¹ Ici ecebo ico Yahweh apampamike palwa Babiloni, icalo ca bena Kaldin, mu kuboko kwakwa Yeremia kasesem, ² ''Landa ku nko elo ubalange bomfwe. Imya pamulu ilamfya no kubalenga bomfwe. Tekwesha ukucifisa ici. Landa ati, 'Babiloni alisendelwe. Bele alilengelwe indoni. Maduki ali no mwenso. Utulubi twakwe tulilengelwe insoni; ifipashanya fya tuko fili ifyabunani,' ³ Uluko ukufuma ku kabanga cili no kwima ukulwa pali ici, no kulenga icalo cakwe ukupomonwa. Takuli nelyo umo uuli no kwikala muli ico; bonsefye abantunse ne finama fili no kufulumuka ukuya. ⁴ Munshiku shilya na panshita ilya-uku ekulanda kwakwa Yahweh-abantu bakwa Israeli na bantu bakwa Yuda balinokwisa pamo ku kuya ne filamba no kufwaya Yahweh Lesa wabo. ⁵ Bena bakalekwipusha inshila ya ku Sione elo bali no kuloshako ifinso fyabo kuli lwena, balandile ati, fwebo tuli no kuya no kuilundako fwenefye fweka kuli Yahweh mu cipangano ca muyayaya ico icitakabe icakulabwa.'' ⁶ Abantu bandi bali ngo mukuni wa mpanga uwaluba. Bakecama babo bakobatungulula mukulubanta mu mpili; bena balyalukile kuli bo ukufuma ku lupili na kulupili. Bena balile, bena balilabile incende iyo bena bakwikalapo. ⁷ Uuli onse uyo uwaya uwafuma kuli bo bakomulya kuli bo. Bakakoselesha ba balandile ati, 'Fwebo tatuli no mulandu, pantu bena balibembukile Yahweh, ing'anda yabo ya cishinka-Yahweh, isubilo lya fikolwe fyabo.' ⁸ Fulumukeni ukufuma mukati na nkati ka bena bena Babiloni; kabiyeni kunse ukufuma mu calo ca bena Kaldini; beni nge mbushi ishilume isho ishalikuitungulula mukutusha ngefyo umukuni walikucita. ⁹ Pantu Boneni, nebo ndi palwa kubusha no kwimya pa mulu ibumba lya nko ishikulu ukufuma ku kabanga ka ku Babiloni. Bena bali nokuiteyanya abene beka ukulwa na ena. Babiloni ali no kuba uwakatwa ukufuma kulya. Imifwi yabo shaba nge mpalume sha bulwi isho ishitabwelelemo ne minwe-ishitakwete kantu nangu kamo. ¹⁰ Abena Kaldini cili no kwisakuba icakutapwa. Bonse abo abakocitapa bali no kuba abaikuta-uku ekulanda kwakwa Yahweh. ¹¹ Mwebo mulisekekele, mwasefya ukusansa icikwatwa candi; webo uulitolokele ukushinguluka ngo mwana wa ng'ombe mu mulemfwe wauko; webo waba kwati ni kabalwe wa kukosa. ¹² Eico noko obe ali no kuba uwa nsoni icibi; umo uyo uwamufyele ali no kuba uwase bana. Bona, ena ali no kuba uwakucepesha mu nko, amatololo, icalo ca cilala, ne ciswebebe. ¹³ Pamulandu wa bukali bwakwa Yahweh, Babiloni tali na kwikalwamo, nomba ali no kuba icibolya icapwililika. Uuli onse uyo uwapitamo ali no kupapa pamulandu wa Babiloni elo ali no kulisha umunsoli pa mulandu wa filonda fyakwe fyonse. ¹⁴ Ipekanyeni mwe bene mweka ukulwa na Babiloni bonse mu mushinguluke ena. Uuli onsefye uyo uwabendamika imbale ya kufonka afwile ashutwa pali cena Tekwesha ukusunga nangula ukubwesha imifwi shenu ishili shonse, pantu ena alibembukile kuli Yahweh. ¹⁵ Welesheni pundeni pali ena bonse ukumushinguluka! Ena ali cimbile; incenshi shakwe shiliponene; amalinga yakwe yalibongolokele panshi, pantu ici cilandushi cakwa Yahweh. Piteni icilandushi pali ena! Citeni ena ngefyo na ena