¹ Cacitike ubushiku bumo ilyo Yesu alikupepa pa ncende imo. Ilyo apwishishe, umo mubasambi bakwe amwebele ai, ''Shikulu, tusambilisheni ukupepa ngefyo Yoani afundile abasambi bakwe.'' ² Yesu asosele kuli bena ai, ''Ilyo mukopepa soseni ai, 'Tata, ishina lyenu libe ilya mushilo. Nobufumu bwenu bwise. ³ Tupeleni filyo cilabushiku. ⁴ Mutubeleleko noluse ku masambi Yesu, ngefyo nafwe tubelela uluse kuba tukwatila inkongole. Mwitungulwila mukweshiwa,'' ⁵ Yesu abebele ai, ''Ninani pali mwebo uwakwatapo icibusa, nga ba mufikila ubushiku, atangalanda ai, 'Cibusa, ngashimako mbale imikate itatu, ⁶ Pantu umunandi esafe kuli nebo ililine kai ntakwete ifyakwebai imupele? ⁷ Lelo umunankwe amwasukile ai, 'Wimpatikisha. Kale twiseleko, nabana, pamo naine, tulisendeme. Ntabuke nebo ukwisa mukukupela.' ⁸ Nkomyebai, nangula tabukile ukwisa muku kupelaifilyo wipapa pamulandu wakuba umunankwe, pamulandufe wakupapatila ukwingila, kuti ayalamuka ku kupela ifyakulya ngefyo ukomulomba. ⁹ Kaili naine kanshi nkososa kuli mwebo ai; akulombeni, kaili cikapelwa kuli mweb; fwayeni, kaili mukafisanga; akukonkonsheni kaili bakamiswilako. ¹⁰ Pantu uyo onsefe uulomba balamupela; no muntu uufwaya alasanga, nakuli uyo uukonkonsha, balamwiswilako. ¹¹ Ninani wishi pali mwebo, nga benga mulomba isabi ku mwana wakwe, engamupela insonka ilyo alingile ukumupela inswi? ¹² Nangu balomba amani, kuti amupela kalingo'ngo ku mwana wakwe? ¹³ Eco, nga mwebo mweba bubi bwamusango uyu mwalishiba ukupela abana benu ifyabupe ifisuma, bushe wishinwe uwaba mumulu ena takacishepo ukumupela umupashi wamushilo nga mwamulomba?'' ¹⁴ Elo alikufunya iciwa cabumeme. Elo iciwa cafumine mu muntu, uyo utalikusosa, elo abantu bapapile, ¹⁵ Lelo bamo abantu basosele ai, ''Beelzebul, intungulushi yafiwa, emaka akobomfya ukuta mfishako ifiwa.'' ¹⁶ Lelo bamo bamumwene ngo wafumafe kumulu. ¹⁷ Yesu alibeshibe ifyo bali kutontonkanya kaili abebele ai, ''Ubo ubufumu ubuipatulamo ubwine kuti bwaloba, nangufe ninganda nga balekanamo pabili nayo kuti yatobeka. ¹⁸ Nga Satana aipatulamo pabili umwine, bushe ubufumu bwakwe kuti bwaiminina? Pantu mwebo mukongeba ai nkotamfisha ifibanda mwishina lyakwa Beelzebuli. ¹⁹ Nga nimuli Beelzebuli emo nkofumisha ifiwa, nga mwebo abasambi benu nimuli nani bafitamfisha? Pa mulandu wa ici, mukapingwilwapo. ²⁰ Nga ntafisha ifibanda mukuboko kwakwa Lesa, ninshi ubufumu bwakwa Lesa nabwisa. ²¹ Nga umuntu uwaka wuwakwata nabashilika abakosa abalonda inganda yakwe, ifyo akwata ninshi fyacingililwa. ²² Lelo paisa ucilile pakukosa kwabo, acimfya nabamaka bakwe bonse, uyo muntu akasenda ifipe fyonse ifya mwine wa nganda. ²³ Uyo utali naine taba naine, kaili ta tanda naine imbuto. ²⁴ Ilyofe umupashi wakowela wafumafe mu mutu, watendeka nokululumba mu ncende umutaba amenshi no kufwaya apakutushisha. Nga taupasangile, ulandai, 'Naya mwelele kunganda nafumineko,' ²⁵ Panuma wabwela, wasanga nenganda taiwamishiwe ubusaka na fyonsefe tafili bwino. ²⁶ Ulaya nokuya senda neinankwe cinelubali ukucila pali wena kaili yaikala pamo muli uyo muntu. Imisango yakwe nomba kubipisha ukucila ne yakubalilapo.'' ²⁷ Panuma ya ifi, elo asosele ifi ai, umwanakashi mwibumba ayasamwine akanwa nokweba Yesu ai, ''Lya kushuka ifumo waimitilwemo namabele walikonkako.'' ²⁸ Elo asosele ai, ''Kwena, balishuka abo abomfwa icebo cakwa Lesa