¹ Pali ilyanshita, abantu bamo balikumulondolwela napabena Galileya abo pilato ansakenye imilopa yabo kumalambo yakwe. ² Elo Yesu abasukie nokubeba ai, "Bushe mukotontonkanya abena Galileya ebaabembukiishapo ukucila pali bonse abashala mu Galileya? ³ Awe, nkomyeba. Nomnba amutalapitita, bonse mwakufwafe musnshila imo ine. ⁴ Nangu abo abalikumi nacine konse konse abamu silaamu abo ulupungu lwawilile nokubepaya, bushe mukotontonkanyo ukweba ai ebabembukishapo ukucila abantu bamu Yerusalemu? ⁵ Awe, nasosa. Nomba lelo ngatamulapiile, namwebene bonsee mukafwa." ⁶ Yesu abebele uyumulumbe ai, "Umuntu umo alikwete icimuti camukunyu ico alimbile mwibala lyakwe kaili alishile mukufwayako ifisabo kuli ceena lelo tasangileko ne cimo. ⁷ Asosele kulikasunga webala ai, 'Mona, pamyaka itatu ndesa mukufwaya fisabo kulici cimuti camukunyu lelo ntasangako nangu cimo. Citeme. Nga cindo cikolekelelwo konaulo mushili? ⁸ "Kasunga webala ayasukile nokusosa ai, 'shikulu cilekeni uno mwaka elo ndeimbe cilindi muli ceena nokubikamo mufundo. ⁹ Ngacakutwale fisabo uyu mwaka, cakuwama; nomba atacakatwale kuciputula!' ¹⁰ Nomba Yesu alikufunda mu Sinagogi imwefi pe sabata. ¹¹ Moneni kwali namayo uwakwete umupashi wakowela pamyaka ikumi limo nacine konse konse. Ali uwakonkomana kaili tekuti ololoke. ¹² Ulo Yesu amumwene, alimwitile nokusosa ai, "Wemwanakashi, wabulubulwa kucisendo cobe." ¹³ Abikile amaboko yakwe pali ena, palya pene alyololokele naikaili alumbenye na Lesa. ¹⁴ Lelo intungulushi yamu Sinagogi yalikalipile pantu Yesu aposeshe pe sabata. Kaili ayasukile nokusosa kwibumba ai, "Kwali nshimutanda ishakubombamo imilimo. Iseni muposhiwe lelo tepa bushiku bwape sabata." ¹⁵ Elo shikulu amwasukile noku sosa ai, "Mwebabumbi munda! Bushe ninani pali mwebo uutengakakula ing'ombe yakwe nagu punda mwicinka nokuitwala kukunwa amenshi pe sabata? ¹⁶ Eco noyu wine mwana Abrahamu umwanakash , uo ciwa akakile pamyake iingi ikumi limo na cine konse konse, bushe tekuti bamukakule pe sabata?" ¹⁷ Ulo asosele ifi fintu, bonse abalikumutaalika baumfwile nsoni, nombe bumba lalikwanga pafya bune fyonse acitile. ¹⁸ Eico Yesu asosele ai, "Bushe ubufumu bwakwa Lesa bwaba shani, kaili nindo ninga bupalanyako? ¹⁹ Caba ngo luseke lwalubanga ulo umuntu abulile nokuposa mwibala, kaili lwakulile mu cimuti icikulu, ngefyoni fyamu mulu fyaisa kubikako ifiinsa kumisambo yaciko." ²⁰ Nakaili asosele ai, "Cindo ningalinganyako nubufumu bwa kwa lesa? ²¹ Caba nge citutumushi namauo abuula nokusankanya nefi pimo fitatu ifya buunga bwa ng'ano pankafe fyasakututumuka." ²² Eico Yesu aendele mumisumba namumishi, ukufunda nokupange nshila yaku Yerusalemu. ²³ Umo asosele ai, "Shikulu, bushe bantufe abanono eba kapusuka?" Eico asosele kuli bena ai, ²⁴ "Bombesheni pakwingila pamwinshi wakamfyamfye, pantu, nkososa kuli mwebo ai, abengi bakweesho ukwingila, nomba tabakengile. ²⁵ Elo umwine wang'anda akwimina nokufumina panse nokuisalamo, kaili mwakwiminina panse nokukonkonsha nokusosa ai, 'Shikulu, shikulu, tulekeni twingile.' "Akwisa kwasuka nokusosa ai, 'Ntamishibile nangu ukomwafuma.' ²⁶ "Kaili mwakusosa ai, 'Twalikulya nokunwa muntashi yenu kaili mwalandile munshila shesu.' ²⁷ "Nomba akesakubwesha ai, 'Nkomweba ai, ntamishibile uko mufumine. Ntalukeni, bonse bakabomba bamumfinshi.' ²⁸ kwakubo ukulila nokusumanya amen ulo mwakumona Abrahamu, Isaaki, Yakobo nabakasesema bonse abamubufumu bwakwa Lesa, nomba ninshi muliposelwe kunse. ²⁹ Bakufuma ku kabanga, kumasmba, kukapinda kaku cipiko, nakukapinda kakumulyo, nokwikala petebulo mubufumu bwakwa Lesa. ³⁰ Ishibeni fi, abo abakulekelesha ebakaba bantashi; abantashi nabo bakuba abanuma." ³¹ Mukashita kamokene, aba Falise bamo balishile nokwisa kusosa kuli ena ai, "Kabiye kaili fume kuno pantu Herodi akofwayo kukwipaya." ³² Yesu asosele ai, 'Kai yeni kaili kabeni uyo mumbwe, 'Moneni, ndafunye fibanda nokuposhe lelo namailo, nobushiku bwakulekanga butatu elo nkafikilisha ifyonakonka.' ³³ Namumulandu onse, nacilinga nebo ukukonkanyapo ubulendo lelo, mailo, nobushiku bukakonkapo, pantu tacasuminishiwa pali kasesema ukumwipaya kunse ya Yerusalemu. ³⁴ Yerusalemu, Yerusalemu, wewipya bakasesema batuminwe kuli webo nokubapoola amabwe. Nipamiku inga nalikufwayo ukulonganya abana bandi ngafilya nankoko afukatilo twana twakwe mumapindo, nomba tamwali kufwaya ci. ³⁵ Mona, ing'anda yobe yashalacipompwa. Nkomyeba ai, tamwakambonepo kanofe mukasose ai, 'Alishuka nuyouwishila mwishina lyakwa shikulu.'