¹ Ku bantu bakwa Amoni, Yahweh alanda ifi, ''Bushe Israeli takwata abana? Bushe takwaba nangu umo uwinga[ppyana ifili fyonse mu Israeli? Cindo ico Moleki apyanine Gadi, elo na bantu bakwe bekalile mu misumba? ² Eico boneni; inshiku shikoisa-ifi efyo Yahweh alanda- uluntu nebo ikalanga icishibilo ca ciunda ca bulwi ku Raba napa bantu ba bena Amoni, eico ikesaba ifitantala elo ne mishi yabo ikapya ku mulilo. Pantu Israeli akapya abo abamupyene ena,'' efyalanda Yahweh. ³ ''Losheni imisowa, Hesheboni, pantu Ai alyonawilwe! Pundeni, mwe banakashi bakwa Raba! Fyaleni insamu. Losheni elo no kubutukila mu macinka, pantu Moleki akaya muli bunkole, pamo na bashimapepo wakwe elo ne ntungulushi. ⁴ Cindo ico uitakishisha mu mupokapoka obe, umupokapoka obe uutwalisha ifisabo, umwanakashi uwabula icishinka? We wasumina mu fyuma fyobe no kulanda ati, 'Nani akesa kuli nebo?' ⁵ Bona, nebo ndi mukuleta icakutinya kuli webo-ifi efyalanda Shikulu Yahweh wa mabumba- ifi fyakutinya fikesa ukufuma kuli abo bonse abakushinguluka webo. Cila umo kuli mwebo akafulumuka panumma ya ici. Takwakabe nangu umo ukakolonganya abo abakabutuka. ⁶ Lelo panuma ya ifi ikabwesha bankole ba bantu ba bena Amoni-ifi efyalanda Yahweh.'' ⁷ Kuli Edomu, Yahweh wa mabumba alanda ifi, ''Bushe takuli abali bonse abamano abasangilwe mu Temani? Bushe abapanda amano na baluba ukufuma muli abo abomfwikisha? Bushe amano yabo yalyonaikile? ⁸ Fulumukeni! Bweleleni! Kekaleni mu ncengo mu fibansa, mwebekashi ba mu Dedani. Pantu nebo nkaleta ubucushi bakwa Esau pali ye pa shita iyo ikamukanda. ⁹ Abakasombola umwangashi nga balishile kuli mwebo, bushe bena tekuti basheko utunono utwakutolelesha kunuma? Abapya nga balishile mu bushiku, bushe bena tekuti bebe nga umo balefwaila abene? ¹⁰ Lelo nebo nkapokolola Esau no kumusha nangu cimo. Nebo ikafimbula umwakubelama mwakwe. Eico ena takakwanishe mu kubelema kwakwe. Abana bakwe, ba wabo, elo na bena mupalamano bakonaulwa, elo no kuya. ¹¹ Sheni abana benu bashiwa kunuma. Nebo nkabaleka ukuba no mweo, elo na bamukamfwilwa, elo no kuya.'' ¹² Pantu Yahweh alanda ifi, ''Boneni, uyo ushikoingila ukunwa afwile ukunwa muli kapu. Bushe webo ukoitontonkanishisha ukuyafye ukwabula ukukandwa? Tawakaye, pantu ukunwa ukanwa. ¹³ Pantu nebo nalilapile ne mwine-ifi efyalanda Yahweh-ukuti Bozra akesa kuba icakupapa umusebanya, tecibolya, elo ne ca cicipu. Imisumba yakwe yonse ikesa kuba icibolya umuyayaya. ¹⁴ Nebo ningumfwa ilyashi ukufuma kuli Yahweh, elo kuli inkombe iituminwe ku fyalo, 'Longaneni capamo no kumusansa. Ipekanyeni mu kulwa.' ¹⁵ ''Pantu bona, nakupanga mukukupalanya ukuba uwakucepesha ku fyalo fimbi, uwakusulwa ku bantu. ¹⁶ Ngefyo wailetutumina, umutima obe walekuitutumuna mukukubepa, webo we waikala mu ncende sha mu mabwe, webo weikala pa mulu wa tupili ica kuti ukupanga icinsa ica pamulu nga kapumpe. Ikakwikisha ukufuma palya-uku ekulanda kwakwa Yahweh. ¹⁷ Edomu ukaba icakupapa kuli onse uwapitapo. Umuntu onse akalaloleshako no kupapa pamulandu wa finkukuma fyakwe fyonse. ¹⁸ Nga filya cali mu Sodoma elo na Gomora elo na bena mupalamano wabo,'' efyalanda Yahweh, tamwakekale nangu umo ukekala kulya; takuli muntu ukekalamo. ¹⁹ Boneni, akoisa nge nkalamo ukufuma mu mushitu wa Yodani pakuya ku mulemfwe bacemena. Pantu nebo ikangufyanya ukulenga Edomu ukufulumuka ukufuma kulya, elo ikabikapo umo uyo ne mwine nkasala nka tungulula kulya. Pantu