¹ Nomba muli shilya inshiku,Kesalo Angusito abilile imbila ai abantu bonse abacaalo conse ica Roma bali nokulembwa nokupendwa. ² Uku kupendwa abantu ekwali ukwakubalilapo ulo kwilino ali ni kateka wa caalo ca siria. ³ Nabonse baleya mukulembwa cila muntu kumusumba wafikolwe fyakwe. ⁴ Kanshi Yosefe nao afuma ku Nasaleti mu caalo ca Galileya aya ku caalo cayudeya kumusumba wakwa David,uwitwa Betelemu,pantu wamulupwa. ⁵ Yosefe aya kukulembwa na maria uyo akobekele,uwali pabukulu. ⁶ Ulo bacili ku Betelemu, awe nenshita yakupapa umwana yafika. ⁷ Maria abelekele umwana umwaume .Amupmba namu nsalu,amulalika namumulimba ,pantu tabasangilemo incende mu ng'anda yabeni. ⁸ Muncende ilya ine,mwali bakacema mumpaanga balelinda ifitekwa fyabo ubushiku. ⁹ Awe malaika wamfumu abamonekele nobukata bwa mfumu bwabamonekele.Bakacema elo batutwime no mwenso. ¹⁰ Umungeli elo abeba ai ,"mwitiina iyoo.Naisa kukumishimikilako ilyashi ilisuma ,ilyakusansamushafe bonse. ¹¹ Ala lelo mumusumba wakwa David,Umupusushi wenu nafyalwa,ni kristu imfumu! ¹² Icakumwishibilako nifi,muleya sanga umwana munsalu,nabamulalika mumulimba." ¹³ Elo aponene kwamoneke ibumba ilikalamba ilya fita fyamumulu pamo no mungeli,balalumbanya Lesa ai," ¹⁴ Natulumbe Lesa mumulu!pano caalo ,umutende kubantu abo atemwa!" ¹⁵ Abangeli lulya babasha babwekela ku mulu,bakacema balesoshanya ai,"Aleni natuleya ku Beteleni ,tuyemona icititikeko,pantu mfumu yaisa twishibishako. ¹⁶ Awe bwangu bwangu eko baya.Baya sanga na yosefe,nomwana nalala. ¹⁸ Nabonse abaleumfwako ,balapapa pafyo bakacema balebashimikila. ¹⁹ Maria ena alasunga aya mashiwi yonse mumutima wakwe nokulatontonkanyapo. ²⁰ Bakacema pakubwelelamo,balalumbanya nokutasha Lesa pafintu fyonse ifyo bomfwile nefyo ba mwene ²¹ Pa bushiku bwalenga cine konse konse apo afyalilwe,ebushiku bali nokumusembulwilapo.Elo bamwinike neshina yakwa Yesu,ishina umungeli amwinike ninshi talati emitwe. ²² Kaili lulya ubushiku bwakusangululwa bwafika ,ukukonka amafunde yakwa Mose.Yosefe na Maria batwele Yesu ku Yerusalemu kukumutuula kuli Lesa. ²³ Pantu calembwa mumafunde yakwa Mose ai ,"Umwana umwaume onse ibeli ,ali nokulubwilwa ku mfumu. ²⁴ Kaili Yosefe na Maria baya pela ilambo pakukoka ifyalembwa mumafunde yamfumu ai,"Bakaleta utubonda twa nkunda tubili ,nangu utwana twampele tubili." ²⁵ Kanshi mu Yerusalemu mwalimo umuntu umo ,ishina lyakwe ni simeoni.Uyu muntu ali umulungami kaili uwanakila Lesa.Alelolela inshita Lesa akakakula abena sraeli.Elo namupashi wamushilo ali nankwe. ²⁶ Mupashi wamushilo alimusokolwelele ai takafwe kano akamone kristu. ²⁷ Kanshi mupashi wamushilo amweba simeoni ai aye mwitempele .Awe ilyo line abafyashi nabo baleta Yesu umunya,pakweba ai bamubombele