¹ Saulo, alekusuminishanya nabo pali iyi mfwa. Kanshi kwali tampile muli bulya bushiku ukupakaswa kukalambakwa nkuta ishali mu Yerusalemu; na basumina bonse bafulumukile ku mipaka ya Yudeya na Samaliya, ukufunyakofe abasole. ² Abanakila Lesa balishikile Sitivini no kulosha ku kalamba. ³ Lelo Saulo alekonaula ulukuta. Alikwingila cila nganda, uku kulamo abaume na banakashi, no kubabika mucifungo. ⁴ Eico abaslanganine baile baleshimikila icebo. ⁵ Filipo atentemukile ku musumba waku Samaliya no kushimikila kuli bena ulwa kwa Klistu. ⁶ Amabumba ya bantu baleumfwikisha kufyo alekusosa Filipo; no mutima umo, balekumona nefishibilo alekucita. ⁷ Nemipashi ya kukowela yalekufuma kuba kwete, no kubilikisha apakalamba, na bengi abali no bulebe na balema baleposhiwa. ⁸ Kanshi mwali ukusekelela ku kalamba mu musumba ulya. ⁹ Lelo kwali umuntu mu musumba weshina lya Simoni, uwaliko indoshi; alesungusha abekashi ba mu Samaliya uwo baletungo ukuba uwacindama. ¹⁰ Abena Samaliya bonse, ukufuma pamunono ukufikafe napa mukalamba, balekukutika kuli ena; balekulanda ai, ''Uyu muntu emaka yakwa Lesa mukulu. ¹¹ Balikukutika kuli ena pamulandu alekubapapusha pa nshita iitali mu manga yakwe. ¹² Lelo ulo batetekele Filipo ngefyo alebele mbila nsuma iya bufumu bwa kwa Lesa ne shina lyakwe Yesu Klistu, balibatishiwe, bonse abaume na banakashi. ¹³ Nangu ni Simoni wine alisumine, na panuma ya kubilishiwa alikele na Filipo. Lelo ulo amwene ifishibilo ne milimo ikalamba, alisungukile. ¹⁴ Nomba ulo abatumwa mu Yerusalemu baumfwile ai mu Samaliya naba pokelela cebo cakwa Lesa, balitumineko Petelo na Yoani. ¹⁵ Ulo batentemukile, balipapatile, ukuti bapokelele umuoashi wa mushilo. ¹⁶ Pantu ukufika pali ilya nshita, umupashi wa mushilo ninshi tawaishilepo pauloi onse pali bena; babatishiwefe mwishina lyakwa Shikulu Yesu. ¹⁷ Elo Petelo na Yoani batambalikile amaboko pali bena, elo bapokelele umupashi wa mushilo. ¹⁸ Nomba ulo Simoni amwene ukuti umupashi wa mushilo naupelwa ukupitila mukubikwapo amabiko yabasole, alibapele indalama. ¹⁹ Asosele ai, ''Mpeniko aya maka, nebo, ukuti onsefe uyo nkotambikapo amaboko apokelele Umupashi wa Mushilo.'' ²⁰ Lelo Petelo asosele kuli ena, ''Indalama shobe kabiye nasho mubonaushi, pantu uletontonkanya ai ukopoka icabupe cakwa Lesa pandalama. ²¹ Taukwete cakaniko nangu ulubali muli uyu mulandu, pa mulandu wa mutima obe tauwamine Lesa. ²² Eico lapila pali ulu lubembu lobe, elo pepa kuli Shikulu, ekuti iwe ubelelwe uluse ku kukabila kwa mutima obe. ²³ Pantu mdemona ai uli musungu bwa bwanga na mufikakilo fyakuta sanguluka. ²⁴ Simoni alyaswike no kusosa ai, ''Mpepeleniko kuli Shikulum pakuti nangu kamo pafyo mwasosa fisakumponena nebo.'' ²⁵ Ulo bapwilefe ukushinikisha no kusosa amashiwi yakwa Shikulu, Petelo na Yoani ba bwelele ku Yerusalemu, no kushimikila mbila nsuma ku mishi iyingife iya ku Samaliya. ²⁶ Nomba malaika wakwa Shikulu asosele kuli Filipo no kulanda ai, ''Ima nokuya kukapinda kaku kulyo ukuloal ku Yerusalemu ku Gasa.'' (iyili mu matololo.) ²⁷ Alimine no kuya. Moneni, kwaliko umuntu umo ukufuma ku Ethopia, mutungwi mukatami wakwa katendeke na mfumu waku Ethopia. ²⁸ Ali akobwela alikele mwi celeta, aleku belenga muli Esaya kasesema. ²⁹ Umupashi wasosele kuli Filipi ai, ''Kabiye ulekuya ku mwishishako kulili celeta.'' ³⁰ Kanshi Filipi alibutukile kuli ena, nao amumfwile akobelenga muli Esaya kasesema, nokumweba ai, ''Uko umfwefyo kobelenga?'' ³¹ Elo asosele ai, ''Kuti naumfwa shani, kamofe umo antungulula?'' Akutile Filipi ukwingila mwiceleta no kwikala nankwe. ³² Nomba amalembo alekubelenga umwina Ethopia yali ngaya, ''Alitwele nge mpanga mukwipaiwa, kabili filya ilambo liba tondolo ku uleibeya, kanshi ta asamwine kanwa. ³³ Muku cendwa kwakwe umulinganya walifuminepo pali ena. Ninani uwinga londolole nkulo ya bana bakwe? Pantu umweo wakwe ulisendelwe pano calo. ³⁴ Kanshi mutungwi aipusha Filipi, no kulanda ai, ''Nkopapata, ngebeni ninani uyo kasesema akolandapo, mwine, nangu niumbife?'' ³⁵ Filipi atampile ukulanda, no kutampilam naya malembo ashimikile imbila nsuma pali Yesu kuli ena. ^{37 36} Ulo bale enda pa musebo, baile kusanga amenshi na mutungwi asosele ai, ''Moneni, amenshi aya. Cindo cikondesha ukubatishiwa?''37 ³⁸ Kanshi umwina Ethopia aebele celeta ukwiminina. Na bonse babili batentemulile ku menshi na Filipi, alibatishe mutungwi. ³⁹ Ulo baiminine ukufuma mu menshi, umupashi wakwa Shikulu wafumishepo Filipi, na mutungwi tamumwene na kabili, lelo alikuya alesekelela. ⁴⁰ Lelo Filipi alimonekele ku Asonte no kupitamo muilya ncende, alebila imbila nsuma ku misumba yonse ukufika ku Kaisarea.