¹ Munshita ilya, ulo amakana yabantu yakakolongana capamo saana balekunyantane, atampile ukusosa kuba sambi bakwe pakubala, Beni abakwibukila ku citutumushi caba falise, ba bumbi munda. ² Lelo takuli cakufisama icatakafisuluke,,elo tapali icafisama icitakeshibikwe. ³ Eico conse ico mukayo ukusosa mumfimfi cikayo ukumfwika mulubuto,elo kaili neca mukasosa mukati ka matwi cikomfwika pabwelu. ⁴ Nasosa kuli mwebo,mweba cibusa wandi,mwilakucita abo abepaya umubili ,Napanuma tapaba nangu fimo ifyo bengacita ifyo bafwile ukucita. ⁵ Lelo nkomisoka pao mufwile ukutiina.Tiineni uyo,panuma yakwipya,alikwete nensambu shakumiposa mu ngeena .Ee,nkososa kuli mwebo,mu tiineni. ⁶ Bushe ututiti tusano tatushitwa muma koini yanono yabili? Elo takuli uuli onse uwa labikwa ku cinso cakwa Lesa. ⁷ Nomba nemishishi yobe iyakumutwe yonse yalipendwa. Mwilakutina. Mwaliciindaama ukucila napa tutiti utwingi. ⁸ Nkomyeba ai, uyo onse uwala[ila kuli nebo pamenso yabantu, umwana wamuntu akulapila pa menso yabangeli bakwa Lesa. ⁹ Nomba uyo onse uwakana pamenso yabantu aku kaanwa pa menso yabangeli bakwa Lesa. ¹⁰ Uyo onse uusose shiwi pamwana wamuntu, lyakumwelela, nomba kuli uyo uupontela mupashi wamushilo, takeelelwe. ¹¹ Ulo balikuleta mu sinagogi, bantungulushi naba lupaka tabasakamene pali finyu walenlondolola mukuipokolola, nangu ifyo walikusosa, ¹² Nomba mupashi wamushilo akukufunda pali kalya kashita ifyakusosa." ¹³ Kaili umo mwibumba asosele kuli ena ai, "Kafundisha, eba wesu apaatuluke kukufyalwa nanebo." ¹⁴ Yesu asosele kuli ena ai, "Wemuntunse, ninani wansontele ukwisa kuba kapingula pali mwebo?" ¹⁵ Asosele kuli bena, "Mulekuibaka mwebene pakweba ai mwiba mumbelo ishibi, pantu umuntu nelo akwate ifintu ifingi ubumi bwakwe tabwaba mufintu akwata." ¹⁶ Kaili Yesu abebele umulumbe, mukusosa ai, "Ibala lyamukankala lyatwalishe fisabo, ¹⁷ Kaili aishilekuntontonkanya mwine eeka, mukusosa ai, 'Nkocita shani, pantu ntakwete ncende umwakusungila ifilimwa?' ¹⁸ Asosele ai, 'Ifi efyo nkocita. Naku kuululula amatala yandi nokukuulamo ayakalamba kaili emo nakwisa kubika imbuto shandi nafimbi ifyabune. ¹⁹ Nakusosa kumweo wandi ai, "Wemweo, ulikwete ifyakulya ifingi ifyabune pamyaka ingi iikoisa. Ulekutushafe, ulekulya, ulekunwa, ulekuipakisha." ²⁰ Nomba Lesa asosele kuli ena ai, 'Weci wele we camuntu webo bunobushiku bakokwipaya, nefintu wapekanya, fyakubafye kubanani?' ²¹ Efyabo umuntu uusungilile ifyuma fyakwe lelo tali mucindami kuli Lesa." ²² Yesu asosele kubasambi bakwe ai, "Eico nkomeba ai, mwilakusakamana pa bumi bwenu, pafyo mwakulya, nangu pabumi bwenu, ifyo mwakufwala. ²³ Pantu umweo walicindama ukucila ifyakulya, nomubili walicindama kucila nsalu. ²⁴ Tontonkanyeni paliba mwankole, abatatanda nokusepa. Abatakwata mwakusungila filyo nangu ubutala, nomba Lesa alabaliisha. Bushe mwebo tamwacindama ukucila ifyoni! ²⁵ Ninani pali mwebo uwinga lundako panono imyaka pamulandu wakusakamikwa? ²⁶ Eico amwafilwo ukucite fintu ifinono, cindo musakamanina pali fimbi fyashala? ²⁷ Tontonkanyeni pamaluba- ifyo yakula. Tayacula nangu ukupikula. Lelo nkomyeba ai, nangufye ni solomoni mubucindami bwakwe bonse tatalile afwalapo fyonsefi ngaya maluba. ²⁸ Lelo ifi ngefyo Lesa afwika ifyani fyamupanga, ifibapo lelo namailo bafipoosa namu mulilo. miku inga enga kufwika. mweba cicetekelo cinoono! ²⁹ Mwilakusakamana ifyo mwakula nefyo mwakunwa. ³⁰ Pantu fyonsefi efyo inko sha calo shifwaish, nashinwe alishiba