acitile! ¹⁶ Onauleni bonse umulimi uyo uuletanda ulubuto na umo uyo uukobomfya icikwakwa pa nshita ya kulobolola mu Babiloni. Lekeni umuntu no muntu aluke abwelelemo ku bantu bakwe ukufuma mukulaswa kwa lumpanga; lekeni bena bafulumukile calo cakwabo. ¹⁷ Israeli ni mpanga iikolungwa iikotamfiwa ku nkalamo. Pakutampa imfumu ya ku Asiria yali mulile ena; panuma yaifi eluntu, Nebukatinesari imfumu ya ku Babiloni ya funikile amafupa yakwe. ¹⁸ Eico Yahweh wa milalo, Lesa wakwa Israeli, alanda ifi ati: Bona, nebo ndi palwa kukanda imfumu yaku Babiloni ne calo cakwe, ngefyo nebo nakandile imfumu yaku Asiria. ¹⁹ Nebo ndi no kwibwekesha Israeli ku bwikalo bwa ku calo cakwe; ena ali no kulya umulemfwe pali Kamele elo na Basheni. Eluntu ena ali no kwikuta mu calo ca mpili icakwa Efulemu na mu Gileadi. ²⁰ Mulisho nshiku na pasnhita ilya, Yahweh alandile ati, amampulu yali no kuba ayalolekeshiwapo muli Israeli, nomba tapali abasangilwepo. Nebo ndi palwa kufwaya imembu sha bena Yuda, nomba tapali nangula bamo abakasangwapo, pantu nebo nkelela abashalapo nebo nashilepo.'' ²¹ Imeni no kulwisha icalo ca Merataimu, cilwisheni na bamo abekashi ba mu Pekodi. Bena mubabike ku lupanga no kuba pakonaulwa-uku ekulanda kwakwa Yahweh-cita ifintu ifili fyonse ifyo nebo nkokukonkomesha webo. ²² Ifiunda fya bulwi no kutobaulwa kwa bonaushi kuli mu calo. ²³ Ifyo sando ya fyalo fyonse iputwilwemo no konaulwa. Ifyo Babiloni eshile kuba incende iya onaulwa munko. ²⁴ Nebo ndikwete iciteyo pali webo na webo ukopitwa, we Babiloni, elo webo tauli na kwishiba pa lwa ciko! Webo ulisangilwe elo uuliketwe, pantu webo wa licitile ulubuli kuli Yahweh. ²⁵ Yahweh aliwile umwakututila mwakwe elo alifumishe kunse ifyanso pa kufumyapo ubukali bwakwe. Pantu kuli umulimo kuli Shikulu Yahweh wa milalo mu calo ca bena Kaldini. ²⁶ Musanseni ena ukufuma apakulepesha. Isuleni amabutala Yakwe elo mu mutulike ena pamu ngefyo batulika imina sha ng'ano. Mubikeni ena pakonaulwa. Kwaliba nangula bamo abaleshalapo pali ena. ²⁷ Payeni ing'ombe shakwe shonse ishilume. Shitumeni shena shiye ku ncende ya kushipailako. We bulanda kuli bo, pantu ubushiku bwabo bulishile-inshita ya pakukandwa kwabo. ²⁸ Kuli ciunda cabo abakafulumuka, abo abapusukile ukufuma mu calo ca Babiloni. Ifi fili no kulondolola icilandushi cakwe Yahweh Lesa pali Sioni ne cilandushi ca petempele lyakwe.'' ²⁹ ''Iteni bakaposa wa mfiwi pali Babiloni-bonse ababendekele imbale shabo ishakufonka. Mpangeni inkambi ukulwisha ena, mwileka nangula umo ukufyuka. Landeni kuli ena pafyo acitile. Citeni kuli ena icipimo ico ena abomfeshe. Pantu ena alitusaukile Yahweh, umo uwamushilo wakwa Israeli. ³⁰ Eico abalumendo bakwe bali no kuponena mu mansa sha mu musumba, na bonse abaume bakwe ababulwi bali no kuba abaonaulwa pali bulya bushiku-uku ekulanda kwakwa Yahweh.'' ³¹ ''Bona, nebo nkokulwisha webo, weuitutumuna-uku ekulanda kwakwa Shikulu Yahweh wa milalo-pantu ubushiku bobe bulishile, weuitutumuna, inshita uluntu nebo ndi no kukukanda webo. ³² Eico weuitutumuna uli no kuipununa no kupona. Takuli nangu