¹ Nashimapepo mukalamba asosele ai, ''Bushe ifi fintu cishinka?'' ² Stefano asosele ai, ''Ba muninane na batata, mumfwe kuli nebo: Lesa uwabukata amonekele kuli shifwe Habrahamu ulo ali mu Mesopotomia, libe talaikala mu Halani. ³ Asosele kuli ena, 'Fuma ku calo cobe nakuli balupwa bobe, kabiye noko nkokulanga.' ⁴ ''Elo pakufuma ku calo ca Kaldi no kwikala mu Halanni; ukufuma kulya, panuma ba wishi bafwa, Lesa alimuletele muli cino calo, ico mukoikalamo nomba. ⁵ Kabili tapelepo nangu umo, awe, takwete nangu pakunyato lukasa. Lelo alibalaile- nangufe Habrahamu ali talakwato umwana- ukuti akabepa icalo no kucikwata kuli ena elo nabana bakwe. ⁶ Lesa alikulanda nankwe nge fi, abamubufyashi bakwe bakekala mu ncende imbi pa nshita imo, abakalekubateka bakale kubacito busha no kulekubacusha pa myaka imyanda ine. ⁷ Lelo nkapingula icalo icikabateka ubusha; efyo Lesa asosele, no kumapo bakabwela ku calo no kwisa mipepa.' ⁸ Elo Lesa apele Habrahamu icipangano cakuleku sembululwa, kanshi Habrahamu ali ni wishi wakwa Isaki nao alimusembulwile pa bushiku bwalengele cine konse konse; Isaki ali ni wishi wakwa Yakobo, na Yakobo wishi wa fikolwe ikumi na babili. ⁹ ''Pa mulandu wa bufuba bwa fikolwe fya fubile Yosefu, bali mushitishe mu Egypiti; lelo Lesa ali nankwe. ¹⁰ Noku mupokololako ku macushi alimo. Alipele Yosefu ububile mu menso yakwa Falao imfumu ya Egyipti, uwasalilwe ukuba kangalila wa mu calo ca Igipti napaba nganda yakwe. ¹¹ Nomba ulo icipowe no kumanama kwa ponene pa calo ca Egypti ne calo ca Kenani, na bashifwe tabakwete filyo. ¹² Lelo ulo Yakobo aumfwile ai emo shili ngano mu Egypti, alitumineko bashifwe pa lwendo lwa kwamba. ¹³ Palwendo lwa cibili Yosefu alisokolwele kuli ba wabo, no lupwa lwakwa Yosefu lwalishibikwe kuli Falao. ¹⁴ Yosefu alitumine ba wabo ukuya nkonkela Yakobo shibo ukuya ku Egypti, no lupwa lwakwe lonse, amakumi cine lubali na basano bonse pamo. ¹⁵ Kanshi Yakobo atentemukile ku Egypti, kukuya kufwila kulya, elo nabashifwe. ¹⁶ Baile kulosesha ku Shekemu nokuya kushika mu manda iyo Habrahamu ashitile iya mutengo kubana bakwa Hama mu Shekemu. ¹⁷ ''Ulo inshita ya malayo yafikile, amalayo ayo Lesa alaile Habrahamu, abantu balisandulukile mu Egypti. ¹⁸ Mpaka ulo kwaimine imfumu imbi mu Egypti, uutaishibilepo fintu pali Yosefu. ¹⁹ Alicengelele abantu besu nokubapakasa, ukubapatikisha ukwipaya utwana tunono pakuti twiba no mweo. ²⁰ ''Naiyo nshita Mose alifyelwe; aliweme ku menso yakwa Lesa elo aonkelefye imyenshi itatu kubafyashi bakwe munganda yakwa wishi. ²¹ Ulo abikilwe kunse, mwana Falao mwanakashi alimubulile noku mukusha kwati mwana wakwe. ²² Monse alisambilishe amano yonse aya bena Egypti, nao alishibile amashiwi ne milimo ikalamba. ²³ ''Lelo ulo afishishe imyaka amakumi yane, caishile mu mano yakwe ai mpempleko ulupwa, abana ba Israeli. ²⁴ Amwene umwina Israeli balemucusha, Mose ali mucingilileko elo amulandwileleko kuwale pumwa paku muminako umwina Egypti: ²⁵ Atontonkenye ukuti munyina kuti ailuka ai Lesa, ku kuboko kwakwe, alebapele pusukilo, lelo tabailwike iyoo. ²⁶ Bushiku bumbi amonekele kuli bena ulo balelwa, alileko alekufwaya ai abikepo umutende pakati kabo, alisosele ai, 'Mwebaume, mulife ndume; nomba cindo mukolwila? ²⁷ ''Lelo uwalufyenye umunankwe amukantwile, no kumweba ai, 'Nani wakusala ukuba intungulushi pali fwebo? ²⁸ Ukofwaya ukujipaya filya waipeye umwina Egypti mailo? ²⁹ Mose alibutukileko panuma yakumfwa ilyashi; aileba umulebeshi mu calo ca Midiani, uko afyelekofye abana baume babili. ³⁰ ''Ulo imyaka amakumi yane yapitile, malaika amonekele kuli ena mu matololo ya lupili lwa Sinai, mulubingu lwa mulilo. ³¹ Ulo Mose alimwene umulilo, alisungukile pafyo amwene; elo apalamineko ukuti amone, ishiwi lyakwa Lesa lyalishile, asosele ai, ³² 'Ninebo Lesa wakwa Wiso, Lesa wakwa Habrahamu, na Isaki, na Yakobo.' Mose alitutumine elo tashipile na muku lolesha. ³³ ''Shikulu asosele ai, 'Fula isapato sha makasa yobe, pantu incende wimininepo ya mushilo. ³⁴ Ndi mwene ukucula kwa bantu bandi mu Egypti; ndyumfwile ukulila kwabo, eco kanshi ndikile mukubalubula; nomba isa, nkokutuma ku Egypti.' ³⁵ ''Uyo Mose uwo basalile, ulo balesoa ai, Nani akusonta ukuba intungulushi na kapingula?'