¹ Awe mumwaka walenga kumi naisano kuli bumulopwe bwakwa Tiberi kaisare, ilyo ponti pilato ali umulashi waku Yudea, na Herode kuli imfumu yaku Galili, na Filipi munyina ali imfumu ya kucalo ca Iturea na Trakoniti, na lusani ali ni mfumu yaku Abilene. ² Muli bushimapepo bukalamba bwakwa Anasi na kayafa, icebo cakwa Lesa caikile pali Yohan mwana sekaria mumatololo ³ Aile mu mpenga shonse ishashingile Yordan m ajobila ulubatisho lwa kulapila kukwelelwa amasambi. ⁴ Ngafyo calembwa mwibuku lwakwa Esaya kasesema,'' ishiwi lya lyali kupunda mumatololo, pangani bwino umwakupita shikulu, longamikeni ishla shakwe. ⁵ Umukonko onse wakwisushwuwa m no lupili lonse ne cuulu fyakubatamikwa ne misebo yabula ukololoka yakololoka, ne ncende shakalabana shakulungamikwa ngemisebo. ⁶ Na bantu bonse bakumona ipusukilo lyakwa Lesa. ⁷ ELo Yohane asonsele kucintubwingi icalikwisa mukutishiwa kuli ena ,'' mwe bufyashi bwa mafwafwa! nani amusokele ukufyuka ubonaushi ubukoisa? ⁸ Eico twaleni ifisabo fyawamino ukupila, na mwitaliko mumano yenu ukweba ai,'' tulukwete shifwe Abraham, pantu nkomweba ai Lesa ali namaka yakubushishwa Abraham mumabwe na ⁹ Nangu ninomba isembe nalibikwa ku nishila ya muti eco umuti onse utatwala fisabo fisuma uletetwa nokuposwa mu mulilo. ¹⁰ Nkaili icintubwingi calamwipusha , ukweba ai,'' Nga tukocita shani? ¹¹ Abasukile no kubeba ai,'' Nga umo ukwete imingila ibili afwile ukupako ico pamuntu uutakwete , noukwete ifilyo acinte cimo cine.'' ¹² bakasokesha bamisonko nabo baile kukubatishiwa elo bamwebele ukwaba ai mwe kasambilisha tucite shani. ¹³ Abebele ukwba ai,'' mwisonkesha ukucila mwi mfunde.'' ¹⁴ Namo abashilika baishile mukumwipusha ai,'' Nga fwebo ? Findo twingacita?';' ayabele bena ai,'' mwipoka indalama ku muntu onse mubuluku wilashinina umunobe ubunte bwabufi , elo mube abakwikatilila ifilambu fyenu ¹⁵ Lelo abantu balikulolela nocetekela ukwaba ai Kristu akoisa cilamuntu alipapile mumutima wakwe ukutontonkanya Yohane, ngawena engaba Kristu ¹⁶ Yohane alyasukile nokubeba bonse ai nebo kwena mubattisha mumeshi, elo umo akoisa wamaka ukucila pali nebo, elo kaili talinga nokumukakula nshinga sha sapato shakwe akumubatishisha ku mupashi wamushilo na ku mulilo ¹⁷ Ulupe lwakwe luli mu minwe yakwe kukwelulwilako icipolilo cakwe, no kututile ngeno mu butala bwakwe lelo imisungu akoca mumulilo uutashima. ¹⁸ Alikukokomesha ifintu ifingi, ngefyo na Yohane alikubila imbila iisuma kubantu. ¹⁹ Ulo Herode imfumu pakwebaulwa ukupa mukanmunyina Herode , napafyabufi fyonse fintu alikucita. ²⁰ Alundilepo pali fyonse neci kuli bonse ica kweba ai atwale Yohane mucifungo ²¹ Elo califyo ulo abantu bali pakubatishiwa Yesu elo abatishiwe, luntu alikupepa umulu walisukile ²² No mupashi wamushilo walikile pali ena kwai ni nikunda neshiwi lyafumine mumulu,'' uli mwana wandi untu natemwa muli webo emo nyangila.'' ²³ Ulo Yesu ayambile ukusambilisha ,ali nenyaka nalimo amakumi yatatu, ali mwana wakwa Yosefe fyo atungilwe ku bantu mwana Heli ²⁴ Mwana Matati , mwana Lebi, mwana Meiki , mwana Yonai mwna Yosefe. ²⁵ Yosefe ali mwana wam Matati, mwana Amose, mwana Nahumu, Mwana Esli, mwana Nagai. ²⁶ Mwana Maati, mwana Matati, mwana Seneiani, mwana Yoseke, mwana Yoda. ²⁷ Yoda ali mwana Yoanani, Mwana Resa, mwana Surubabele, mwana Sealtiele, mwana Neri. ²⁸ Mwana Meiki, mwana Adi, mwana Kosamu, mwna Eimadamu, mwana Eri. ²⁹ Mwana Yoshwa, mwana Elisere, yorimu, mwana matiti mwana Lebi ³⁰ Lebi ali mwana Simone , mwana Yuda , mwana Yosefe, mwana Yanamui,mwana ELiakimu. ³¹ mwana Melea , mwana Mena, mwana Matata ,mwana Natani , mwana Davidi. ³² Mwana Yese, mwana Obede, mwana Boasi, mwana Saimone, mwana Nashone ³³ Nashone ali mwana Aminadabu, mwana Adimin mwana Arni, mwana Perese , mwana Yuda. ³⁴ mwana Yokobo , mwana Isaki , mwana Abrahamu, mwana Tera , Nahore ³⁵ Mwan Serugi, mwana Reu, mwana Peleye, Mwa Ebere, mwana Shela. ³⁶ Shela ali mwana kainani , mwana Arfaksadi, mwana Shemu, mwana Noa, mwana Lameke. ³⁷ Mwana Metusela, mwana Enoke, mwana Yerede , mwana Malialaleele, mwa Kainani. ³⁸ Mwan Enoce, mwana Setee , mwana Adamu, mwa Lesa