fyonse ukulingana namafunde yakwa Mose. ²⁸ Ulo simeoni abula Yesu amufukatila ,atasha na Lesa ati , ²⁹ "Nomba we mfumu ,leka umubomfi obe aye umutende ,ngefyo walaile. ³⁰ Pantu amenso yandi yamona umupashi wesu, ³¹ uyo wapekanya pakuti imitundu yonse imumone. ³² Abe ulubuto lwakusanika abena fyalo ,kaili ewakucindamika abena israeli umutundu obe ." ³³ Awe wishi nanina bena balapapafe pafyo simeoni asosele pali uyu mwana. ³⁴ Ulo simeoni abapala,alaeba na Maria nyina wamwana ai,"ulemona uyu mwana akakulenga ukuti abengi bakalobe,elo nabengi bakapusukilemo mubena israeli.Ala akaba cishibilo cakwa Lesa eco abantu abengi bakapusaninapo- ³⁵ elo kaili nolupanga lukaputaula umutima obe -pakweba ai imitontonkanishe yabantu abengi ikasokoloke." ³⁶ Ulo kwaliko nakasesema umo umwanakashi uweshina Anna,mwana fanueli,uwamuluko lwakwa Asheri.Ali umukote nganshi .Batile bashibomfya ninshi acili umukashana ,aikelefe nimulume wakwe imyaka cine lubali. ³⁷ Ulo umulume afwa,ashala aleika umushimbe mpaka fika nemyaka cine konse konse na ine.Talefuma mwitempele ,lelo aikalilefe ukubombela Lesa akasuba nobushiku ,mukufunga ukulya namukupepa. ³⁸ Kanshi Anna nao aisamo panshita ilya ine alalumba na Lesa .Alalanda napa mwana ,alaebako nabonse abalelolela ukuti Yerusalemu akalubulwe. ³⁹ Yosefe na Maria ulo bapwile ukucita fyonse ukulingana namafunde ya mfumu,elo babwelelemo ku Galile,kumwabo,kumusumba wanasareti. ⁴⁰ Awe nomwana alakula alekoselako.Amano nayo yalefulilako ,na Lesa alemusenamina. ⁴¹ Cila mwaka abafyashi bakwa Yesu baleya ku Yerusalemu kunshiku nkulu ye pasaka iyacakucilila. ⁴² Ulo Yesu ali nemyaka ikumi limo naibili,nalyo baya ku nshiku nkulu ngefyo balekucita lyonse. ⁴³ Ulo bapwa ukusefya inshiku nkulu ,pakubwelelamo Yesu ashala mu Yerusalemu.Abafyashi bakwe tabaishibe nakalya. ⁴⁴ Bena basosele ai,"Yesu ali nabalendo banesu."Basuka baenda ubulendo bwabushiku bumo,elo balamufwaya muli balupwa babo nabeshibishi babo. ⁴⁵ Nomba epo bafilwa ukumusanga ,elo babwelelemo ku Yerusalemu ,baya balemufwaya. ⁴⁶ Panuma yakufwaya inshiku shitatu,elo bamusangile mwitempele ekele pamo nabakafundisha bamafunde alebakutika alebepusha namepusho. ⁴⁷ Nabonse abaleumfwako balapapa amano yakwe nemyasukile yakwe. ⁴⁸ Abafyashi bakwe lulya bamumona ,awe cabapesha amano.Elo nyina amweba ai ,"We mwana ,nga ninshi watucushisha ifi?Mona ba wiso nanebo tusakamene icibi ulo tulekufwaya ." ⁴⁹ Yesu abaswike ai ,"Nga ninshi mwatila mfwaila ?Bushe tamwaishiba ai ndinokuba mu ng'anda yakwa Taata?" ⁵⁰ Nomba bena tabailwike pafyo balekubeba . ⁵¹ Kaili Yesu aya nabo ku Nasareti,alebanakila.Nomba nyina ena alesunga ifi fyonse mumutima wakwe. ⁵² Yesu ena alekulilako namu cimo .Elo Lesa nabantu nabo balemutemwa.