¹ Panuma yaifi fintu, Shikulu asontele nabambipo amakumi cinelubali, no kubatuma babili babili ukumutangilila muncende namutumishi uko ali nokuya fika. ² Abebele ai, ''Amanala yalipile, lelo abakubomba balicepele. Kanshi lembeni kuli Shikulu engatuma abakubomba mwibala lyakwe. ³ Kabiyeni. Moneni, Namutuma nge mpanga mukati kamimbulu. ⁴ Mwisendapo tufyola twandalama, nangu nimutumba twafyola, nangu masanda kabili mwiposha mutende umuntu mumushi. ⁵ Inganda fe yonse iyo mukengilamo, pakubala mukasose ai, 'Umutende ube mono nganda!' ⁶ Nga mwapokelelya mulya, umutende wenu ukashale kuli bena, lelo nga teifyo umutende wenu ukabwelela kuli imwe. ⁷ Umo bamupokelela ikalenimo, akulyeni no kulya ifyo bamupekanishisha, pantu umubomfi uwa minwa icilambu cakwe. Mwilakushinguluka inganda ne nganda. ⁸ Umusumba onse uomwaigilamo, kaili bamupokelela, lyeni ifyo bamupela. ⁹ Mukaposhe nabakolwala muli iyo ncende. Mukasose ai, 'Ubufumu bwakwa Lesa bwaisa pali mwebo. ¹⁰ Elo mwaingila mu musumba kaili tabamupokelele, kabiyeni mu misebo musose ia, ¹¹ nolukungu lwa mumushi wabo lulikambatile ku makasa yesu elukaba kambone wesu! Lelo ishibeni ci: Ubufumu bwakwa Lesa buli mupepi. ¹² Nko myeba nati pa bushiku bulya cikawapo pafyo cali mu sodomu ukucila pali uyo umusumba. ¹³ Wekalanda we, kuli iwe Chorazin! Wekalanda, nakuli Betisaida! Nga cakweba ai ifyamaka fya citikile mu Tyre namu Sidoni, nga balilapile kale, nokufwala amasaka nokuisuba imitoi. ¹⁴ Cikawamapo kuli Tyre nakuli Sidoni mubushiku bwakupingula ukucila pali iyo. ¹⁵ Webo, Kapenamu, bushe ukotontonkanya ukuti nkatashiwa mumulu? Awe, ukasekwa. ¹⁶ Uyo uwaumfwa kuli imwe ninshi aumfwa kuli ine, na onsefye uwakana mwebo akana naine, nowakana ine akana nowantumine.'' ¹⁷ Abamakumi pabulababwelele ne nsansa, bakolandai, ''Shikulu, nangu fibanda twalikufitamfya mwishina lyenu.'' ¹⁸ Elo Yesu abebele ai, ''Namwene Satana alepona ukufuma kumulu nge myengelele. ¹⁹ Moneni, namupela amaka yakunyanta pa nsonka napali bakaling'ongo, napamakafe yonse ayamulwani, takuli necikamucimfya. ²⁰ Lelo mwisansamuka pantu mwacita ifi, pakutila imipashi ikongumfwila, lelo sekeleleni mucakwebai amashina yenu nga yali mumulu.'' ²¹ Kaili pakashita kalya alisansamwike mu mupashi nokusosai, ''Nko mulumbanya, mwe Tata, Shikulu wa mumulu ne calo, pantu mwafishilefi fintu kuba mano nokwishiba nokufisokolwela kubasulwa, ngo twana tunono. Eya,Tata, ifyo efyo cali ukuti mucindikilwemo. ²² Fyonse fe fi fyapelwe kuli ine ukufuma kuli Tata, kaili nangu umo taishiba mwena kamofe Tata, kaili takwaba uwaishiba kwishi kamofe Umwana noyo uwasalwa ku mwana ukusokolola ena.'' ²³ Kaili apilibukile ku basambi ayambile ukubeba kubumfisolo ai, ''Yalishuka amenso yenu ayakomona ifyo mukomona mwebo. ²⁴ Nkososa kuli mwebo ai, bakasesema abengi nesha mfumu balikufwaya ukumona ifyo mukomona, lelo balifye ukwabulo kufimonako, no kumfwa fintu mokoumfwa lelo tabafyumfwile.'' ²⁵ Moneni, imo iyishikweba ya malango yaishilepo yalamwesha, aiti, ''Kafundisha, kuti nacita ifindo pakuti imone ubufumu bwa mumulu?'' ²⁶ Yesu amwebele ai, ''Findo fyalembwa mu malango? ufibelenga shani?'' ²⁷ Alya sukile, ''Ulekutemwa Shikulu Lesa obe ku mutima obe onsefe, naku mweo obe onsefe, nakumaka yobe yonsefe, naku mano yobe yonsefe, kaili uletemwa umwima mupalamano ngefyo webo waitemwa. ²⁸ Yesu asosele kuli ena ai, ''Wasosa bwino sana. Kaiye kacite fyo ukuleka ube no mweo.'' ²⁹ Kaili alikufwaya ukuiwamisha umwine, ayebele Yesu ai, ''Ngo mwina mupalamano wandi ninani?'' ³⁰ Yesu amwasukile ai, ''Umuntu umo alikuma akotentemuka ukufuma ku Yerusalemu ukuya ku Yeriko. Aponene mu minwe ya fipondo, fyali mupumine nokumulepwila ififwalo fyakwe asukile afwe citu nokumusha. ³¹ Kuceshuko shimapepo akoisa akotentemuka muli ilya ine nshila, ilyo aloleshe ukumona, apitile ululamba lumbi. ³² Mumusango ngoyo, umwina Levi nao waisako, ilyo afikile pali ifi ncende webe amumone, nao apitile kumbali wamusha aya. ³³ Lelo umwina Samalia, wena ilyo alikupita muli iyi nshila, afikile nao pali iyi ncende. Webe amumone, wamumfwilile inkumbu. ³⁴ Ali mubulile no kukakila ifilonda, wamwitilepo na mafuta yakwe. Wamubika napanuma yakwe, wamutwele nakuli bakondapa, ukuti bamutenshe. ³⁵ Ubushiku bwakonkelepo, wabulile ba denari bakwe babili, nokupela kubakumusunga nokubeba ai, 'Mumubake bwino uyu, na shonse isho mukaposapo, nganabwela, nkamubwesesha.' ³⁶ Nani pali aba bantu batatu wingaba ukuti engaba umwina mupalamano wakwe uyu muntu?'' ³⁷ Wayaswike ai, ''Nuyu uwalangile uluse kuli ena.'' Yesu wamwebele ai, ''Nobe kabuye kacite ifyo fine.'' ³⁸ Kaili ilyo twalikuya tukoyenda, ena aingile mukamushi kamwefi, kaili namayo uweshine lyakwe ai Martha amupokelele mu nganda yakwe. ³⁹ Walikwete nkashi inankwe Maria, uyo uwaikele pamakasa yakwa Yesu nokula kumfwe cebo. ⁴⁰ Lelo Martha wena alipikintikefe ku kupekanya ifilyo. Waishile kuli Yesu nokusosai, ''Shikulu, bushe tamusakamene inkashi inandi indekele neka kukupekanya neka ifyakulya? Landeniko nankwe angafweko nao.'' ⁴¹ Yesu nao alimwaswike no kumwebai, ''Martha, Martha, wabo wafulwa nokucula sana pa fintu ifingi ngefyo, ⁴² lelo icintu icisuma nici, Maria asalile icintu icisuma, icitabale pokwa kuli ena.''