Icipandwa 1
1
Abengi balikwesa ukusenda umulimo wa wa kupatulula ifyacitilwe muli fwebo.
2
Ngwfyo bafipele kuli kuli fwebo kubali ba kambone elo abasha ba cebo ukufuma pakwamba.
3
Kanshi nanebo pakupitamo muli fyonse elo nokufilungamika ukutula pa kwamba ukulemba elo mfilondolola we Theophilus.
4
Pakweba ai wishibe icishinka ca fyebo filya wa likusambilila.
5
Muli shilya nshiku shakwa Herode imfumu yamu Yuda kwali shimapepo umo ishina lyakwe ni Zacharia uwakumipaka yaku Abijah, umukashi wakwe Elizabeti ali wamubufyashi bwakwa Aroni.
6
Bonse babili abalungami kuli Lesa kaili ababula akabi kuma funde yakwa Lesa.
7
Leelo tabakwete umwana icoElizabete ali ni ngumba , elo bonse babili bali abaikaile inshiku ishingi
8
Awe ena Zaduria alikubombesha ku cinso cakwa Lesa, ali kusenda nomulimo wabushimapepo muli cilya citungu.
9
Umwabela ulutambi lwabushimapepo apendwilile ukwingila mwitempele lyakwa Shikulu alyocele ifukununka icena icisuma mwitempele.
10
Necintubwingi balishele panse elo bali kupepa elyo alikoce fyacena cisuma mwitempele.
11
Elo umungele walwa Lesa alimonekele kuli ena aliminine ku kulyo pacipailo calambo.
12
Ilyo Zacharia amumwene aliculile elo umwenso walimwikete.
13
Leelo umundeli asosele kuli ena ai,'' Wirina , Zacharia pantu pepo lyobe lyalyumfwika, umukashi obe Elizabete akakufyalila umwana ukamwinika ne shina lyakwa Yohani.
14
Ukakwata insansa elo nokwanga nabengi bakasekelela uku fyalwa kwakwe.
15
Pantu akesakuba umukulu mumenso yakwa Lesa. Talingile ukwana umwangashi uukali, elo akesulamo umupashi wamushilo ukufuma mwifumo lyakwa nyina.
16
Abengi abamubufyashi bwakwa Israeli Bakapilibikila kuli Lesa wabo.
17
Akesa kuba kuntanshi yakwa Lesa mumupashi elo namaka yakwa Eliya kukupilibula imitima yaba wishi ku bana elo abatakwata icuma fwila kuba kwata amano ya bulungami kukupekanishisha ya mulungami kukupekanishisha shikulu abantu abateyanishiwa
18
Zacharia asosele kumungeli ai,'' kuti naishiba shani ifi fintu pantu ndimuntu umukote elo umukashi wandi nao mukote munshiku shakwe.''
19
Umungele alyasukile asosele ai,'' ninebo mungeli uwiminina kucinso cakwa Lesa , Atntumine ukwisa sosa ifi kuli webo , ukulata imbilansoma.
20
Moneni mukesa kwikala tondolo ukwabula ukusosa, mpaka ubushiku ififinti fikafikilisha kabili nipamulandu wakwebai tamwasumine amashiwi yandi ayakesa kufikilisha panshita lyalinga.
21
Nomba abantu abalikulolela Zacharia Balisungukile ico aliposele inshita iitali mwitempele.
22
Lelo ilyo afumine panse ena tasosebele kuli bena Balibikishe ukweba ai, acimona icimonwa uyo aciba mwitempele. Atwalilile ukusosela mufilangililo kubantu ukwabula ishiwi.
23
Kabili cacitikile ilyo inshiku shamulimo wakwa shapwile abwekelemo kunganda yakwe.
24
Panuma yanshiku ishi umukashi wakwe Elizabete alimitile elo imyeshi isano aikale mucifulo icafisama asosele ai.
25
''Ifi efyo Lesa acita kuli nebo ilyo andolekeshepo noluse pakweba ai afumye pali nebo umusebanya wakushikwata umwanakumenso wabantu.
26
Mumweshi walenga mutanda umungeli wakwa Lesa balimutumine kuli Lesa mumusumba wa Galilee uwalikwitwa Nazareti.
27
Kuli na cisungu uwakobekelwa kumwaume ishina lyakwa ali ni Yosefe, uwali uwamobufya shi bwakwa Davedi, ishina lyakwa ni Maria.
28
Aishile kuli ena nokusosa ai umutende webo wewashuka ! Lesa aba na webo.
29
Lelo alisakamene amashiwi yamungeli elo aliku fwaya ukwishiba ubupilibulo bwa ulya mutende
30
Malaika asosele kuli ena ai,'' witina , Maria , pantu wasangwa uwakusenaminwa kuli Lesa.
31
Lolesha ukemita mwifumo lyobe elo ukafyala umwana kabili mukamukuta ishina Yesu.
32
Akesakuba umukulu elo bakamukuta umwana wawa pulamo shikulu Lesa akesakumupela icipuna cacikolwe cakwe Davide.
33
akesakuteka panganda yakwa Yo=akobo yonse umuayayaya, elo ubufumu bwekwe tabwakapelele
34
Maria asosele kumungeli ai,'' kuli cabashani shikulu aponshatala kumanapo nomwaume.
35
Umungeli alyasukile asosele ai,'' umupashi wamushilo ukaba pali webo elo namaka yawa pulamo yakaba pali webo eico icamushilo ico ukofyala cuketwa umwan wakwa Lesa.