umo uuli no kubemya bena pamuli. Nebo ndi no kukoleka umulilo mu misumba shabo; uli no koca ifintu ifili fyonse ifyashinguluka kuli ye. ³³ Yahweh wa milalo alanda ici ati: Abantu bakwa Israeli bkocushiwa, pamo na bantu bakwa Yuda. Bonse bamo abo abaiketwe kuli bo bacili na bekatililwa kuli bo; bena balikene ukubalekelako ukuti baye. ³⁴ Umo uyo uukobalubula bena wa kukosa. Yahweh wa milalo eshina lyakwe. Ena ali uwa cishinka ukulubulula itipu lyabo, mu muyano ku kuleta ukutusha ku calo, no kuleka ukutekanya kuli bamo abekashi bamu Babiloni. ³⁵ Ulupanga lulimine abena Kaldini-ici eco Yahweh apampamikile-elo lulimine abeksha ba mu Babiloni, bantungulushi bakwe, na baume bakwe abamano. ³⁶ Ulupanga lulimine abo abalanda amashiwi! Bena bali no kwisakuba ifipuka! Ulupanga lulimine abashika bakwe! Bena bali nokuba abaiushiwamo no kututuma. ³⁷ Ulupanga lulishile pali bakabalwe babo, amaceleta yabo elo na bantu bonse abo aba bamukati ka bena Babiloni, eico bena balinokwisa kuba ngo mwanakashi. Ulupanga lulishile pa miputule shakwe ishakusungilamo ifintu, na bena bali nokuba abapokwa. ³⁸ Icilala cilisile pa menshi yakwe, eico bena bali no kwisa kuba abakamwa. Pantu umwanakashi calo cifimpashanya fya tulubi twakubaswa, na bena bakacita nga bantu abalenga ukupena ku kuitakisha kwa filubif fyabo. ³⁹ Eico inama ishili isha mu ciswebebe umutaba kantu nangula kamo na ba mwakatala ifili no kwikala kulya, ne finama fya mu matololo fili no kwikala muli ena. Pantu inshita yonse, umutu takabe uwaikalwamo. Ukufuma ku nkulo na kunkulo, umuntu tali no kuba uwakwikalamo. ⁴⁰ Ifyo cali ulo Lesa awishishe Sodoma elo na Gomora na bena mupalamano babo-uku ekulanda kwakwa Yahweh-takuli nangula umo uuli no kwikala kulya; takuli umuntunse uuli no kwikala muli ena.'' ⁴¹ ''Bona, abantu balishile ukufuma ku kabanga; uluko ulukulu ne sha mfumu ishingi balimishiwe pamulu ukufuma mufiputulwa fya kulepesha ifya pe sonde. ⁴² Bena bali no kupiita imbale sha kufonka ne mifwi. Bena bankalwe elo tabakwata ne nkumbu. Iciunda cabo cili nga bemba uukopoma, na bena balininine pali bakabalwe, balikwiteyanya mu muyano wa bulwi ngo mwaume, uwakulwisha webo, we mwana mwanakashi wakwa Babiloni. ⁴³ Imfumu ya ku Babiloni amalyashi palwa pali bo na maboko yaiko yalitompokele mukucululuka. Ukushikitika kuli ye ngo mwanakashi uuko paapa. ⁴⁴ Boneni! Ena alile pamulu nge nkalamo mu mushitu ya Yodani ku ncende ye cinka ilya lekeleshako pantu nebo ndi no kwangufyanyako ukubalenga ukubutuka ukufuma muli co, na nebo ndi no kubikapo umuntu umo uyo uuli no kuba uwasalwa ukubombela pali ci. Pantu ni nani uyu uwaba nga nebo, no yo uuli no kulubulula na nebo? Bushe ni kacema ndo uukotalama kuli nebo? ⁴⁵ Eico umfweni ku mapange ayo Yahweh asalile Babiloni, amapange ayo ena apangile ukulwisha icalo ca bena Kaldini. Bena inshiku ishingi baba abakulululwa, nelyofye twana twa panga utwa kucepesha. Ififulo fyabo fili no kuba ifya bweluluka mu ncende icibolya. ⁴⁶ Pa ciunda ca kuwa kwakwa Babiloni isonde lyalisunkene, no kupunda kwa nkutta shabo kulyumfwikile mu nko.''