ai mulafifwaisha. ³¹ Nomba mulekufwayo ubufumu bwamu mulu, nafyonsefi akamilundilako. ³² Mwilakutiina, mwemikuni inono, pantu shinwe afwayo ukumipala ubufumu. ³³ Shitisheni ifyuma fyenu nokupeela abalanda. Ipangileni ifikwama ifitengonaika- icuma cuma camu mulu icitangapwa, uko abapupu bateesa nangu icibelebesha cabushiku citonaula. ³⁴ Pantu ukwaba icuma cenu, ekonomweo wenu waba. ³⁵ "Mulekuipekanya mulekwasha namalampi yenu, ³⁶ Kaili mube ngabantu abakololela shikulubo elo akobwela kubwinga, pakuti elo afika nokukonkosha, palya pene kui bamwiswila iciibi. ³⁷ Balishuka abo abasha abo shikulu akusanga abalole ngaaisa. Nkomyeba muciine ai, akuipekanya nokuleka bakekale petebulo, nokubapekanishisha ifyakulya. ³⁸ Kaili ngaisa mubulindwa bwabushiku bwacibili nangu butatu, nokubasanga baliipekanya, balishuka balya basha. ³⁹ Nomba teshei fi, ai umwine ng'anda ewishiba akashita umupuupu eshilapo, tekuti alekeleshe ing'anda yakwe ukutobeka. ⁴⁰ Namweba mube abakuipekanya, pantu umwana wamuntu akoisa panshita iyo mutenekele." ⁴¹ Petelo asosele ai, "Shikulu, bushe nikulifweebo fweekafe mukoeba uyu mulumbe nangu nikuli cila umo?" ⁴² Shikulu asosele ai, "Nga kanshi nikangalila ndowa cishinka uo shikulu akulashika pababomfi bakwe pakweba ai alebapeela ifyakulya panshita iyakulinga? ⁴³ Alipalwa ni uyo mubomfi uo shikulu akesa kusanga akocitefo nga aisa. ⁴⁴ Icine cine nko,yeba ai akumilashika pafyuma fyakwe fyonse. ⁴⁵ Lelo ngacakweba ai umubomfi asosa mumutima wakwe ai, shikulu akokolo ukwisa, 'kaili atampe ukupumaula ababomfi bakwe abaume nabanakashi no kulya no kunwa nokwisa kukolwa ⁴⁶ Shikulu wamubomfi ulya, akwisa pabushiku ubo ata kactekele namunshita iyo atakeshibe kaili akwisa kumumuputaula mutupimfya nokwisa kumubika pamo naba taaba nacishinka. ⁴⁷ Uyo mubomfi uwaishiba ifyo shikulu wakwe alikufwaya kaili uutapekenye nokucita ukulingana neco alinokucita, akulopaulwa ifikoti ifingi. ⁴⁸ Nomba kuli uyo uutaishibile kaili acitile ifyo aali nokuminwapo, akulopaulwa ifikoti ifinono. Eico uo bapeele ifingi fyakufwaikwa ifingi kuli ena, noyo umo uo balashikile ifingi, akwipushiwa ifingi. ⁴⁹ "Naishile mukukosha mulilo pe sonde, kaili nindo imbi ningafwailo kukosha uwakoshiwa akale. ⁵⁰ Lelo ndikwete ulibatisho mfwile ukubatishiwilako, kaili ndisakamikilwa ukuti lupite bwangu. ⁵¹ Bushe mukutontonkanya ai naishile mukuleto umutende pa calo? Awee, nkomyeba ai, kanofe ukupatukana. ⁵² Ukutampa lelo bakuba basano mung'anda imo abakupatulukana-batatu bakwimina babili, nabantu nabo bakwimina batatu. ⁵³ Baaku patulukana, wishi akwimino umwana, nomwana nao akwimina wishi, nina akwimina umwana wakwe umwanakashi kaili umwana mwanakashi nao akwimina nina, nina fyala akwimina nafyala, nanayala nao akwimina ninafyala." ⁵⁴ Nakaili Yesu alikusosa kwibumba ai, "Amwamonekumbi likoimina lwakuma samba, apopeene soseni ai, 'Imfula ikoisa,' kaili efyo ciba. ⁵⁵ Ulo mwela wakumulyo ukopuupa, mulekusosa ai, 'kukoba,' kaili efyo ciba. ⁵⁶ Babumbi munda, mwalishiba ifyakubeeta mimonekele yamulu ne calo, nomba cindo mutaishibila ukupilibula kwainonshita? ⁵⁷ Cindo mwebene mutaipingwile fiyene? ⁵⁸ Pantu ulomutalaaya na shimilandu obe kuli kalubulwisha, elomukoya munshila ipamfye muwikishanye nankwe pakweba ai takutwele kuli kapingula wamilandu, nakapingula wamulandu akutwala kuli kapaso, nakapaso nao akupoosa mu cifungo. ⁵⁹ Nkososa kuli webo ai, tawakatale aufumamo kanofe ukalipileko kandalama kanono."