ati, '' Bushe nikwisa uko ulefwaya fwebo tupekanishishe? ¹⁰ Alibasukile ati, '' Moneni , lintu mukengila mumusumba, umwaume umo umwaume umo nasenda umutondo wamenshi mumu kumanye. Mumukonke mung;anda umo aleingila. ¹¹ Nomba mulande kumwine wa ng'anda ati,'' kafundisha akolanda kuli webo .'Bushe umuputule wa beni ,ukotukolila ipasaka na basambi bandi ulikwisa.'' ¹² Aleya kumilanga umuputule uukulu uwapamulu uo ba yanshika bwino. Mupekanye kulya kwine. ¹³ Eico balile, balile kusanga fyonse umo Yesu abebele. Elintu bapekenye icakuluya ce pasaka. ¹⁴ Uluntu nshita yafikile, acitile pamo nabantu. ¹⁵ Nomba atile kulibo ati, '' Ndefwaisha sana ukulya ili pasaka pamo naimwe lintu inshila cula. ¹⁶ Nomba ndelanda kuli mwebo nshakalyeko kabili kano cikafike mubufumu bwa kwa Lesa.'' ¹⁷ Kabili abulile ulukombo, elintu atashishe , alandile ati, '' Buleni ici nokwakana pakati. ¹⁸ Eico nkomyeba , nshakamwebeko mpakafye ubufumu bwa kwa Lesa nukese.'' ¹⁹ Elo abulile umukate, elo atashishe, elo ausunawile, no kubapela, landa ati,'' Uyu mubili wandi , ukopelwa kuli mwebo. mulekucita ici mukunjibukisha.'' ²⁰ Abulile ulukombo munshila imo ine panuma ya mulalilo, alandile ati, '' Ululu kombo cipangano cipya mumulopa wandi, ulesuma pali mwebo. ²¹ Nomba mumfwikishe. Lelo ukuboko kwa umo uulengalukila alipamo naine petebulo. ²² Kwena umwa wa muntu akoya nga filya acpekanishiwa. Nomba ubulanda kuliye cikapitilamo cakumusenuka!'' ²³ Batampile ukulanshanya abene ninani pali fwebo uwingacita ici? ²⁴ Elo kwaimine ifikansa pakati kabo palwa bumukulu. ²⁵ Alandile kulibo '' Nshamfumu shabe na fyaloshalikwata ba shikulu palibo, nabamo balikwata amaka pali bo ayatwa bakatita wa busuma. ²⁶ Nomba tacifwile caba ifi kuli mwebo. Lelo lekeni ulu umukulu pali mwebo abe uwacepesha, naumo uli umukalamba sana abe nga uletumika. ²⁷ Bushe umukalamba, paliumo uwikala petebulo, nangu umo utumika? Bushe te umo uwikala kwitebulo ? Nomba nebo indi pakati kenu nga uletumika. ²⁸ Nomba nimwe bamo abakoytwalilila pamo nanebo mufya kwesha fyandi. ²⁹ Na mipelako ubufumu, ngafilya tata ampela ubufumu. ³⁰ Pakweba ati mukaya kunwa petebulo lyandi mubufumu bwandi, nokwikala pafipuna fyakupingwilapo imitundu ikumi na ibili iya kwa Isaraili. ³¹ ''Simoni, Simoni , ulekucenjela, Satana akolomba ukukwata webo, pakweba ati akalulule nge ng'anu. ³² Lelo ndekupepelako webo pakweba ati icisumino cobe cipona. Panuma ya kupilibuka ku numa nakabili cincisha bawenu. ³³ Petelo alandile kuli yee ati, '' Shikulu nebo ndi ipekenye ukuya nobe kucifungo na kukufwa.'' ³⁴ Yesu walyasukile ati,'' nkokweba webo Petro mukolwe tati kulila buno bushiku, ninshi webo ulinkene imiku itatu pakweba ati walingishiba.'' ³⁵ Kabili Yesu alandile kulibo ati, '' Uluntu na mitumine ukwabula kupita icikkwama ne chola cafyakufwala, nangu indyato, Bushe mwalibulilwe?'' Balimwasukile ati, '' Tatwabulilwe.'' ³⁶ Kabili Yesu walibebele, '' Nomba line, nga umo ali ne cikwama, ena na send, elonecola cafyakufwala. Untu ashikwete ulupanga ashitishe icakufwala cakwe ashitemo ulupanga. ³⁷ Nkolanda kuli mwebo, pa fyalembwa pali nebo fifike, ' Wapendelwe pali ba cintomfwa bamo , pakweba ati ifyalandilwe pali nebo fifik.'' ³⁸ Elo balandile ati, ''Shikulu moneni pano pali bapanga ba bili.'' Atile