36
Lolesha umu fyala obe Elizabete nao naimita umwana mubukote bwakwe, Umo mweshi wakulenga mutanda kuli ena, uyo uwalikwitwa inyumba.
37
Pantu takwaba icakosa kuli Lesa.''
38
Maria asosle ai ,'' mona ndimusha mwanakashi uwakwa shikulu nacibe ifyofine umwalola icebo cobe ,'' Kabili umungeli alimushile.
39
Elyo Maria alimine aile kufyabo fyampili, mumusumba wa Yudea.
40
Aliile munganda yakwa Zacharia aliposeshe Elizabete.
41
Calicitikile kweba ai,'' ilyo Elizabete aumfwile ukuposha kwakwa Maria, umwana munda yakwe alyangile, elo Elizabete aliswilemo umupashi wamushilo.
42
Alipundile mwishiwi ilikulu kokukuta ai ,'' walipalwa pabanakashi bonse, elo calipwalwa icisabo ce fumo lyobe.
43
Cacirikashani kuli nebo icakweba ai inyana wakwa shikulu ukwisa kuli nebo.
44
Pantu mona ilyo ngumfwile ukuposha kobo mumatwi yandi nomwana mwi fumo lyandi asekelela nensansa.
45
Alishuka niuyo uwacetekela ukweba ai kukaba ishita ifya soselwe kuli ena ukufuma kuli shikulu
46
Maria asosele ai umutima wandi watetekela shikulu.
47
Umupashi wandi wasekelela muli shikulu umupusushi wandi.
48
Pantu alolekesha pakucula kwa musha mwanakashi wakwe kabili lolesheni ukutula lelo abankulo shonse bakayokunjita uwashuka.
49
Pantu uwamaka acita ifintu ifingi kuli nebo elo ishina lyakwa lya mushilo.
50
Uluse lwakwa lwalikalilila ukufuma kunkulo elo nenkulo kuli abo abamutina.
51
Acita icamaka kukuboko kwakwe asalanganya abamisula, mukutontonkanya kwabo
52
Afumya ababukata pafipuna fyabufumu, elo asumbula abalanda.
53
Aikusha abansala nefyakulya ifisuma, lelo aleka abakankala ukubwekele ukwabula nangu kamo
54
Apela ubwafwilisho kuli Israeli umusha wakwe, ukwibukisha ukulanga uluse.
55
(ngefyo asosele kuli bashifwe) kuli Abraham elo naba fyashi bakwe umuyayaya
56
Maria alikele na Elizabete imyeshi itatu elo alibwelele kunganda yakwe.
57
Elyo inshita yalifikile kuli Elizabete iyakukwata umwana elo alifyele umwana.
58
Abena mupalamano elo nolupwa lwakwe alyumfwile ati Lesa alilangile uluse lwakwe kuli ena elo balosekelele nao.
59
Nomba calicitikile pabushiku bwakulenga cine konse konse, ukweba ai balitele umwa mukusembululwa ena bali mukutile'' Zacharia,'' panuma ye shina lyakwa wishi.
60
lelo nyina alyasukile elo asosele ai,'' awe, Aketwa Yoani''
61
Basosele kuli ena ,'' Tamwaba nangi umo mulupwa lobe uwitwa ilishina.
62
Balipangilo ifishibilo kuli shiwi ukulanga ifyo alikufwaya.
63
Wishi alifwaile icakulembapo ishina lyakwe ni Yoani. Bonse balisungukile.
64
Palyapene akanwa kwakwe kalisukile elo ululimi lwakwe lwalikumamansha. Alisosele elo alilumbenye Lesa.
65
umwenso walishile kuli abo abamushingulukile . Nefi fyalikumene mu calo campili ica Yudea.
66
Bonse abaumfwile bali fisungile mumitima yabo , basosele ai,'' Bushe kanshi uyu mwana akesakuba shani?'' pantu ukuboko kwakwa Lesa kwaali nao
67
Zacharia wishi aliiswilemo umupashi wamushilo elo aliseseme,'' ai ,' abeuwa cindikwa Lesa, Lesa wakwa Israeli,
68
pantu aishile kukwa fwa elo alipwisha impusulalo pa bantu bakwe.
69
Atwimisha ulusengo lwepueukilo munganda yamusha wakwe Davedi
70
( ngefyasosele patunwa twakuba kasesema ukufuma kunshita yakale)
71
Impusukilo ukufuma kubalwani besu elo nakukuboko kwa batapata bonse
72
Akacita ifi pakulanga uluse kuli bashifwe elo nokwibukisha icipangano cakwe icamushilo.
73
Umulapo alilapile kuli Abraham shifwe.
74
Alilapile kuli fwebo ukwaba ai fwebo fwebalubwilwe ukufuma ukuboko kwaba lwani beesu tumubambele ababula umwenso.
75
Muli bumushilo elo nobulungami kuli ine inshiku shesu shonse.
76
Ee , elo webo , umwana bakalamukuta kasesema wawa pulamo, pantu webo ukaya kuntanshi yakwa shikulu kukupekanya inshila kukupekanya abantu kukwisa kwakwe.
77
Kukupela amano yepusukilo kubantu bakwe mukwelela amasambi yabo
78
Ici cikacitika pamulandu wa luse lwakwa Lesa wesu emukesa tutandalila ukuca kwa muli uwapulamo ,ukwisa mukwafwa fwebo.
79
Ukutulila pabekala mumfimfi elo na mucinshingwa camfwa. Akacitefi kukutungulula amakasa yesu munshi yamutende.''
80
Nomba umwana alikilile elo ali uwakosa mumupashi elo aali mumataolo ukufika pabushiku bwakumoneka kuli Israeli