ni nani uli nga nebo, elo na nani uwingandubulwisha nebo? Mucemenshi uwingakwanisha ukukanya nebo?'' ²⁰ ''Eico umfweni ku mapange ayo Yahweh apangila abena Edomu, amapange ayo akwete ku bekashi abekala mu Temani. Bena bakalabalulufya cine cine shikaloba, nangufye mukuni uunono. ne mpanga shalikulyamo shikaluka ifiswebebe. ²¹ Ku congo cakuwa kwabo icalo casunkana. Icongo kwa kupundisha na kumfwika kuli Bemba Matete. ²² Boneni, bamo balasansa kwati ni kapumpe, elo akekila panshila elo akafungulwila amapindo yakwe pali Boza. Eluntu muli ubo bushiku, imitima ya bashilika bamu Edomu ikesa kuba kwati mutima wa mwanakshi uuli mukupapa.'' ²³ Kuli Damasiko: ''Hamati na Aripadi balikwete insoni pantu bena balyumfwile ilyashi ilyakubipa. Bena balilubile! Bena bali nga mabimbi pali bemba, icakuti balifililwe no kwikala bwino. ²⁴ Damasiko ali uwamaka sana. Alifulumwike ku kubelama; alikwete umwenso. Ukucululuka no kukalipwa kwa ku papa, kwati kukalipwa kwa mwanakshi uukopapa. ²⁵ Cili shani umusumba wa kulumbanya teukoleshiwa, umusumba wandi wa kusekelela? ²⁶ Eico abalumendo bakawa ku menso yakwe, elo bonse abaume babulwi ba kaloba muli ubo bushiku-ifi efyalanda Yahweh wa mabumba.'' ²⁷ ''Pantu nebo nkasonteka umulilo ku cibumba cakwa Damasiko, elo nkoca amalinga yakwa Beni Hadadi.'' ²⁸ Kuli Kedani elo naku mabufumu ya bena Hasori, Yahweh alanda ifi kuli Nebukatinesari (nomba Nebukatinesari imfumu ya Babiloni alyonawile ishi ncende): ''Imeni no kulwisha Kedari no konaula abo abantu baku kabanga. ²⁹ Amatenti yabo ne mpanga shabo bakasenda, pamo ne nsalu shamatenti yabo ne fipe fyabo fyonse; ingamila shabo bakasenda ukufuma kuli bo, elo abaume bakabilikisha kuli bo ati, ''Umwenso uuli kumbali shonse!'' ³⁰ Fulumukeni! Butukileni ukutali! Kabiyeni mu belame, mwebekashi bamu Hasore-ifi efyalanda Yahweh- pantu Nebukatinesari imfumu ya Babiloni alikwete amapange pali mwebo. Fulumukeni! Pibukeni! ³¹ Imeni! Ukulwisha uluko ulwa mutende, ulo ulwikala mu mutebebe, ''efyalanda Yahweh. Mwena tamwaba impongolo nangula mipindo muli ico, elo abantu abaikalafye beka. ³² Pantu ingamila shabo shikatapwa, elo ne fitekwa fyabo ifingi fikatapwa. Eluntu nebo nkabasanganisha konse abo ababeya umushishi wabo uwamu nsensematwi, elo nebo nkaleta ubucushi pali bo monse monse-ifi efyalanda Yahweh. ³³ Hasori akesa kuba umwakwikala mumbwe, icibolya icakutwalilila. Takuli nangu umo uukekala mulya; takuli umuntu uukekalamo mulya.'' ³⁴ Ici cebo cakwa Yahweh ico icaishile kwisa kuli Yelemia kasesema kuli Elamu. Ifi fya citike mukutampa mu butungulushi bwakwa Sedekia imfumu ya bena Yuda, elo alanda ati, ³⁵ ''Yahweh wa mabumba alanda ati: Boneni, nebo ndimukufuna ubuta bwa bena Elamu, uko ukwafuma amaka yabo. ³⁶ Pantu nkaleta imyela shine ukufuma mu matungwi yane iya mu mulu, elo nkafulumuna abantu bakwa Elamu kuli iyi myela yonse. Takwakabe uluko ulo tabasalanganishishe ukufuma ku bena Elamu uko tabakaye. ³⁷ Eico nkalenga umwenso ku bena Elamu pa cinso ca balwani babo elo na pacinso ca bakofwaya imyeo yabo pantu nkaleta ubucushi pali bo, no bukali bwandi ubukopya-ifi efyalanda Yahweh- elo nkabatumina ulupanga pali bo mpakafye nkakwate ukubalofya bena. ³⁸ Eluntu nkabika ubufumu bwandi mu Elamu elo nkalofya imfumu ne ntungulushi sha mulya-ifi efyalanda Yahweh- ³⁹ elo cikacitika mu nshiku shikakonkapo ulo nkababwesha muli bunkole bakwa Elamu-ifi efyalanda Yahweh.''