kulibo, ati, '' ishishine shalinga.'' ³⁹ Yesu waile nga filya walikucita, kulupili Lwa Miolife, abasambi bakwe balimukonkele. ⁴⁰ Lintu bafikile walibebele ati, '' pepeni pakuti mwiwila muntuko. '' ⁴¹ Walifumine apo bali waya akatalamukila, alifukeme no kupepa, ⁴² ati, '' Tata ngakufwaya kobe fumya ulukombo pali nebo.Lelo tefyo ntemenwe, kano ifyobe ficitwe. ⁴³ Kabili malaika ukufuma kumulu wamonekele kui ye, wa mukoseleshe. ⁴⁴ Lintu ubucushi bwa mumutitikishe waikatishe ukupepa, Nelibe lyalekufuma nokumoneka kwatimulopa ukoponena panshi. ⁴⁵ Lintu waimine ukufuma apo walekupepela, waile kubasambi nokubasanga balilele pamulandu bali no bulanda ⁴⁶ no kubepusha ati, '' Bushe cinshi mulalile? ala bukeni no kupepa, pakweba ati mwiingila mwitunko.'' ⁴⁷ Ulo bacili nabalala, mona kwamonekele ibumba, pamo na Yuda umo pa bekumi na babili.ukobatungulula. Apalamine kuli Yesu kuku mufyonpa, ⁴⁸ elo Yesu alandile kuliye,Yuda, bushe ulesenuka umwana wa muntu muku mufyompa?'' ⁴⁹ Ulo abo abashingulwike Yesu babwene ifyaliucitika batile '' Shikulu bushe tubakome kulupanga?'' ⁵⁰ Lelo umo palibo akomene umubomfi wakwa shimapepo mukulu noku muputulako ukutwi kwa kulyo. ⁵¹ Yesu alandile ati, '' Nomba lekeni!'' waikete ukutwi kwakwe, no kumuposha. ⁵² Yesu aebele bashmapepo abakulu nabakulu ba mwitempele na kubakulu abaishile kuku mwikata, ati, '' Bushe mwishile mukunjikata nge cipondo na mapanga ne nkoto? ⁵³ Lintu naleba pamo nemwe lyo mwitempele tamwambikilepo amaboko. nomba ino nishita yenu namaka ya mfimfi. ⁵⁴ Bamusendele nokuutwala kung'anda ya kwa shimapepo mukulu.Nomba Petro alikukonka patali patali. ⁵⁵ Panuma bakunkile umulilo pakati kalbansa kabili balikele bonse.,Petro aikele pakati kabo. ⁵⁶ Umwanakashi umo umubomfi amubwene lintu aikele mulubuto lwa mulilo nokulolesha ukulungatana kuli yenokulanda ati, '' uyu muntu naye alinankwe.'' ⁵⁷ Nomba Petro walikene watile wemwanakashiwe , shimwishibile.'' ⁵⁸ Panuma yakashitafye akanonona umbi walimumwene , nokulanda ati, ''Niwebo umo palibo.''nomba Petro walandile at ' We muntu te nebo.'' ⁵⁹ Panuma ya kashita akanono na umbi umuntu wanda ati, '' Cishinka uyu muntu ali nae, ukuba mwina Kalile.'' ⁶⁰ Nomba Petro walandile ati,'' Webo shishibe ifyo ulelandapo.'' Palya pene lintu walikulanda, nu mukolwe walila. ⁶¹ Apilibukila na shikulu alolesha Petro na Petro waibukishe ishiwi lya kwa shikulu , lintu wa mwebele , lintu mukolwe talalila lelo ukonkana imiku itatu.'' ⁶² Petro wafumine panse nokulila sana. ⁶³ Kabili abantu alikulonda Yesu ba musekele no kumuma. ⁶⁴ Balimufimbilikishe no kumwipusha ati, ''sesema !Bushe ninani wakulopola?'' ⁶⁵ Balandile ifingi na fimbi ifintu pali Yesu ukumupontela. ⁶⁶ Ilyo linefye ilintu bwacele abakulu babantu balongene pamo na bashima pepo bakulu nabakalemba , bamutwele ku cilye ⁶⁷ no kulanda ati, '' inga cakweba ati niwebo Kristu twebe fwebo.'' elo walandile kulibo ati, ''nga namyeba tamwansumine , ⁶⁸ nangu nga na mipusha tamukongasuka. ⁶⁹ Lelo ukufuma pali nomba, umwana wamuntu akekala kukuboko kwa kulyo kwa maka ya kwa Lesa.'' ⁷⁰ Bonse balandile kulibo ati, '' Bushe uli mwana wakwa Lesa ?'' Yesu alandile kulibo ati,'' Mwalanda ati ninebo.'' ⁷¹ Balandile ati, ''Bushe tucili mukufwaya kambone? Twayumfwila fwebene ukufuma pakanwa kakwe.''