nokucisunga.'' ²⁹ Elo abantu baile balefulafe, atampileko ukusosa ai, ''Iyi nkulo ni nkulo iyabubifi. Ilakabila ukulangwa icishibilo, eico tapakabe icishibilo cikapelwa ukucila pali Yona. ³⁰ Pantu ngefyo Yona alishileba icilangililo kubena Ninife, efyo no mwana wa muntu akuba nge cilangililo kuli ino nkulo. ³¹ Ngefyo namfumu wakukapinda kakukuso akemampamo na bantu bamunkulo ino mubupingushi mukubaseka, pantu ena afumine kulutwe lwa calo ukukonkafe ukumfwa amano eyapelwe kuli Solomoni, lelo moneni, uwacila Solomoni alife pano. ³² Nga bantu bamu Ninife bakemina pamo naba nkulo iyi mubupingushi nokuba seka, pantu bena balapile kumbila yakwa Yona, lelo moneni uwacila Yona alife pano. ³³ Pantu takwaba nangu umo, ubala ayasha ilampi, alibika apafisama nangu akupikapo cimo, lelo alasumbwila pamulu, pakwebai bonse bamone ulubuto. ³⁴ Amenso emalampi ya mibili yenu. Ngalemona ifisuma, umubili wene onse ukuba mulubuto. Lelo amenso yenu yali mumfinshi, nomuli onsefe waba mumfinshi. ³⁵ Eico ishibeni ukwebai imwe muli lubuto tamuli mfinshi awe iyoo. ³⁶ Ngo mubi onse wabo lubuto, kaili tapali no umo uli mu mfinshi, kaili imibili yenu ikala kusanika ngo kubengeshima kwe lampi.'' ³⁷ Elo apwishishe ukusosefi, umu Falise amwebele ukuya lya ifyakulya ku nganda ku mwankwe, awe alile nokuya lya nankwe. ³⁸ Umu Falise alipapile pa mulandu wakuti Yesu tabalile samba ulo alekulya. ³⁹ Lelo Shikulu asosele kuli ena ai, ''Kwena mwebo, mweba Faliseli musamfya inkombo kunse ne nweno, lelo mukati mwaisula ubusangu na bushetani. ⁴⁰ Mwe ba pumbu mwe! Bushe tamwaishiba ukwebai uwapangile kunse ewapangile namukati? ⁴¹ Peleni ifili mukati umucinshi, nefyashala fika muwamina. ⁴² ''Akalanda kuli mweba Faliseli, pantu icekumi camite na onse nemisalu ya mwibala, lelo mwalaba ku kucita umulinganya nokutemwa kwa kwa Lesa. Caliwamishapo ukucita umulinganya nokutemwa kwakwa Lesa, ukucila ifi fyonse. ⁴³ Kalanda kuli imwe mweba Faliseli, pakuti mwalitemwa ukwikala mufina fyaku ntanshi mu sinagogi nokupokelela umutende wa mucinshi mwisokoni. ⁴⁴ Wekalanda kuli imwe, pakuti mwaba nge manda itamoneka na bantu abako endapo tekuti bashimone iyoo.'' ⁴⁵ Umo kafundisha wamalango asosele kuli ena ai, ''Kafundisha, ifyo ukolanda nifwebo ukopontela.'' ⁴⁶ Yesu asosele ai, ''Kalanda kuli imwe, Mweba sambilisha amalango! Pantu mubika ifisendo ifyafina pa bantu ukuti basende, lelo mwebo tamwikatako nokuti mufisendeko iyoo. ⁴⁷ Akalanda kuli mwebo, pantu mukala imba imanda bwino ishaba kasesema, lelo fikolwe fyenu fyabepeye. ⁴⁸ Mwaba muli nte bakambone baifi fintu ifya milimo yafikolwe fyenu, pantu ebaipeye aba bantu lelo mwebo nimwe mwakula imanda shabo. ⁴⁹ Pali uyu mulandu, amano yakwa Lesa asosai, 'Nabatumine bakasesema nabasambi, lelo balibapakese nokwipayapo bamo.' ⁵⁰ Muli co, abaino nkulo bali nokupingulwa pa milopa yabakasesema iyo baipeye ukufuma pa kwamba kwa calo cino. ⁵¹ Ukufuma pa mulopa wakwa Abeli ukufika ku mulopa wakwa Zakaliya, uyo uwaipailwe pakati ka cipailo ke tempele. Ee, nkomweba, umulopa wabo ukafwaikwa kuli bankole. ⁵² Kalanda ku bakalamba bamalango, pantu mwalisula ukusambilisha kwa mano; tayaingila muli mwebene, nabo yaingilemo mwaliba fumishemo.'' ⁵³ Elo Yesu afumine palya, bakalemba naba Faliseli bali kumutalika nefikansa pa fintu ifingi nganshi.'' ⁵⁴ Balikumuteya ukuti bamwikate mukulanda