- ali muntu Lesa atumine ukubae ntungulushi pamo pene noku balubula. Lesa atumine Mose ukupitila ku kuboko kwakwa malaika uwamoneke mu lumpunsa. ³⁶ Mose alibafunishe ku Egypti, panuma yakucite fisungusho ne fishibilo mu Egypti na pali Bemba Wakashika, na mumatololo pa myaka amakumi yane. ³⁷ ''Cimo cine Mose uwasosele ku bena Israeli, 'Lesa akamimisha kasesema muli mwebo, kasesema nga nebo.' ³⁸ Uyu emuntu wali mwi Hema lyali mu matololo na malaika uwakulanda kulupili lwa Sunai, uwali naba shifwe, uwalepokelela amashiwi ya mweo ayakuyupela. ³⁹ ''Lelo bashifwe belekukana ukulekumfwa; bali kantwile pali bena, na mu mitima yabo babwelele ku Egypti. ⁴⁰ Na pali ilya nshita basosele kuli Aloni, 'Tupangile umulungu wakututungulula. Panuma yaifi Mose, uwatufumishe ku Egypti, tatwishibe ificitike kuli ena. ⁴¹ Kanshi balipangile umutepa wa ngombe muli shilya nshiku no kulakuya ku kutula amalambo ku mulungu, no kulakusekelela pafyo bakocita. ⁴² Lelo Lesa alipilibwike no kubapela ukupepe ntanda sha mu lwelele, ngefyo calembelwe mu buku lyaba kasesema, 'Bushe mwalindetele ifyakuninika na malambo, we nganda yakwa Israeli? ⁴³ Mwalisumine ihema lyakwa Mleki no lutanda lwa mulungu Refani, nefimpashanya ifyo mulekupepa: nkamifumisha ukucila ku Babele. ⁴⁴ ''Bashifwe balikwete ihema lya bunte mu matololo, ngefyo Lea aebele ulo alekulanda na Mose, ukuti apange kwati mu musango acimwenenemo. ⁴⁵ Panuma, bashifwe, batungulwilwe na Yoshua, bakwete hema ilyo bafumine nalyo no kuya nalyo ku calo ca bulayo. Lesa alipokele calo nokubafumyamo ku cinso caba shifwe. Ne hema lyaikelefe mu calo mpaka ukufikafe ku nshita yakwa Davidi, ⁴⁶ uwasangilwemo bune mu menso yakwa Lesa, alipwishe nga kuti amukulile ku nganda yakwa Yakobo. ⁴⁷ Lelo ni Solomoni ewakulile Lesa inganda. ⁴⁸ ''Nangufe, Lesa uwapulamo tekala mu mayanda ya pangwa na maboko, ngefyo kasesema asosele ai, ' ⁴⁹ Umulu ecipuna candi, ne calo icakunyatapo amakasa yandi. Ninganda ndo mwinga nkulila nebo? efyasosele Lesa, nangu ni kwisa nkotushisha? ⁵⁰ Bushe te maboko yandi yapangile ifi fintu? ⁵¹ ''Imwe mweba solomoke mikoshi, mwebata sembululwa mu mitima na matwi, lonsefe mukana umupashi wa mushilo; mulecita ifyalecita bashinwe. ⁵² Ni kasesema ndo batapakese? Balekwipaya naba kasesema abatangilile no kwisa kwa mulungami; uwo imwe mwafutukako noku mwipaya, ⁵³ mwe bantu bapokelele amafunde ayo malaika asubile, lelo mwebo tamwayabakile.'' ⁵⁴ Nomba ulo abantu baumfwile ifi fintu, balipile mitima nabo balisengenye ameno pali Stefani. ⁵⁵ Lelo ena, pakwisushiwa no mupashi wa mushilo, alipunamine mu mulu kumono bukata bwakwa Lesa; elo amwene Yesu naiminina ku kuboko kwa kulyo kwakwa Lesa. ⁵⁶ Stefani asosele ai, ''Moneni, Nkomone myulu ilisukile, no Mwana wa Muntu aliminine ku kuboko kwa kulyo kwakwa Lesa.'' ⁵⁷ Napali ici abantu balisele amatwi yabo, no kubilikisha ishiwi likulu, bamukalukile bonse pamo. ⁵⁸ Balimusunkile kunse ya musumba no kwamba ku mupola amabwe. Na bakambone bafulile amalaya yabo pa makasa ya mulumendo we shina Saulo. ⁵⁹ Ulofe balekele kupola Stefani, abilikishe kuli Shikulu nokusosa ai, ''Shikulu Yesu, pokeleleni umuoashi wandi.'' ⁶⁰ Alifukeme no kubilkisha shiwi likalamb, ''Shikulu, mwiba pa mulundu.'' Ulo apwile ukusosefi